سېغىنىش . . . R

rohqin

	سىنى سېغىندىم بۈگۈن سىنى سېغىنىپ تۇرۇپتىمەن، كاللامدىكى پۈتۈن خاتىرلەرنى تازىلاپ پەقەت سىنى، سىنىلا قالدۇرۇپ قويغاندەك، پىروگراممامغا سىنىلا يېزىۋەتكەن ماشىنا ئادەمگە ئوخشاش، يۈتۈپ كەتكەن بالىسىنى ئىزدەۋاتقان ئانىدەك پەقەت سىنى، سىنىلا سېغىنىپ تۇرۇپتىمەن. بۇ زادى نىمىنڭ تەسىرى ئىكەنلىكىنى بىلەلمىدىم، بىلىشنى ئويلاپمۇ كەتمىدىم. ساڭا ئالاقىدار بارلىق ئەسلىمىلەر بۈگۈنكى ناشتىلىقىم، تامىقىم، پائالىيتىم بۇلۇپ قالدى. ئىسمىڭنى دەقىقىدە بىر تەكرارلاپ يۈردۈم. خۇددى ئىشاننىڭ تالىپلىرى قەدەمدە بىر اللە دەپ زىكىر ئېيتىپ ماڭغاندەك، تالىپلار ھەربىر اللە دىگىنىدە ياراتقۇچىنىڭ رەھمىتىنى ئۇنىڭ قەلبىگە نۇر بۇلۇپ چۈشۈپ ھوزۇرلىنىپ قانائەت تاپاتتى. بىراق مەن تەشنا ئادەم تۇز سۈيى ئىچىۋالغاندەك دىگەنسىرى تەشنالىقىم ئېشىپ كەتتى. بىزنىڭ مەھەللىدە ئېلى ئىسىملىك بىر كىگىزچى، خوشنىمىز بارات ئاخۇننىڭ چوڭ قىزى پاتەمگە كۈيۈپ قالغان ئىدى. خوشنىمىز ئېلىنى تاماكا چىكىدۇ، دەپ قىزىنى بەرمىدى. ئېلى بولسا ھەركۈنى ئۆينىڭ ئالدىدىن پىچىر، پىچىر گەپ قىلىپ ئۆتەتتى. تىڭشىسام پىچىرلىغىنى «پاتەم، پاتەم» دىگىنى ئىكەن. توۋا ماۋۇ ساراڭنى، ئىسمىنى پىچىرلاپ ماڭغانغا نىمە پايدىسى دىگەن ئىدىم. بىلدىمكى ئۇمۇ ئۆز ۋاقتىدا مەندەك تۇز سۈيى ئىچىۋالغان ئىكەن. ناشتىغا چىققاندا سەن بىلەن ناشتا قىلغان ئورۇندا ئولتۇردۇم، يولدا ماڭغاندا سىنىڭ ئىزىڭدىن ماڭدىم. سىنى يېنىمدا بار خىيال قىلىپ گەپ قىلدىم. سەن بىلەن كۈلۈشكەن يەردە توختاپ خۇددى ئۆزۋاقتىدىكىگە ئوخشىتىپ كۈلۈپ باقتىم. شامالنى كۆرگەندە توڭدىڭىزمۇ دەپ سوراپ باقتىم. مىنى ئۈرۈمچىدىكى ئەڭ ئىگىز قەھۋەخانىغا ئەچىقماقچى بولغان ئىدىڭىز بۈگۈن ئەچىقىڭ دىدىم. سىنىڭ كىيمىڭنىڭ رەڭگىدە كىيىم كىيۋالغان ئاياللارنى كۆرسەم ئىتتىك مېڭىپ بىردەم ياندىشىپ ماڭىۋالدىم. بەك ئەخمىقانە ئىشلارنى قىلغانلىقىمنى بىلىمەن. ئەمما، كۆڭلۈم تىنىچلىنىپ قالغانلىقى ئۈچۈن ئۇ ماڭا نىسبەتەن ئەخمىقانە بولمىدى. تۇرمۇشتا سۆيۈشكە يارىغۇدەك ئادەمنى ئۇچىرىتىش قىيىن، ئۇچۇراتقاندىن كىيىن ئۇنى لايىقىدا سۆيەلمەسلىكنىڭ، ئۇنى ئۇچىرىتىشتىنمۇ قىيىنلىقىنى بىلدىم. ئۇچىرىتىپ بولغاندىن كىيىن ئۇنىڭدىن ئايرىلىپ قېلىشنىڭ، لايىقىدا سۆيەلمەسلىكتىنمۇ قىيىنلىقىنى بىلدىم. ئايرىلغاندىن كىيىن ئۇنۇتالماسلىقنى، ئايرىلىپ قېلىشتىنمۇ قورقۇنۇچلۇق ئىكەنلىكىنى بىلدىم.  يەنە قانداق قورقۇنۇچلۇق ئىشلار چىقىدۇ بىلمەيمەن. لېكىن ھازىر مۇشۇ يەرگە كەلدىم. قىززىقمىكەن ؟ سىز چۈشەنمەيسىز. . .  چۈنكى سىزنىڭ تۇرمۇشىڭىز مىنىڭكىدەك مۇرەككەپ ئەمەس. چۈشكىچە يۈرۈگۈمنىڭ ھەربىر يېلىنىشىغا تەستەك بىلەن جاۋاپ بىرىپ كەلدىم. ئەمما، چۈشتىن كىيىن ئۈزۈمنى قۇيۋەتتىم. چۈنكى مەن قىسىۋەتكەن ھېسياتىم قايناپ ئىچىمگە پاتماي قالدى. ئىرادەمنى كەينىمگە ئىتتىرۋېتىپ بىز كۆرشەيلى دىدىم. ئىرادەمگە خىلاپ ھالدا مۇھەببەتنى سەدىقە ئورنىدا تىلىدىم. مۇھەببەتنى تىلىسە بولمايدىغانلىقىنى، تىلىگەنگە بەرمەيدىغانلىقىنى بىلىپ تۇرۇپ تىلىدىم. يەنىلا جاۋاپ يوق، گەرچە شۇنداق بولىدىغانلىقىنى بىلسەممۇ . . . بىزماڭغان يوللارنى ياقىلاپ ماڭدىم. ئۇ يوللاردا سىنىڭ سىمايىڭ ھېلھەم ساقلىنىغلىق ئىدى. ئىزىڭنى ئىزدەپ، گەپلىرىڭنى تىڭشاپ، قەدەملىرىڭنى ساناپ ماڭدىم. بۈگۈن مەيلىمنى ساڭا قۇيۋەتكەن ئىدىم. ئۇنىڭ نىمە قىلغۇسى كەلسە شۇنى قىلىپ بەرمەكچى بولدۇم. ئۇنىڭغا ئەسكەرتتىم. بۈگۈن نىمە قىلساڭ قىل، ئەتە مىنى ئاۋارە قىلما. ئۇنتۇپ قالما مۇھەببەتكە ئېرىشمەكچى بولساڭ ئۇنى قۇيۋەت، سىنى ئىزدەپ كەلسە مەڭگۈ سىنىڭ بولىدۇ. ئىزدەپ كەلمىسە سىنىڭ ئۇنى قوغلاپ يىتەلىشىڭ مۇمكىن ئەمەس. ئىزىڭنى بويلاپ مېڭىپ ئۇدۇل سىنىڭ قورويىڭغا كىردىم. بىز ئولتۇرغان يەرلەردە ئولتۇردۇم. سىنى سېغىندىم، سېغىنىش مۇشۇنداق بولىدىكەن. ئۇ سىنى ئىزدەيدىكەن. سىنى تاپالمىسا ئىسمىڭنى، ئاۋازىڭنى، قياپىتىڭنى ئىزدەيدىكەن. سەن تۇرغان يەرلەرنى ئىزدەيدىكەن. ساڭا ئالاقىدار بالىق ئەسلىمىلەرنى قايتا-قايتا تەكرارلاپ ئۆزىگە تەسەللى ئىزدەيدىكەن. ھايات ئەنە شۇنداق تۈلۈك-تۈمەن تۇساقلارغا تولغان ئىكەن. ئەمما، بۇ تۇساقلارنى باشقا بىرى ئەمەس ئۆزىمىز قۇرۋالغان بولىدىكەنمىز. بۈگۈن سىنىڭ سېغىنچىڭغا ئەل بولدۇم. رەھىم قىلىش ئۇيۇڭ بولسا بۈگۈن قىل. ئەتە، بۈگۈننى ئۆتكۈزۈۋالساملا ھەربىر سېغىنىچنى تىرىك كۆمۈپ تاشلايمەن. پۇت-قۇلىنى باغلىمايلا تىپىرلىتىپ تۇرۇپ بۇغۇزلايمەن. ئەي سېغىنىچ بۈگۈن مەن سىنىڭ، قايناپ شورپا بولامسەن، ئىرىپ شام بولامسەن، پىشىپ ئوماچ بولامسەن ئىختىيارىڭ. ئەمما، ئەتە كۆرۈنگۈچى بولما.   بولمىسا سەن بىلەن مەڭگۈلۈك خوشلىشىمەن. روھچىن قەلب خاتىرسى:http://www.rohqin.com/

musilina

	مۆمىنجان ئابلىكىمنىڭ ‹‹سىزنى سېغىنىپ››دېگەن ناخشىسىنىڭ ئادرېسى... كۈندە نەچچە رەت ئاڭلايمەن.... تىلى يېقملىق،ھېسياتلىق چىققان لېرىكىڭىزغا تەڭكەش بولسۇن.... http://www.arminim.com/mtv/uyghur/2188.html ئا قىستۇرغان ناخشىمۇ بەك مۇڭ ئىكەن....

WOLKANII

	بەك ياقتۇردۇم ،ئاپىرىن !

miskin-ahu

	بەك ياقتۇردۇم

xatuti

	قار ياققان كۈنلىرى سىرتقا چىقىپ قاردا مېڭىۋالىمەن چۈنكى سېنىڭ سىمايىڭ قارلارغا سىڭگەن سەن بىلەن كىرگەن ئاشخانىلارغا كىرىپ سەن ياقتۇرۇپ يەيدىغان تاماقلارنى يەيمەن،خۇددى ئۇدۇلۇمدا سەن مەندەكلا قاراپ ئولتۇرغاندەك..........................

musilina

	كۆزلىرىم ئەتراپتىن كىملەرنىڭدۇ سىيماسىنى ئىزلەيدۇ،يۈرىكىم كىملەرگىدۇ تەلپۈنىدۇ،يۈرىكىمنىڭ چوڭقۇر بىر قاتلىمىدا ئۆكسۈپ -ئۆكسۈپ بىر تېلىقىش،چوڭقۇر بىر سېغىنىش بار......! شۇ سېغىنىشلىرىم ھېس قىلالماسسەن سېغىنىش ئىز سالمىغان يۈرىكىڭ بىلەن....! گۈلخان كەبى لاۋۇلداپ كۆيۈۋاتقان ئاشقلىق ئوتىنى ھېس قىلالمايسەن ئىشق ئوتى كۆيمىگەن يۈرىكىڭ بىلەن....! شۇنداق بىر سېغىنىش بار يۈرەكتە ھېچنەرسىگە ئوخشۇتۇپ بولالمايدىغان..!

rohqin

	musilina يوللىغان ۋاقتى  2014-10-27 03:32 PM كۆزلىرىم ئەتراپتىن كىملەرنىڭدۇ سىيماسىنى ئىزلەيدۇ،يۈ ... بىر تۈركۈم كىشىلەر بار ئۇلارنىڭ يۈرۈكى ۋاپادىن يۇغۇرۇلغان، ئۇلارنىڭ سۆيمىكى قىىيىن سۆيگەندىن كىيىن ئۇلارنى ئايرىيدىغان بىرلا ئۈلۈم باردۇر. يەنە بىر تۈركۈم كىشىەر باركى ئۇلار ۋاپانىڭ نىمىلىكىنى بىر ئۆمۈر بىلمەي ئۈتۈپ كىتىدۇ. ھاياتنىڭ قىززىقلىقى شۇ يەردىكى ۋاپادارلار ھەمىشە ۋاپانىڭ نىمىلىكىنى بىلمەيدىغان كىشىلەرنىڭ يېقىلغۇسى بۇلۇپ ئۈتۈپ كىتىدۇ

rohqin

	xatuti يوللىغان ۋاقتى  2014-10-27 11:59 AM قار ياققان كۈنلىرى سىرتقا چىقىپ قاردا مېڭىۋالىمەن چۈن ... ئاسماندىن تۈكۈلگەن قار، يامغۇرلار مىھىر ئىگىسىنىڭ سىيماسىنى، سېغىنىچنى باشلاپ كىلىدىيۇ ئۈزىنى باشلاپ كىلەلمەيدۇ. خۇددى ئۈلۈم باغىقىنى ئېلىپ كەلگەندەك.  يۈرەك ھەبىر تامچە يامغۇر، ھەربىر تامچە قارغا ئوخشاش تامچە، تامچە بۇلۇپ تۈكۈلۈشكە باشلايدۇ

mehriya

	مۇڭلىنىپ ئولتۇرۇپ ئوقۇپ تۈگەتتىم . ناخشىنىمۇ ئاڭلاپ باقمىغان ئىكەنمەن . تولىمۇ مۇڭلۇق بىلىندى . قەلبىم سېنى سېغىنىپ بۈگۈنكى يىغىۋاتقان يامغۇرغا قارىماي ، ئۆزەمنى ئۇنتىغان ھالدا ئىككىمىز دائىم ئۇچرۇشىدىغان كونا ئۇرۇندۇققا كىلىپ ئولتۇردۇم . يامغۇر كىيىملىرىمنى پۇتۇنلەي ھول قىلىۋەتكەن بولسىمۇ ، ھاۋانىڭ سۇغۇقلىقىنىمۇ سەزمەي ، سەن بىلەن مۇڭدىشۋاتىمەن ؛ - جېنىم كەچتە نېمە تاماق ئېتىپ بېرىمەن ؟ - بۇنىمۇ سوراش كېتەمدۇ ، ئەلۋەتتە لەغمەن ئېتىسەندە ! -چۈشتىمۇ لەغمەن ، كەچتىمۇ لەغمەن يەپ زېرىكمىدىڭىزمۇ ؟ - سەن ئەتكەن لەغمەن تۇرسا ، زېرىكەمدىم . سېنىڭ بۇ سۆزىڭدىن دىلىم سۈيۈنىپ ، بەدىنىم ئىسسىق مېھرىڭدە قىزىماقتا .... يامغۇر قارغا ئايلاندى ، چاچلىرىم ئاپپاق قاردىن ياغلىق ئارتىپ ئالدىمدىكى مەنزىرە بىردەمدىلا زىمىستان قىشقا ئۆزگەردى . شۇ چاغدىلا ئېسىمنى يىغدىم . توۋا سەندىن ئايرىلىپ قالغىنىمغا توپ-توغرا 3يىل بوپتۇ . گەرچە ھەر پەيشەبنە كۈنى ساڭا ئاتاپ ماي پۇرىتىپ پۇشكال سالغىنىم بىلەن سېنى خۇددى يېنىمدا تۇرغاندەكلا ھېس قىلىمەن . سېنى يەنە سېغىندىم .......

mehriya

	rohqin يوللىغان ۋاقتى  2014-10-27 04:54 PM ئاسماندىن تۈكۈلگەن قار، يامغۇرلار مىھىر ئىگىسىنىڭ سى ... ئاۋۇ ناخشىنى تولىمۇ ياقتۇرۇپ قالدىم ، چۈشۈرۈش ئادرىسىنى قالدۇرۇپ قويسىڭىز بوپتىكەن . رەھمەت .