شۈكران- سېغىنىشنىڭ مۇقەددىمىسى

YuqunAdam

	سېغىنىشنىڭ مۇقەددىمىسى نۇر مۇھەممەد شۈكران مەلىكە مۇھەممەدنىڭ <سېغىنىشنىڭ ئاخىرىقى چېكى> نامىلىق شېئىرىگە تەقلىد لەۋلىرىڭ بىلىنمەي تىترەيدۇ سۆزلەپ، كۆزىڭدىن ياشلىرىڭ تۆكىلەر ئۈنسىز. بىر چىراي يېنىڭدا بولغاندەك زاھىر، مۇھاببەت تولپاردۇر شۇنداق يۈگەنسىز. يېنىڭدىن كەتمەيدۇ غېرىپلىق ھامان، تەكرار بىر ناخشىغا بولىسەن خۇمار. زۆھرەگە كېرىكى بولغاندەك تاھىر، قەلبىڭدە ئۈزلۈكسىز پۈكىلەر تۇمار. بىر تاشنى سۆيىدۇ يىگانە قۇمۇش، قاراغۇجا ئاسماندا ئۇچالماس ئىگىز. تۈنلەرگە خوشنىدۇ كۈندۈزلەر، ياپىر، كىگىزلا بولغاچقا پارقىراق بىگىز. سېغىنىشنىڭ ھەممىسى ئازاپتۇر ئازاپ، تۈنجى كۈن، ئاخىرىقى سائەتمۇ ئازاپ. سېغىنىش ئۆزىغۇ تاتلىق مۇھاببەت، سېغىنىشتا ئۆتكەن كۈن ماغزاپتۇر ماغزاپ.

ئىبنۇرى

	شەنىڭگە تۈمەنمىڭ گۈل دەستە تۇتاي                       (ئوت يۈرەاك شائىر لوتۇپۇللا مۇتەللىپ تەۋەللۇتىنىڭ 90 يىللىقىغا ئاتاپ)         ئىمام ئىسمائىل ئىبنۇرى                                             پۈتۈمەن شەنىڭگە ئالقىشتىن داستان،                                             جۈر بولۇپ كۈلمەكتە زەڭگەر كۆك ئاسمان.                                             بارچە جان تەسسەددۇق ئۆچمەس ئىزىڭغا،                                             ئوغلانسەن مۈشكۈلدە ھەق زەپەر قۇچقان.                                            جەم بولسا كىشلىرىم ئارام كۈنلەردە،                                            تىلىدىن سەن ئۈچۈن باللار تامىدۇ.                                            ۋادىرىخ!ئەل كۆزى ئەرلەرگە ئەللىك...                                            شەنىڭگە چىن دىلدىن گۈللەر تۇتىدۇ.                                            يازدىڭسەن سايرامدەك ئۆرلەپ توختىماي،                                            زايا بوپ كەتمىدى ئوقلۇرۇڭ بىر پاي؟!                                            ئېتىپ ئۆل،نامەرتتەك يېتىپ ئۆلگىچە،                                            ئەجرىڭگە قەلىپتىن نۇرلار چاقنىغاي.                                            ئاققۇزدۇڭ ساپ قان-تەر ئەلنىڭ شەنىگە،                                            ھەر بېتى ئۆمرۈڭنۈڭ شاھىد ۋەتەنگە.                                            تىل-تۇمار ئاسقۇم بار،ئالتۇن بويۇڭغا،                                            تەڭرى ئوڭ كۆزىدە باققان ئەرەنگە ...                                            ئىجادنىڭ بېغىدا چاپتىڭ سەن ھارماي،                                            ياز-ئاياز ئەجرىقىپ كۈن-تۈن ئۇخلىماي.                                            تاڭلاردىن-تاڭلارغا ئاقتىڭ نۇر كبى-                                            ئېلىڭگە قۇياشتەك بېقىپ خۇش چىراي.                                            چىن شائىر بولغاچقا خانتەڭرى مىسال،                                            جۇت-بوران قەھرىڭدىن بولدىغۇ ئوسال.                                            گۈلدەستە سۇنىمىز قۇتلۇق كۈنۈڭدە،                                            ئەلنىڭ چىن ئاشىقى تاپتى دەپ ۋىسال.                                           تۆكۈلەر زەر ئالتۇن مىسرالىرىڭدا،                                           ئەل ئويى چېچەكلەر ھەر بىر ئويۇڭدا.                                           روھىڭدىن،ئىزىڭدىن ئۇيقىسىز ماڭدۇق،                                           خىسلەت بار ئەتىنى كۈتكەن تېڭىڭدا.                                          دوقالدىن مەڭدىمەي كىشنەپ ئاتلىدىڭ،                                          شۇمبويا تىكەندىن غەمسىز ياتمىدىڭ.                                          ھەر كىمنىڭ بېشىغا كەلگەن ئەلەمنى،                                          قەلەمگە ئەمىرقىپ،بىرگە تارت دېدىڭ.                                          تون پىشتۇق بويۇڭغا ئۇز ۋە چىرايلىق،                                          شاھانە كۆڭلۈڭدىن كۆچسۇن گادايلىق.                                          تولۇن ئاي پارلىغان ئاپئاق كېچىدە،                                          سەندىن شېئىر تىلىدى يۇرت ۋە خالايىق.                                          ئەل ئوغلى ئەل ئۈچۈن ئاققۇزغاندا تەر،                                          قاغجىراق چۆللەرمۇ بولار يېشىل يەر.                                          ئەل كەچكەن كېچىكتىن يانمىدىڭ زىنھار،                                          ئۇنتۇلماس مېھنىتىڭ ئەلدە شام-سەھەر.                                          چۆللەردە تىڭرىقاپ ئازغاندا يولدىن،                                          بەقۇۋۋەت سېزىمەن ئۈپسەم پېشىڭدىن.                                          ئۈلگۈسى بارچىنىڭ سەن بەرگەن ئۇدۇم،                                          توۋلايمەن‹‹ياشا››دەپ يۈرەك قېتىمدىن.                                          ئەل-ئاۋام ھۈرمەتتە ساڭا تۇتار گۈل،                                          شۇ گۈلنىڭ بەرگى سەن،ساڭا ئەل ئىجىل.                                          يىلتىزىڭ تارىخ بوپ ياشنايدۇ ئەلدە-                                          روھىڭ ھەم سولماس گويا تۆت پەسىل.                                          كۈچ-ئۆملۈك-ئىناقلىق مەڭگۈلۈك تېما،                                          ئىنسانغا ئاپەتتۇر ئاداۋەت-نىزا.                                          روھ ئېلىپ ئۇستازدىن بارچە قەلەمكەش-                                          رەزىللىك تۈنىگە چاپايلى زىيا...                                          رازى بول ئەزىمەت،رازى بول ئەبەت،                                          ئالقىشلار سەن ئۈچۈن ئاخىرقى رويخەت.                                          يوق ئارمان بىز ئۈچۈن ھايات-ماماتتا،                                          ئەل ئۈچۈن سەن كەبى بەرسەك بال-شەربەت. 2010-يىل 19-نويابىر...شەھىرى بورتالا

malika706

	كۆزلەر پەرىشان كۈتۈشلەردىن تۇنجۇققان كېچە، تاپالمايدۇ دەردىگە دەرمان. يوق سۆيگۈدىن زەررە نېسىۋە، يۈرەك لەختە كۆزلەر پەرىشان. بىر مۇھەببەت تاشلاندى چۆلگە، گۈلىستانى بولغاندا ۋەيران. قول سوزمىدى سۇلغان گۈلىگە، ئويلار ئاچچىق كۆزلەر پەرىشان. باغاشلىغان قاراڭغۇلۇقنى، سېيپاپ ئۆتەر ئۈمىدسىز ئارمان. ئازاپلارغا چىلاپ يۈرەكنى، كىرپىكلەر نەم كۆزلەر پەرىشان. بۇ كېچىدە خىيال باياۋان، يۈرەكتىن ھەم تۆكۈلەر ئارمان. يېگانە كۈي يېگانە ھامان، كۆزلەر دەريا،كۆزلەر پەرىشان.

ئىبنۇرى

	بىلىدىغانلار يۇقارقى شېئىرىمنى مۇنبەر بېتىگە يوللاپ قويساڭلار بولاتتى...؟!

YuqunAdam

	ئىبنۇرى يوللىغان ۋاقتى  2014-11-3 06:19 PM بىلىدىغانلار يۇقارقى شېئىرىمنى مۇنبەر بېتىگە يوللاپ  ... يوللاپ قويدۇم. تەستىقتىن ئۆتسە چىقىدۇ

مېھرىما

	«يۇچۇن ئادەم،ۋە مەلىكە»نىڭ شېىرلىرى شۇنداق ياخشى چىقىپتۇ ،ئاپىرىن سىلەرگە.