ئابدۇرېھىم زۇنۇن: ئەبەدىيلىك چىن مىراس

bulaksu2

	ئەبەدىيلىك چىن مىراس شاماللارغا يەم بولدى ئۇچۇپ نۇرغۇن رىۋايەت، قالدى بىزگە جۇلالاپ ئەبەدىيلىك چىن مىراس. ئۇلۇغ ئەجداد روھىنىڭ جەۋھىرى دەپ بىل ھامان، ئۇ بوۋىلار يىلتىزى، لەۋھە قىلىپ تۆرگە ئاس! بىر ھەقىقەت ئاڭلىدىم، ھېكمەتلەرگە لىق تولغان، ھاياتلارغا ئۆمۈرلۈك ئاچچىق ساۋاق بولغىدەك؛ ياخشىلارنى ئۈندىسە ياخشىلىققا ھەر قاچان، يامانلارنىڭ ئۆرتىنىپ ئىچى دەردكە تولغىدەك. ئاڭلاپ قويۇڭ زەن سېلىپ، ئېيتىپ بېرەي، بۇرادەر، رىۋايەت بۇ، گاھ كۈلۈپ، گاھى قاپاق تۈرگىدەك. بىر كۈن گۇناھ  ـــ ساۋابى تەڭ بىر بەندە كۆز يۇمۇپ، ئاۋۋال كىرىپ دوزاخقا ماۋۇلارنى كۆرگىدەك: داش قازاندا ۋاراقشىپ گۆشلەر قايناپ تۇرغىدەك، باشلىرىدا مەي باغلاپ پىشقان مېۋە ساڭگىلاپ... ھەر بىرىنىڭ قولىدا سېپى ئۇزۇن بىر چۆمۈچ، يەتكۈزەلمەي ئاغزىغا يۈرەر ئىمىش گاڭگىراپ… گۆش يەپ، شورپا ئىچەلمەي يا بىر مېۋە ئۈزەلمەي، كېتىپتۇدەك كوركىراپ قورساق، چىراي سارغىيىپ. مېھىر- شەپقەت، ئۆم- بىرلىك بولمىغاننىڭ ئۈستىگە يۈرىشەرمىش بۇقىدەك بىر- بىرىگە ئالىيىپ… ....................................... قەرەلىنى توشقۇزۇپ قايتىپ چىقىپ جەننەتكە، نەزەر سالسا، بۇ يەردە دوزاختىكى ھالەت يوق. قويغىدەكمىش يېگۈزۈپ بىر- بىرىگە گۆش، پولۇ…، ئەزگۈ نىيەت بەھرىدىن يايرار ھەممە خۇشال، توق. ھەسەتلەر يوق، يۆلىشىپ مېۋە ئۈزۈپ يېگىدەك، ھەمكارلىشىپ ئۆزئارا تىكەنلەرنى يۇلغىدەك. شادلىق جىلۋە قىلارمىش چىرايلاردىن نۇر يېغىپ، بىر- بىرىگە چىن يۆلەك ھەم قول ـــ قانات بولغىدەك. .............................................. دوزاخ بىلەن جەننەتنىڭ پەرقى پەقەت شۇ ئىكەن: چىقارغان بىر يەڭدىن قول، بىر ياقىدىن باش ئۇلار. زىتلىق بىلەن ئارىغا تېرىپ جېدەل ـــ شۇم تىكەن، قورسىقى ئاچ، ئاھ ئۇرۇپ چاينار ئىمىش تاش بۇلار. ئايان بولدى ئەينەكتەك بىر ھەقىقەت بۇنىڭدىن: ئاقىل بىلەن ياخشىغا ئىككى ئالەم ئاسايىش. قىتىغۇرلۇق، يامانلىق قىلغان رەزگىي ئەرۋاھلار، تەييارنىمۇ يېيەلمەي، ئىچەلمەي ئاھ  ئۇرارمىش…

99sahrayi99

	ئۆم- ئىناقلىق ھەققىدە بەك ياخشى يېزىلغان بىر نادىر ئەسەر بوپتۇ، قەلىمىڭىز توختاپ قالمىغاي!..

(شەيدا)

	ئۇستازنىڭ مەنالارغا تويۇنغان لىرىكىسىدىن ھۇزۇرلاندىم، بەرىكەتلەر يار بولغاي.............

esil521

	بۇلۇشنىغۇ بولۇپتۇ بىراق جەننەتنىڭ كۇرسى چۇپ كەتكەندەك ...تۇيغۇ بار ..

bulaksu2

	esil521 يوللىغان ۋاقتى  2014-10-27 05:32 AM بۇلۇشنىغۇ بولۇپتۇ بىراق جەننەتنىڭ كۇرسى چۇپ كەتكەندە ...       ئەدەبىياتنىڭ مەركىزىدە ئادەم تۇرىدۇ، بۇ يەردىكى «جەننەت-دوزاخ» ماكاندىنلا ئىباراەت، قالغانلىرى ۋاسىتە. ئادەملەرنىڭ تەقدىرى ئۆزىنىڭ «نىيەت-ئىقبالى»غا باغلىق بولىدۇ، دېگەن پىكىرنى ئالغا سۈردۈم، خالاس.

qaraxani

	ھەسەتلەر يوق، يۆلىشىپ مېۋە ئۈزۈپ يېگىدەك، ھەمكارلىشىپ ئۆزئارا تىكەنلەرنى يۇلغىدەك. ....................مۇنۇ مىسرالار ھەققىدە قايتا ئويلىنىپ كۆرۈڭ ‹‹قۇرئان كەرىم››دە بولۇپمۇ ‹‹راھمان›› سۈرىسىدە جەننەتنىڭ سۈپەتلىرى ھەم ئۇ  يەردىكى مىۋىلەرنىڭ ئولتۇرغان ،ياتقان ،قوپقان ئادەملەرنىڭ قولىغا تېگىپ تۇرىدىغانلىغى ھەققىدە بايانلار بار،ئۇ يەردە ئۆزئارا يۆلىشىپ مىۋە ئۈزۈش تىكەن يۇلۇش ئەمەس بەلكى ھەر دەقىقە ئىبادەت ئىستىغپارلا بولىشى مۈمكىن،ئۇستاز بۇ ھەقتە تەلىم بەرگەيسىز...

sutbulak

	ياخشى چىقىپتۇ، ئۇستازغا سالام

mehriya

	قۇلۇڭىزغا دەت كەلمىسۇن . شۇنداق ئەھىيەتلىك چىقىپتۇ .

bulaksu2

	99sahrayi99 يوللىغان ۋاقتى  2014-10-26 11:10 PM ئۆم- ئىناقلىق ھەققىدە بەك ياخشى يېزىلغان بىر نادىر ئەس ...       ئادەم بۇ كىچىكلىكىدە قانداق مۇجەز-خاراكتېر يېتىلدۈرگەن بولسا، ئۇنى ئۆمۈر بويى داۋامالشتۇرىدۇ، ھەتتا ئۆلگەندىمۇ ئۇ دۇنياغا ئېلىپ كېتىدۇ. شۇ ئادەت تۈپەيلى ئۇ يەردە ئازاب-ئوقۇبەت تارتىشى مۇمكىن. دېگەنلەرنى چىقىش قىلىپ تۇرۇپ، مۇشۇ ئالەمدە ساۋابلىق، ياخىشىلىقلارنى كۆپرەك قىلىشقا دالالەت قىلدىم. رەھمەت!

bulaksu2

	(شەيدا) يوللىغان ۋاقتى  2014-10-27 12:42 AM ئۇستازنىڭ مەنالارغا تويۇنغان لىرىكىسىدىن ھۇزۇرلاندىم ...       تەنقىدىي پىكىر يوقمۇ؟ ئۇنداقتا رەھمەت!