يۇرت قەسىدىسى

zahar2011

	ئېلىپ ماڭدىم ئۆز-ئۆزۈمنى بوينۇمدىن سۆرەپ، يەنە يۇرتتىن ئايرىلىشقا بىر قانچە ئايلىق. ئايرىلىپلا،چىدىماستىن كەينىمگە باقسام، توسۇپ قويدى كۆز نۇرۇمنى بىر قاقاس تاغلىق. ئۆتۈپكەتتى كۆز ئالدىمدىن يۇرتۇم تەرەپكە، ئۇنداق تاغدىن نەچچە يۈزى كەينى -كەينىدىن. ھەممە نەرسە يات كۆرۈندى كۆزۈمگە،سوغوق، دېمەك،پېقىر مەھرۇم بولدى يەنە ئەركىدىن. يىراقلاردا قالدى،يەنە يىراقلاشماقتا، يۇرتنىڭ بېغى،يۇرتنىڭ تېغى،دەرياسى-سۈيى. قالدى گۈلى،قالدى تېلى،قېپقالدى يەنە، گۈلباغلاردىن كېلىدىغان بۇلبۇلنىڭ كۈيى. كۆز ئالدىمدا رەت-رەت بىنا كۆڭلۈمدە سەھرا، قىزىقتۇرماس غەيرىلەرنىڭ غەيرى بېزىكى. ئۇز بىلىنەر ئۆزگە يۇرتنىڭ ھەيۋەت تېغىدىن، يۇرتۇمدىكى ھەربىر دۆۋە كالا تېزىكى. پۇل تاپسىمۇ،يۈز تاپسىمۇ،تەخىت تاپسىمۇ، كىمنىڭ كۆڭلى ئەمىن تاپقان خەقنىڭ يۇرتىدا؟ مۇساپىرلىق ئارام بەرمەس يۈرەكنى غاجاپ. خار بۇلغۇسى جەسىتىمۇ قەبرە سىرتىدا. ×××××× بىر تەسەللى ئازاد قىلدى غەمدىن دىلىمنى: ھەمساۋاقلار،ھەمتاۋاقلار سەپەردىشىمدۇر. يات كۆزلەرنىڭ ياتلايدىغان ياقا يۇرتىدا، ھېچبولمىسا شۇلار سىرداش قېرىندىشىمدۇر. ئەڭ مۇھىمى ئۇشبۇ سەپەر بىلىم كويىدا، مەن--يۇرتۇمنىڭ كەلگۈسىگە جېنى پىداسى. بىرلا ئارزۇ--نۇرغا تولسا ۋەتەن ئاسمىنى، چۈنكى مەقسەت--ئەل رىزاسى،ئاللاھ رىزاسى. ئۆز ئىجادىيىتىم.

WOLKANII

	مۇبارەك بولسۇن ،ھارمىغايسىز .

WIJDAN..?

	بەك زور يېزىپسىز ... بەك ياقتۇردۇم ...

akbarjan2015

	رەھمەت

barmak07

	كۇپ تەشەككۈر

barmak07

	كۇپ تەشەككۈر

asrari

	گۈلىستان باغلىرىڭدىن، زىمىستان چۆللىرىم ياخشى. ھەيۋەتلىك تاغلىرىڭدىن، يۇرتۇمدا دۆڭلىرىم ياخشى. ئەسرارى

qaraxani

	يۇرت مۇھەببىتى ۋەتەن مۇھەببىتىدۇر...

jasur7313

	qaraxani يوللىغان ۋاقتى  2014-10-27 12:54 PM يۇرت مۇھەببىتى ۋەتەن مۇھەببىتىدۇر... توغرا دەيسىز