غەزەل

tabrizi2

	تەشنالەب ئىچكىلى يار شارابىن  ئارزۇۋاردۇرمەن، ۋەلې بىلمەس ئول مەھۋەشىم،ئاڭا ئىنتىزاردۇرمەن يارخىيالى ئەستىن چىقماس،قىلغان ئىشلىرىم پۈتمەس، قىينىغاچقا ھىجران ئوتى ئۇيقىدىن بىداردۇرمەن. بولماسمىدى،بىر سورىسا ئول قوياشىم ھالىمنى، ئېيتار ئىدىم ئول نىگارغا:فىراقىڭدا زاردۇرمەن. مەنمۇ نورمال بىر ئىنسان،قەلبى سۆيگۈگە تولغان، ۋىسال شارابىن ئىچمەككە دائىم تەلەبكاردۇرمەن. يارنىڭ يولىغا قاراپمەن،قاراپ- قاراپ ھېرىپمەن، ئۆز ھالىنى ئۇنۇتقان،سۇلغۇن چىراي بىماردۇرمەن. بىمار بولسام نە بولغاي،كى يارنىڭ كۈنى خۇش ئولغاي، ھەتتاكى جان تەسەددۇق ئەتمەككە ھەم تەيياردۇرمەن. ئەي دوستلار ئەجەبلەنمەڭ،ھالىم ئىشتىب زاڭلىق ئەتمەڭ، ئىشق ئەھلى بىر تاغ،ئول ئىچرە مەن يۇنۇس غۇباردۇرمەن. تامام   2014-يىل 10-ئاينىڭ 27-كۈنى يېڭىھىسار.

Gvlbargi0999

	ياخشى چىقىپتۇ،مەن مۇشۇنداق غەزەللەرگە ئامراقمەن،ئوخشىغان شېئىردىن بىرنى ئوقۇۋالسام ھاردۇقۇم چىقىپ قالىدۇ!

Gvlmisal

	غەزەل ئوقۇغىلى شۇنچە ئامراق بولساممۇ ،بىرنچى قېتىم ئوقۇپ چۈشەنمەي ،ئىككىنچى قېتىم ئوقۇپ يېرىم چۈشىنىپ،3-قېتىمدا ئاساسىي جەھەتتىن چۈشىنىپ ئوقۇپ تۈگەتتىم.بولسا تېمىنى يوللاپ بۇلۇپ بەت يۈزىنى قايتا تەھرىرلەشنى بىر ئادەت قىلىپ كەتسىڭىز.ھەم كۆركەم كۆرۈنەتتى.ھەم ئوقۇغانلارمۇ مەندەك جاپا تارتماي ئاسانراق ئوقۇيتتى. بوغۇمدا ئازىراق مەسلە باردەك ھېس قىلدىم. سىزگە ئۇتۇق يار بولسۇن!

TAXNAI2

	كىلاسسىك شىئىرىيىتىمىزدىكى تىللاردىن ياخشى پايدىلىنىپسىز،،ئاپرىن سىزگە،،

(شەيدا)

	Gvlmisal يوللىغان ۋاقتى  2014-10-28 11:27 AM غەزەل ئوقۇغىلى شۇنچە ئامراق بولساممۇ ،بىرنچى قېتىم ئو ... ئوخشاش قاراشتا ئىكەنمىز، قوشۇلدىم بۇ ئىنكاسقا

akilsiz

	ماۋۇ غەزەل تولا يەردە پىستان چېقىپتۇ ،زورىقىش ئىغىر يەنە بىر تۈزۈتۈپ  چىقىڭ

akilsiz

	ماۋۇ غەزەل تولا يەردە پىستان چېقىپتۇ ،زورىقىش ئىغىر يەنە بىر تۈزۈتۈپ  چىقىڭ

Janbar

	گەرچە كىلاسسىك تىللاردىن (ئەسەرلەردىن) ياخشى پايدىلىنىلغان بولسىمۇ ئەمما بەزى جايلاردا تىل جايىغا چۈشمىگەن، خىلى كۆپ مىسرا بىيىتلار پىستان چاققان، شۇڭلاشقا مەزكۇر غەزەلنى قايتىدىن پىششىقلاش زۆرۈركەن دەپ قارىدىم.

musilina

	مەزمۇنى ،قاپىيدارلىقى خېلى ياخشى  چىقىپتۇ،بىراق ئوقۇپ بولغۇچە دېمىم كېسىلگەندەك ،سەل زورۇقۇپ قالدىم....

huxhal

	تىلى ئېغىردەك ھېس قىلىپ قالدىم ، سىزگە ئۇتۇقلار يار بولسۇن !