كەچكۈز شامىلى (شېئر)

mamatablakumluk

	كەچكۈز شامىلى مۇھەممەت ئابدۇللا زاكىر  (قۇملۇق) كەچكۈزنىڭ شامىلى چىقماقتا يەڭگىل. قىش چىللاپ سوغۇقنىڭ ھىدىنى باشلاپ. ئالقىشلاپ دەرەخنىڭ گەۋدە شاخلىرى. تىنىدىن سىلكىپلا يۇپۇرماق تاشلاپ. باراڭدىن ئايرىلىپ  ئۈزۈم تاللىرى. كۆمۈلدى تۇپراققا كۆزلىرى  ياشلاپ. ئەمدىلا بىخلىغان بۇغداي مايسىسى. ئۆسۈشتىن توختىدى دىھقانغا قاخشاپ. ئاق تورنا،ياۋا غاز، سەپ-سەپ بولۇشۇپ. كۆچمەكتە كۆللەردىن چۆللەرنى ئاتلاپ. ئۈششىگەن باغدىكى يۇمران كۆچەتلەر. شۇمشىيىپ تۇرىدۇ باغۋەنگە داتلاپ. كەچكۈزنىڭ شامىلى توختىمايدۇ ھىچ. كۈچىيىپ شىۋىرغان، جۇدۇننى ساقلاپ. ئۆيلەرگە مۈكۈشتى قالدى مۇساپىر. ئوتى يوق تونۇرغا ئۆزىنى قاقلاپ.

mehriya

	ياخشى يېزىپسىز . ھاۋا سۆۋۇشقا باشلىدى . كونىلار ‹ قىشنىڭ غېمىنى يازدا قىل › دەپ توغرا دەپتىكەن . يازدا ئېتىز قىرلاردا ھالال تەرلىرىنى ئاققۇزۇپ كەتمەننى چىڭ كۈچ بىلەن چاپقان دېھقاننىڭ ئۆيىگە كىرسىڭىز ئىللىق مۇھىتنى كۆرۈسىز . ئەڭ ئاخىرقى مىسرايىڭىزدىن مۇشۇ ئىنكاسنى يېزىپ سالدىم . باش شەكلىڭىزدىكى يەر  پىچان قۇمتاغ دەك قىلىدۇ ھە !  ھارمىغايسىز قېرىندىشىم .

WOLKANII

	مۇبارەك بولسۇن ،ياخشى چىقىپتۇ .

Janbar

	سىزگە يەنە بىر تەكلىپ بەرسەم رەنجىپ قالارسىزمۇ دېدىم، شۇنداقتىمۇ يەنە زىغىرلايدىغان بولدۇم. ھەربىر مىسرانىڭ ئارقىغا چېكىت قويۇپ قويۇپسىز، بۇنى ھەتتاكى ئۈستىدىكى ۋولقانى ئاكاممۇ دېمەپتۇ. مېنىڭ بۇنى يوشۇرۇپ دېمەي ئۆتۈپ كەتكۈم كەلمىدى. باشقۇرغۇچىلارغا يۈرەك سۆزۈمنى دېسەم خاپا بولىسىلەر ھەقىچان شۇندىمۇ مەن يەنىلا دېمىسەم بولمىدى: مۇشۇ شېئىر دېگەن خەتكە بىر قاراپ قويساڭلار بولاتتى قېرىنداشلىرىم. تېمىنىڭ ماۋزۇسىنىمۇ ئوقۇماي تەستىقلايدىغان گەپمۇ؟ (ئاغرىنمىغايسىزلەر، كۆزۈڭلارغا سەت كۆرۈنىدىغان بولدۇم لېكىن)

99sahrayi99

	Janbar يوللىغان ۋاقتى  2014-11-1 11:38 PM سىزگە يەنە بىر تەكلىپ بەرسەم رەنجىپ قالارسىزمۇ دېدىم،  ... جانبەر قېرىندىشىمنىڭ ئىنكاسىغا ئەگەشتىم!.. بىز ئۆزىمىزنى بىلەرمەن دەيدىكەنمىز چۇقۇم ئالدى بىلەن ئۆزىمىزنىڭ قىلغان ئىشلىرىمىزنى بىلىشىمىز لازىم. ھەر قانچە ياخشى يېزىلغان بىر ئەسەرمۇ چېكىت- پەشلىرى جايىغا كەلمىسە ... بولدىلا..... خەير،  ئىملاغا دىققەت قىلىپ كەتكەيسىز!..

مېھرىما

	شېىر ياخشى يىزىلىپتۇ ،بىراق تىنىش بەلگىلىرىگە دىققەت قىلىپ كەتسە تېخىمۇ ياخشى بۇلاتتىكەن.

باشتۇغ

	بەك ياخشى يېزىپسىز . شېئىرغا يەنە شېئىر دەپ ئەسكەرتىپ قۇيۇش زۈرۈرمۇ ؟.

mamatablakumluk

	ئىنكاسلىرىڭلاردىن يىتەرسىزلىكىمنى ھىس قىلىۋاتىمەن.ئىملا خاتالىقىم تۈپەيلىدىن خىجىل بۇلىمەن…نەچچە قىتىم بولدىلا يىزىشنى توختىتاي دەپمۇ ئويلىدىم…كىيىن بۇ بىر ئەيىپلەش ئەمەس بەلكى مىنى تىخىمۇ ياخشى ئۈگۈنۈشكە ئىلھاملاندۇرۋاتقان يىتەكچىئىكەنلىكىنى ھىس قىلدىم…دوسلارغا رەھمەت…

دىلناز1

	مۇشۇ كۈز بىلەن باھار شائىرلاغا ئىلھام ئېلىپ كېلىدىغان پەسىللەر،

你爱上了谁

	ياخشى يېزىپسىز