مېنىڭ خەستە پەرىشتە ئانام

rustorahbar

	مېنىڭ خەستە پەرىشتە ئانام رۇستەم قاراسۇ مەن يىغلىسام بىللە يىغلايدۇ، يۈرىكىنى ئەلەم تىلغايدۇ، ماڭا ئاشتىن نېرىن ئىلغايدۇ، مېنىڭ خەستە پەرىشتە ئانام. تېلەكلەرنى مەن ئۈچۈن تېلەپ، قىلماي مەندىن مال-دۇنيا تەلەپ، ياشاپ كەلدى بەدەللەر تۆلەپ، مېنىڭ خەستە پەرىشتە ئانام. جېنىم بالام كۈلگىنە دەپ كۈل، بولدى ئانام مەيدەمدىكى گۈل، شۇنچە ساددا شۇنچە ئاق كۆڭۈل، مېنىڭ خەستە پەرىشتە ئانام. مەندە ئارتۇق ئارمان يوق ئىدى، باغرىغا لىق شادلىق تولسىدى، مېنىڭ ئۈچۈن ئامان بولسىدى، مېنىڭ خەستە پەرىشتە ئانام. رۇستەم قاراسۇ ئاتۇشتا يېزىلدى.

99sahrayi99

	ئانا ئۈچۈن يېزىلغان بۇ شېېئىرمۇ بەك يېقىملىق چىقىپتۇ، .. قاراسۇ بارادەرنىڭ قولىغا دەرت كەلمىگەي!.. ھارمىغايلا!..

Gvlmisal

	شېئىرنىڭ ئومۇمىي قۇرۇلمىسى ۋە ئىپادىلەنگەن ھېسىيات شۇنچە يېقىملىق،ياخشى بوپتۇ.لىكىن مەن  ئومۇمىي قۇرۇلمىغا سېلىشتۇرۇپ ئېيتقاندا ماۋزۇ ۋە ھەر بىر كۇبلىتنىڭ 4-مىسراسى قىلىپ ئىشلىتىلگەن«مېنىڭ خەستە پەرىشتە ئانام»دىگەن مىسرادىكى «خەستە»سۆزىنى ئارتۇقچە زورۇقۇپ ئىشلىتىپ قالغاندەك ھېس قىلدىم. يەنە بۇ شېئىردىكى ئىملا خاتالىقى يۈز بەرمەسلىكى كېرەك دەپ ئويلىدىم.ئەسەرلىرى سالۇنلاردا ئېلان قىلىنىپ ،تور ساھەسىدە بەلگىلىك نۇپۇزغا ئىگە بولغان قەلەم ساھىبىنىڭ كىچىككىنە ئىملا خاتالىقىنىمۇ كۆزۈمگە سىغدۇرالمىدىم. قەلەملەر بەرىكەتلىك بولسۇن!

WOLKANII

	مۇبارەك بولسۇن ،ھارمىغايسىز.

ئىپارە

	مىنىڭ سۈيۈملۈك ئاپام سىزدەك بىر ئوغلىدىن ئايرىلىپ يۈرىكى لەختە -لەختە بوپ كەتتى.  مەنمۇ دۇنيادا ئاكىسىز قالدىم.مەن بارلىق ئىشلاردا ئۆزۈمنى بەختسىز ھىس قىلمىغان ئىدىم ، ئاكامدىن ئايرىلىپ بۇ دۇنيادىكى ئەڭ بەختسىز بوپ قالدىم.......

Janbar

	ماڭا ئاشتىن نېرىن ئىلغايدۇ، بۇ يەردىكى ئاشتىن نېرىن ئىلغايدۇ دېگەن قانداق گەپ؟ قالدى گەپنى ئۈستىدە دەپ بولۇپتۇ. راس گەپنى قىلسام يېقىندىن بۇيانقى رۇستەم قاراسۇ بۇرۇنقى رۇستەم قاراسۇ ئەمەستەكلا بىلىنىۋاتىدۇ. ئايرىم پاراڭلىشىپ باقمىسام بولمىدى. بۇرۇنقى نادىر يازمىلىرىنى مەتبۇئاتقا بېرىپ بىزگە مەشىقلىرىنى سۇنۇۋاتامدىكىن دېسەم تېخى ئۇنداق ئەمەستەك؟ رۇستەم قاراسۇنى يېقىن دوستۇم بىلگەچكە شۇنداق دەيمەنكى ئەسلىدىكى رۇستەم قاراسۇنى سېغىنىپ قالدىم. بۇندىن كېيىن تېمىلىرىڭىزدا بۇرۇنقى روھنى كۆرگۈم بار! مۇۋاپپىقىيەت يار بولسۇن بۇرادەر!

Gvlmisal

	Janbar يوللىغان ۋاقتى  2014-11-1 12:43 AM ماڭا ئاشتىن نېرىن ئىلغايدۇ، بۇ يەردىكى ئاشتىن نېرىن ئى ... ساۋاتسىزمۇ يا سىز؟ دىسەم بەك سەت تۇردۇ ھە؟ مەنغۇ بۇ گەپنى تاماقلارنىڭ ئىچىدە نارىن دەپ بىر تاماق بۇلىدىغان .شۇنى ئانام ماڭا تاللاپ ئىتىپ بىرىدۇ دەپ چۈشەندىم. قالغان پىكىرگە ئەگەشتىم.

Janbar

	Gvlmisal يوللىغان ۋاقتى  2014-11-1 12:55 AM ساۋاتسىزمۇ يا سىز؟ دىسەم بەك سەت تۇردۇ ھە؟ مەنغۇ ب ... مەن ساۋاتسىز ئەمەس. ئەمما ھازىرقى دۇنيانىڭ ئالدىدا خەت ساۋادىم چىققاننى ساۋاتلىقمەن دېسەم بولماي قالارمىكىن؟ نارىننى قەشقەر تەرەپلەردە نېرىن دەيدىغىنىنى بىلىمەن. ئەمما نارىن دېگەن ئايرىم تاماق تۇرسا ئۇنى ئاشنىڭ ئىچىدىن قانداقمۇ ئىلغىغىلى بولسۇن! پىكرىڭىزنى دەپ باقسىڭىزكەن ، ماڭا ئاشتىن نېرىن ئىلغايدۇ دېگەن مۇشۇ گەپ لوگىكىغا ئۇيغۇنمۇ؟

Gvlmisal

	Janbar يوللىغان ۋاقتى  2014-11-1 12:26 PM مەن ساۋاتسىز ئەمەس. ئەمما ھازىرقى دۇنيانىڭ ئالدىدا خە ... مەن ئۇ گەپ توغرا دىمەكچى ئەمەس.ھەم خاتامۇ دىمەكچى ئەمەس.بۇيەدە پەقەت ئىپادىلەشتە زىتلىق مەسىلىسى مەۋجۇت دەپ چۈشەندىم. ئەگەر لوگىكىغا ئۇيغۇن بۇلۇش  مەسىلىسىنى سۈرۈشتە قىلساق ،باشتىكى ئىنكاسىمدا دەپ ئۆتكىنىمدەك زىتلىقلار خېلى بار. سىز ئىنكاسڭىزدا «ئاشتىن نېرىن ئىلغايدۇ»دىگەن نىمە گەپ دەپلا يازغان بولغاچقا ،مەن سىزگە پەقەت ئۆز چۈشەنچەمنى دىدىم.ئەلۋەتتە، گەرچە شىئېرنى ئوقۇپ شائىرنىڭ نىمە دىمەكچى بولغىنىنى تۇلۇق چۈشنىۋاتقان بولساممۇ ،سىزنىڭ ئالدىڭىزدا ئاقساقاللىق قىلىپ ئۇنى بۇنى سۆزلەپ ئالدىڭىزدا ئەدەبسىزلىك قىلغىنىم ئۈچۈن سىزدىن سەمىمى ئەپۇ سورايمەن.دىگىنىڭىز ئورۇنلۇق،ھازىرقى دۇنيادا خەت ساۋادى بارلارنىڭ ھەممىسى ساۋادلىق بۇلۇشى ناتايىن،گەپ قىلغانلارنىڭ ھەممىسى سۆزلىيەلىشىمۇ ناتايىندۇ بەلكىم.چۈنكى بەزىدە سۆزدەك،قۇلاققا خۇشياققىدەك  سۆزنى ئاڭلىمىغاچ تاللاپ تۇرۇپ ئاڭلاشقا ،ياكى ئاڭلىمىغانغا سېلىپ يۈرۈشكە مەجبۇرمىز.

bagdowlat

	نارىننىڭ ئىچىدىكى گۆشنى ئىلغايدۇ دىمەكچىمىكىن يە. نارىن دىگەننى ساپلا قارا گۆشتە ئەتمىسە بولمايدۇ. گۆشنىڭ كىلوسى پالان پۇل. رۇستەم قاراسۇ ئاتۇشلۇققۇ دەيمەن ، قىممىتى بار نەرسىلەرنى چوڭ بىلىدۇ.شۇڭا قىممەترەك گۆشنى يازماقچى، ئەمدى چۈشەنمىگەن دوستلار ئاتۇشلۇق دوستىمىز شۇنچە كۈچ سەرىپ قىلىپ يازغان شىئېرنى بىر تىيىنسىز ئوقۇسا بولامدا؟ شۇڭا ئازراق كۈچ سەرىپ قىلىپ تەسەۋۋۇرنى ئازراق قانات قاققۇزۇپ ئوقۇپ چۈشەنسۇن دىمەكچى. قانداق ياخشى چۈشۈنىپتىمەنما؟