«شەھەر»لىك خېنىمغا (ھەجىۋ)

bulaksu2

	«شەھەر»لىك خېنىمغا           ئاپتورى: ئابدۇرېھىم زۇنۇن                سۆزۈمنى ئاڭلا ئەي دىلبەر، سېنىڭدىن بەك بىزار بولدۇم، ئۆزى ئەمگەكتە تاۋلانغان قولى چاققانغا زار بولدۇم. گۈزەل تۇرقۇڭغا كۆيگەن مەن خۇيۇڭنى بىلمىگەچ باشتا، جامائەت ئالدىدا دەرىخ بۈگۈن زەپ شەرمىسار بولدۇم. بۈگۈن ئەتسەڭ قازاندا ئاش يۇيارسەن ئەتە يا ئۆگۈن، چىۋىن بەزمە قۇرار ئۇندا، بۇ ئىشتىن ئايلىنار بولدۇم. كىشى كۆرسە سالار بۇ ئۆي ئېسىگە ئەسكى تۈگمەننى، يېپىشقان تور، توپا ـــ مەينەتچىلىكتىن مەن بىمار بولدۇم. ياتار پەگادا چاڭ باسقان لېگەن، تەخسە، چىنە، پەتنۇس...، يىغىلماس كۆرپە-يوتقانمۇ...نومۇستىن ئوت ئالار بولدۇم. بېشىڭغا تاغ غۇلار جانان، يۇيۇشنى ئاڭلىساڭ كىر-قات، ياقامنى قايرىسام سۇندى، يۇيۇلماي خەس-چاۋار بولدۇم. قاچانلا بولمىسام ئۆيدە ئېتىپ يەيسەن تاماق يالغۇز، مېنى ئويلاپمۇ قويمايسەن، غىزاسىز ئاچ قالار بولدۇم. دېسەم: بىللە ئېتىپ يەيلى، قىلاي ھازىر جىمىنى تەل، بويۇن تولغاپ دېدىڭ دايىم: «ساڭا ئىشلەپ چاكار بولدۇم.» قاچان چىقساڭ تالا-تۈزگە قۇرۇق چاقماقتا ئوت ياقتىڭ، ئېلىشتى نەچچىسى چاچتىن، سوراپ دەۋا، بىكار بولدۇم. يېكەنگە ئوت كېتىپ قالسا، «كۆيۈپتۇ ئوتتا يەكەن...» دەپ، تاراتتىڭ شۇم خەۋەر ئەلگە، غەزەپتىن بىقارار بولدۇم. بازارغا گەر ئېلىپ بارسام، كۆزۈڭ كۆرگەننى ئال دەيسەن، قىيامەت باشلىنار ئالماي، كىشىدىن قەرز سورار بولدۇم. ئىشىم قىلدىن قىيىق كەتسە، ياقامدىن شۇ ھامان ئالدىڭ، ماھارەت كۆرسىتىپ مايمۇن كەبى ئويناشقا دار بولدۇم. ماڭا يات كەلدى خۇي-پەيلىڭ، بېشىمغا چۈشتى غەم تاغى، ئۇزاق تۈنلەر چېكىپ ھەسرەت، تۆكۈپ ياشلار بىدار بولدۇم. سېنىڭدىن مەن ئەمەس ھەتتا ئۆيۈمنىڭ مۈلكىمۇ بىزار، تېشىپ بۇ سەۋر قاچام ئاخىر بۇ ئىشلارنى يازار بولدۇم. كۆڭۈلنىڭ كەينىگە كىرگەن ئەجەبمۇ بىر نادانكەنمەن، ئېلىڭلار، دوستلىرىم ئىبرەت مېنىڭدىن، خارۇزار بولدۇم.         «قەشقەر ئەدەبىياتى» ـــ ھازىرقى «قەشقەر»دە ئېلان قىلىنغان.

sargarda

	ئىسىل  چىقىپتۇ ...  ھارماڭ !

mehriya

	بۇنداق ھازازۇل خوتۇنلار يوقتۇ ؟ مۇشۇ مەينەتچىلىككە كارى بولمايدىغان خوتۇنلاردىن خۇدايىم ساقلىسۇن . قاچا -قۇچىنى كۈندە يۇمىسا تايىقى كەمكەن . لېكىن تاياق بىلەن ھېچقانداق ئىشنى ھەل قىلغىلى بولمايدۇ -دە ! ھارمىغايسىز .

genralkirantis

	كىمنڭ شېئىرى ئىكەن .بەك مەزمۇنلۇق چىقىپتۇ .

hekmat110

	ئاپتۇرىچۇ؟ياخشى يېزىپتۇ!

ئۇتغۇر

	hekmat110 يوللىغان ۋاقتى  2014-10-31 04:49 PM ئاپتۇرىچۇ؟ياخشى يېزىپتۇ!    ئاپتورى: ئۇستاز ئابدۇرېھىم زۇنۇن.

fatima

	ما غەزەلنى كۆرۈپ خوشنام ئىسىمگە كەپ قالدى. خوشنام،ئەتتىگەن ئىشقا بىرىپ كەچ قايىتقاچقا تاماقنى تۇلراقى ئىرى ئىتىپ تۇردىكەن.بۇ خوشنام قاچىنى بولسىمۇ يۇيۋەتمەي يىغىپتۇ.ئىرى پاكىز قاچىدا تاماق يەپ بىر ھەپتىنى ئۆتكۈزۈپتۇ.بىر كۈنى تاماق ئالاي دىسە بىرمۇ پاكىز قاچا يوق،ئاچچىقىدا ئۈچىنچى قەۋەتتىن ھەممە قاچىنى پەسكە تاشلىۋېتىپتۇ...بۇ ئىشنى دەپ بەرگەنتى بىزمۇ تازا تىللىغان ئىدۇق.

tohmah

	ھاي ھاي ...تىلىم گەپكە كەلمەي قالدى، ئەمما قالتىس بوپتۇ..

nurjahan0997

	ھېرىپ چارچاپ ئىشتىن كەلسەم ئاخشامدا، قولۇڭ ئوينار دائىم مېنىڭ ياقامدا، دۇمباق قىلىپ نوغۇچنى ھەم چوققامدا، ئەمدى سەندىن ئاجىراشقىنىم ئاجىراشقان.....

ئىپارە

	بىز قايسى كۈنى يېزىدىكى  تۇقانلارنىڭ ئۆيىگە چىققامن ، ئاپاممىڭ ئاچىسىنىڭ ئۆيىگە كىردۇق. ئۆي دىگەن قالايمىقان يوتقانلارنىمۇ يىغمىغان ھالدا قېينى ئاپىسىنى مەينەت قالايمىقان ئۆيگە تاشلاپ قويۇپ كىتىپتۇ كىلىن پاختىغا ، قاراپلا ئۆيگە ئىچىم سىقىلدى ئوران -كۆرپىلەرنى يىغىپ ئۆيلەرنى سۈپۈرۈپ تازلاپ قويدۇم.  شۇ زامان ئۇنۇڭغا تېل قىلغان ئۇمۇ بىر دەمدە كىلىپ تاماق ئەتتى. بىزنى باشقا تۇقانلار چاقىرىپتىكەن شۇ يەرگە چىقىپ كەتتۇق.