ساغلاملىق ھەققىدە ماقال-تەمسىللەر ساغلام بولاي دىسىڭىز كۈرۈپ

alnurum

	ساغلاملىق ھەققىدە ماقال-تەمسىللەر ※ كىچىكىڭدىن چېنىقىپ بەرسەڭ، قېرىغاندا دورىغا ھاجىتىڭ چۈشمەس.   ※ ھەرە ھەسەل يىغار، ھۇرۇن كېسەل (يىغار). ※ سوغۇق تاپاندىن ئۆتەر، كېسەل ئېغىزدىن. ※ كۆكتاتنىڭ سەرخىلى سامساق، داۋاملىق يېگەننىڭ تېنى ساق. ※ ياخشى تاماق دەپ كۆپ يېمە، ياخشى ھاراق دەپ كۆپ ئىچمە. ※ سۈرتۈلمىگەن پىچاقنى دات باسار، چېنىقمىغان بەدەننى دەرد (باسار). ※ شادلىق ــــ ساغلاملىق، غەم - قايغۇ ـ ※ساغلاملىق بىباھا گۆھەر، ※ساغلام تەندە ساپ ئەقىل، ※ئاغىرىقنى يوشۇرساڭ ئۆلۈم ئاشكارا، ※چاينىماي يېسەڭ، كۆشۈمەي ئۆلۈسەن، ※سوغۇق ئاياغدىن ئۆتەر، كېسەل ئېغىزدىن كىرەر، ※تەرلىدىم دەپ چاپان سالما، توڭلىدىم دەپ چاپان كىيمە، ※كۆزۈڭ ئاغىرسا قولۇڭنى تارت، چىشىڭى ئاغىرسا تىلىڭنى تارت، ※بالدۇر يېتىپ سەھەر تۇر، دېگىن كېسەل نېرى تۇر، ※تەسكەي ئۆيدە كىسەل قۇرۇماس، ※پىچاقنى سۈرتمىسەڭ دات باسىدۇ، چېنىقمىغان تەننى كېسەل باسىدۇ، ※كۈلكە جاننىڭ ئوزۇقى، خاپىلىق ھاياتنىڭ توزىقى، ※ئاچ قورساققا تاماق يىسەڭ مېغىز تېتىيدۇ، توق قورساققا تاماق يىسەڭ سېغىز تېتىيدۇ، ※ئالتۇن تېنىڭ ئامان بولسا ،ئالتۇن قاچىدا ئاش ئىچىسەن، ※تاماقتىن كېيىن يۈز قەدەم ماڭساڭ يۈز ياشقا كىرىسەن، ياشىرىمەن دەپ دورا ئىچكەندىن، ئۆكسۈتمەي يۈگۈرگەن ياخشى، دورىنى ئاز يە، مىجەزىڭنى كۆپ تەڭشە، زۇكام بولمايمەن دېسەڭ ، سوغۇق سۇدا يۇيۇن، ئىش ئىشچاندىن قورقىدۇ، كېسەل چېنىققاندىن قورقىدۇ، نۇر، ھاۋا، سۇ ، بەدەن چېنىقتۇرۇشنىڭ ئۈچ گۆھىرى، ھەرىكەت قىممىتى چىدام غەيرەتتە، تاماق لەززىتى چايناپ يېيىشتە، تاۋلىمىسا پولات بولماس، چېنىقمىسا ساغلام بولماس، مۈكچەيگەننىڭ بېلىنى كەتمەن تۈزلەيدۇ، ھۇرۇنغا كېسەل ئامراق، ھەرىكەت بەرىگەت، بىكارچىلىقتىن نېرى كەت، ساقلىق تىلىسەڭ كۆپ يېمە، ئىززەت تىلىسەڭ كۆپ دېمە، ئىرادە ھەرقانداق دورىغا قارىغاندا كۆپرەك ئۈنۈم بېرىدۇ، قىلبىنى داۋالىماي تۇرۇپ بەدەننى داۋالىغىلى بولمايدۇ، ئەت ئەتكە، شورپا بەتكە، ھەرە ھەسەل يىغار،  ھۇرۇن كېسەل يىغار، كۆكتاتنىڭ سەرخىلى سامساق، داۋام يېگەننىڭ تېنى ساق، رەتلەپ ئەۋەتكۈچى  :شىپا

ئەلرام

	ياخشى ماقال-تەمسىللەر ئىكەن، كۆپىنچىسىنى خاتىرلىۋالدىم؛ رەھمەت .

orhunogli

	ئىنتايىن ياخشى ماقال-تەمسىللەر ئىكەن.ساقلىۋالاي دىسەم ساقلىغىنى بولمايۋاتىدۇ؟!

مېھرىما

	بۇنداق ياخشى ماقال-تەمسىللەرنى چۇقۇم سقلىۋېلىش كېرەك. رەھمەت ھارمىغايسىز.

uyghari

	ئاغرىپ ساقايغان جان ئولجا،   يوقىلىپ تېپىلغان مال ئولجا.   بېشىڭنى سالقىن، قوسىغىڭنى توق، پۇتۇڭنى ئىسسىق تۇت.   بىر خىل تۇرساڭ يۈز يىل ئۆمۈر كۆرىسەن.   كېسەلگە قاراپ دورا،   كاڭغا قاراپ بورا.   كېسەللىك ئېغىزدىن كىرەر.   كۆزۈڭ ئاغرىسا قولۇڭنى تارت،   قوسىقىڭ ئاغرىسا نەپسىڭنى (تارت).

mehriya

	سوغۇق تاپاندىن ئۆتەر، كېسەل ئېغىزدىن. بۇ ھەقىقەتەن توغرا ھەم ئەمىليەتتىن ئۆتكەن ماقال تەمسىل !

مەھمەت94

	ياخشى تاماق دەپ كۆپ يىمە، ياخشى ھاراق دەپ كۇپ ئىچمە. تەرلىدىم دەپ چاپان سالما، تۇڭدىم دەپ چاپان كەيمە. ماۋۇلارمۇ ماقال تەمسىل جۇملىسىدىنما؟ مەنىسى نىمە بۇ سۇزلەرنىڭ؟