مەلىكە مۇھەممەت ھىلال:سېغىنىشنىڭ ئاخىرقى چېكى

malika706

	سېغىنىشنىڭ ئاخىرقى چېكى مەلىكە مۇھەممەت ھىلال مەڭزىڭدە توختايدۇ سۆيەلمىگەن يار، شۇ بەلكىم سۆيگۈڭنىڭ يېشىلمەس سىرى. كەتسىمۇ نەچچە رەت نەچچە رەت باھار، كەتمەيدۇ قەلبىڭدىن نىگارنىڭ ئىزى. بىر جۈپ قۇش مەڭزىڭدىن ئۇچۇپ ئۆتكەندە، خىيالىڭ ئاھ يەنە كېتىدۇ ئالداپ. ئەللەيلەپ،ئەركىلەپ كەتسە بىر قەترە، قالغىنى ھېچنىمە يا شىرىن ئازاپ. ھەممىسى كىتىدۇ ۋاقىتقا مىنىپ، ئەسلەيسەن ئۇيقۇسىز تۈنلەردە پەقەت. سېغىنىپ سېغىنىپ سېغىنىۋىرىپ، ئۇنتۇيسەن بىر بىرلەپ باغاشلاپ. ۋاز كەچمىدىم سەن كەچكەن شۇ سۆيگۈدىن جانان، ۋاز كەچمىدىم كەچمەيمەن پەقەت. سۇنۇپ كەتكەن سۆيگۈ جامىدا، كۈتۈشلەردىن سۇندۇم مۇھەببەت. تاراملايدۇ سېغىنىش ئوتى، يۈرىكىمنىڭ جاراھىتىگە. خىيالىمغا سېنى تولدۇرۇپ، سۇندۇم يەنە تەنھا ئۆزۈڭگە. دىل بېغىمدىن كەتسەڭمۇ يىراق، ئىسمىڭ ماڭا بېرىدۇ دەرمان. سەن سۈكۈتتە كۆيسەڭ گۈرۈلدەپ، مەن كۈل بولدۇم ئىشقىڭدا ھامان. ماڭا سۇنغان ئازاپلىرىڭنى، ئىچىپ ئىچىپ قانىمدىم تېخى، سەن كەچسەڭمۇ كەچمەيمەن سەندىن، بۇ سۆيگۈنىڭ سىرى،قۇدرىتى.

azizyaxa

	قايسى بىر دانا يازدىكىن ( ئۆتمۇشنى چاقىرما ،ئۇنىڭ ساڭا ئېيتىپ بىرەلەيدىغان يېڭىلىقى يوق ) دەپ ئۇنتۇش كىرەك ئۇنتالمىساڭمۇ

مېھرىما

	بۇ شېىرىڭىزمۇ ناھايىتى ياخشى چىقىپتۇ ،اللاھ زېھنىڭىزنى ئوتكۈر قىلغاي،قوللىرىڭىز ھارمىغاي.

mehriya

	يەنىمۇ تېرىشىڭ . بۇندىن كىيىنكى ئىجادىيىتىڭىزگە ئۇتۇقلار يار بولسۇن .

ap~qilam

	ۋاز كەچمىدىمنى ياقتۇردۇم،ئىجادىيەتلەر ئۈزۈلمىسۇن

باشتۇغ

	ئىلھاملار يار بولسۇن . ئۇنتۇيسەن بىر-بىرلەپ باغاشلاپ ھەسرەت .

b1a2g

	ئەسسەلەمۇ ئەلەيكۇم مەلىكە قىز ، ئۆتكەندە چچ بوشلىقىنى ئارلاۋېتىپ شېئىرلىرىڭىزنى كۆرگەن ئىدىم ، شېئىرلىرىڭىزدا قىزلارنىڭ تىلىغا خاس يېنىك ھەم ئەركىن لېرىكا بار ئىكەن، بۇ شېرىڭىزمۇ شۇنداق ياخشى چىقىپتۇ. مۇشۇنداق ئېسىل لېرىكىڭىزنى داۋاملىق يوللاپ تۇرغايسىز.

YALPUZ

	ماڭا  سۇنغان  ئازاپلىرىڭنى  ئىچىپ  ئىچىپ  قانمىدىم  نىمانداق  ئازاپلىق  دەقىقىلەر ھە، بەزىدە  ئۇنىڭ  سۇنغان  ئازاپلىرىنى  كۇلۇپ  تۇرۇپ  قولىمىزغا  ئالىمىز،  مەلىكەنىڭ  ئەسەرلىرى  ئۇزۇلمىگەي，

malika706

	مېھرىما يوللىغان ۋاقتى  2014-11-2 06:36 PM بۇ شېىرىڭىزمۇ ناھايىتى ياخشى چىقىپتۇ ،اللاھ زېھنىڭىزن ... تەشەككۈر،پىكىرلىرىڭىزنى ئايىمىغايسىز.

malika706

	mehriya يوللىغان ۋاقتى  2014-11-2 07:07 PM يەنىمۇ تېرىشىڭ . بۇندىن كىيىنكى ئىجادىيىتىڭىزگە ئۇتۇق ... رەھمەت