مەلىكە مۇھەممەت ھىلال: كۈلۈپ تۇرۇپ ئۇزاتقىن مېنى

malika706

	ۋاز كەچتىم مەلىكە مۇھەممەت ھىلال سەن كەچتىڭ خوش جانان مەنمۇ ھەم كەچتىم، مېنىڭدىن ۋازكەچكەن«ئاشىق»دىلىڭدىن. سەن كەتتىڭ يىراققا مەنمۇ ھەم كەتتىم، ۋاپادىن ئايرىلغان سۆيگۈ بېغىدىن. تارتىشماي كېتىۋەر ئەتىگە قاراپ. ئىرىمە ھەتتاكى كۆز ياشلىرىمغا. باغرىمدالىققىدە سەن سۇنغان ئازاپ، ئاھ شۇلارھەمرادۇر يالغۇزلۇقۇمغا. ھېچكىمسەن دەرتلىرىڭ تونۇش بولسىمۇ، چاقىرسام سۆيگۈمنىڭ يەتمەيدۇ ئۈنى. خىيالىم بىرساڭا تولۇپ تۇرسىمۇ، مەڭزىمدىن تاراملاپ تۈگەر بىر كۈنى. ۋاز كەچتىم قايرىلما ئىزدە بەختىڭنى، ئۇھسىنىپ يالغاندىن قايغۇرما زىنھار. سەن خۇشال تېپىۋەر سۆيگۈ تەختىڭنى، مېنىڭسىز گۈللەرگە قونۇپ«بىغۇبار». ئۆلۈمنى سېغىنىش مەن قارا بەختىمگەيۆلىنىپ پەقەت، كۈلگەنمەن ئۆزۈمگە ياكى ئۆلۈمگە. ھېچ يۈرەك ئەسلىمەس ئىشەنمەس بىررەت، مەن ئۆلۈپ كىتىمەن دېگەن سۆزۈمگە. بۈگۈندىن يىراقلاپ ئۇنتۇلسام ئەگەر، نىشانسىزقەدەملەر توختار ئېھتىمال. مەنسىزمۇشاۋقۇنلۇق بۇ سوغۇق شەھەر، باھانە يوق ياكى ئەسلەشكە ئامال. بەرىبىر كىلىسەن ماڭا قول ئېچىپ، سەھەردە ۋەياكى مۇدھىش كېچىدە. كۈتىمەن ئامالسىز سېنى سېغىنىپ، دەردىمنى ھېچكىمسىز قۇيۇپ ئىچىمگە. ھېچكىم يوق سەندىن ھەم مېنىڭدىن باشقا، بىردىنبىر ھەمراھىم ئۆزۈمگە ئۆزۈم. ياشاۋەر مېنىڭسىز بىۋاپا دۇنيا، مەن كەلدىم ئېلىپ كەت خەيرلىك ئۆلۈم. كۈلۈپ تۇرۇپ ئۇزاتقىن مېنى ئەتە بەلكىم ئۆلۈپ كېتىمەن، كۈلۈپ تۇرۇپ ئۇزاتقىن مېنى. ھاياتىڭدىن مەڭگۈ يۈتىمەن، ئاققۇزمىغىن كۆز ياشلىرىڭنى. بەلكىم يامغۇر ياغمايدۇ ئەتە، كۆرەلمەيمەن ياكى قۇياشنى، ھېچكىشىگە بەرمىدىم ۋەدە، ئەتە يەنەتىرىك ياشاشنى. نېچۈن دېمەسورىما مەندىن، بۇ ۋىدالىق تاللىشىم ئەمەس. ئايرىلغانداروھىم سوغ تەندىن، تۈگەر ھەممەتوختايدۇ نەپەس. ئەتە راستلا ئۆلۈپ كەتسەم گەر، كۈلۈپ تۇرۇپ ئۇزاتقىن مېنى. كۆز ئاچماستامەن يوق بىر سەھەر، ئۇنتۇپ كەتكىن مېنى ھەممىنى.

malika706

	ئاخىرقى سۆز ئوخشىتىسىز مېنى باھارغا، خۇددى كەچكۈز كەلمەيدىغاندەك. يالقۇنلايسىز ئېقىپ باغرىمغا، بولدى قىلىڭ ئىرىمەس يۈرەك. ئىشقىڭىزدا كۆيمىسەم بىر رەت، دەستە گۈللەر ماڭا نە كېرەك. جۈپ يۈرەك تەڭ كۆيمىسە ئەبەد، ئۇ بەخىتتىن بېرەمدۇ دېرەك. كۈتۈشلەرگە باغلىماڭ دىلنى، ئۈمۈد كۈتمەڭ مېنىڭدىن پەقەت. بىرەلمەيمەن سۆيگۈ سىرىمنى، يوقتۇر ھەتتا بىر مەرتە پۇرسەت. بەلكىم راستلا ئاشىق بولغانسىز، قىزىل گۈلدەك زىلۋا بويۇمغا. چاقىرارمەن ئامان بولغايسىز، مېھمان بولۇپ كېتىڭ تويۇمدا.

malika706

	يىغلىماڭ ھەرگىز يۈرىكىمدىن كەتمەڭ يىراقلاپ، ھىجرانىڭىز دېڭىزدەك چەكسىز. مەنلا ئاقاي مەڭزىمدىن تاراپ، سىز يىغلىماڭ،يىغلىماڭ ھەرگىز. سوغۇق دېمەڭ يارسىز كېچىنى، كۆيمەكتىمەن سىزدە لاۋۇلداپ. دەرتلىرىمگە تاشلىماڭ دىلنى، كۈلكىڭىزنى كېتىدۇ ئالداپ. ئىشقىڭىزدا ئۈنگەن چېچەكنى، مېھىر بىلەن سۆيۈڭ ئۆزىڭىز. ئىزىپ ئىزىپ لەختە يۈرەكنى، يەنە ئىزىپ يىغلىماڭ ھەرگىز. تاشلاپ قويۇڭ ئازاپقا مېنى، ھەرنە ئىشقا سىز ئۈچۈن تەييار. ئۇنتۇپ كېتىڭ ھەممە ھەممىنى، دەردىڭىزنىڭ دەرمانى مەن بار.

blackrose

	ھوزۇرلاندىم...داۋاملىق ئالغا!

مېھرىما

	يۇقۇردىكى شېىرلىرىڭىزمۇ بىر-بىرىدىن ياخشى چىقىپتۇ،مەمنۇن بولدۇم ،رەھمەت سىزگە ،قوللىرىڭىزغا دەرت بەرمىسۇن.

b1a2g

	بەلكىم راستلا ئاشىق بولغانسىز، قىزىل گۈلدەك زىلۋا بويۇمغا. چاقىرارمەن ئامان بولغايسىز، مېھمان بولۇپ كېتىڭ تويۇمدا. باشقا شېئىرلارمۇ ئېسل چىقىپتۇ لېكىن ئاخىرقى سۆز ناملىق شېئىردىكى  ما مىسرالار رەسمىي جايىغا تېگىدىكەن،

Gvlmisal

	ئۆزبېكچە ناخشىلارغا غىڭشىپ تۇرۇپ ئوقۇۋەتتىم شىئېرلرىڭىزنى جۇمۇ .بۇلۇپمۇ «ئاخىرقى سۆز،يىغلىماڭ ھەرگىز»بەكلايېقىپ كەتتى.

99sahrayi99

	راستىنلا ياخشى چىقىپتۇ!.. بىر بىرىدىن ئېسىل!.. ياقتۇردۇم، كەينى- كەينىدىن بىر قانچە قېتىم ئوقۇپ چىقتىم!.. بىر نەرسە يازماقمۇ تەس، لېكىن ياخشىراق يېزىلغان بىرەر پارچە ئەسەرنى تۇنۇپ ئوقۇپ چىقماقمۇ تەس!..

malika706

	blackrose يوللىغان ۋاقتى  2014-11-3 07:14 PM ھوزۇرلاندىم...داۋاملىق ئالغا! تەشەككۈر

malika706

	مېھرىما يوللىغان ۋاقتى  2014-11-3 07:17 PM يۇقۇردىكى شېىرلىرىڭىزمۇ بىر-بىرىدىن ياخشى چىقىپتۇ،مە ... رەھمەت،يازمىلىرىمنى قالدۇرماي كۆرىۋاتىسىز، تەشەككۈر. پىكىرلەرنى ئايىمىغايسىز.