جۇدۇنلۇق دالا (ئەسرارى)

asrari

	جۇدۇنلۇق دالا م.ئې ئەسرارى كىچە بولدى كۈندۈزى يوق جاھان، يۇقالغانچە چىقمىدى قۇياش . ئۈمىد ئۆچسە تۈگەمدۇ ئارمان، ئۆلۈم بولدى تىرىگدەك ياشاش. سۇغۇق شامال ھۇۋشىيدۇ ئۇزاق ، بىخ سۈرمىدى ھەتتاكى ئۇرۇق. چۆل پۇرايدۇ ھەممە ئەتراپلار ، گىياھمۇ يوق بىر تال قۇپقۇرۇق. يۇلتۇزلاردىن تۈكۈلەر شەبنەم، سەھەرلەرگە قىراۋ ياسىشىپ. ئۈششۈك تەگدى گۈل چىچەكلەرگە، ئېچىلمايدۇ ھۆسىن تالىشىپ. تۇمان تاراپ چەكسىز ئۇپۇققا، غۇۋا قىلدى نۇرلۇق كۆزلەرنى. ھەممە ئادەم قۇلىدا ھاسا، تەمتىرەيدۇ سىزىپ يەرلەرنى. ئاستاغىنە ئاۋۇ كۆچەتمۇ، شاماللارغا ئەگمەكتە بۇيۇن. ياپراقلىرى تۈكۈلگەن بۈگۈن ، كەلگۈسىنى ئەپقاچتى قۇيۇن. يىغلىشىدۇ يۇمران مايسىلار، ئاستاغىنە بوينىنى سۇزۇپ . ئۈمىدىنى ئۈزەر دۇنيادىن، ئەتراپىمۇ كەتكەچكە قۇرۇپ. كىپىنەكلەر قالدى ماكانسىز، ئىزدىشىدۇ خۇشپۇراق گۈللەر. ئۆي ئىزدەيتتى چۈمىلىلەرمۇ، ئۆتۈپ كىتەر قاچان بۇ كۈنلەر قۇشلار ئۇچماس بوپتۇ جەنۇپقا، يەنە رەت-رەت سەپلەر تارتىشىپ. كۈنۈش دىگەن شۇنداق ئوخشايدۇ ، ياز، باھارمۇ قىشتەك قارىشىپ. سۈزۈك سۇلار بۇلغاندى بۈگۈن، قان پۇرايدۇ ئېرىق سۇلىرى، لايسۇ ئىچكەن ئاۋۇ قارا كۆز، قاننى يۇيۇپ قان بولدى ئۆزى. پاقىلاردىن كىلىشىپ نالە، قانمىغاندەك دۇنياغا بېقىپ. كەتكۈسى بار يىراق يىراققا، ئېقىن سۇدا قانغۇچە ئېقىپ . يېرىم نىمجان چىكەتكىلەرمۇ ، نىشان قاراپ سەكرىشىپ باقار. ئۈمىدىدە بەلكىم ئەتىنىڭ ، ئىشىكىنى ينىك بىر قاقار. ئورمانلىقتا ھۇۋلىغان ئاۋاز ، تەبىئەتكە بىرەر ئەنسىزلىك. شوخ ئويناقشىپ يۈرگەن بايتاللار، قىلالمىدى بۈگۈن كەپسەزلىك. ھەممە ياقتا بىرخىل ھۇدۇقۇش، ئاق بوز ئاتلار ئۈنسىز كىشنىشىپ. قېچىپ كەتتى مىكيان چۈجىلەر ، خوراز قۇيغان تۇخۇمدىن چىقىپ. چۇقان سالار گاچا تىللاردا بازارلارغا كۆمۈلگەن جەسەت. تىمسىقلايدۇ جۇدۇن شاماللار، پۈتۈلگەندەك بۇنىڭدىن سەنئەت.

99sahrayi99

	كارامەت ياخشى يېزىلىپتۇ، نىمىدېگەن يېقىشلىق تىل، نىمىدېگەن ئاھاڭدارلىقى كۈچلۈك!.. پاھ!.. پاھ!... بۇ شېئىرنى بىر پۇخادىن چىقىۋالدىم دېسە!.. ھارمىغايسىز!...

99sahrayi99

	سوغۇق شامال ھۇۋشىيدۇ ئۇزاق، بىخ سۈرمىدى ھەتتاكى ئۇرۇق. چۆل پۇرايدۇ ھەممە ئەتراپلار، گىياھمۇ يوق بىر تال قۇپقۇرۇق. نىمىدېگەن تاتلىق مىسرالار بۇ!..... ياقتۇردۇم!.. ھەمدە باشتىلا ئىنكاس يېزىپ قويدۇم...

musilina

	بەدئىي ۋاستىلەر ياخشى ئىپادىسىنى تېپىپتۇ.... يېقىشلىق شېئىر بوپتۇ،ئىجادىيىتىڭىز توختاپ قالمىسۇن....

ئىپارە

	توۋا بەك ياخشى يىزىلىپتۇ  بۇ شېئىر! ھەقىقى شائېر!!! ئاللاھتىن سىزگە ئامانلىق تىلىدىم! ... ئاللاھ ياخشىلىقلارنى ھەمرا قىلسۇن!..... .

ahsaxum

	چۇقان سالار گاچا تىللاردا بازارلارغا كۆمۈلگەن جەسەت. تىمسىقلايدۇ جۇدۇن شاماللار، پۈتۈلگەندەك بۇنىڭدىن سەنئەت. ھەقىقەتەن ياخشى يېزلىپتۇ بىراق ئادەمنىڭ ئىچىنى ئاچچىق قىلىپ قويامدۇ قانداق ؟ مۇمكىن ئەمەس تىنىقسىز ياشاش ، گۇۋاھ بولار بۇنىڭغا تەبىئەت . قۇچاقلايدۇ روھىمنى روھلار ، ئاڭنى يېزىش مەڭگۈ بى ھاجەت .

ۆمۈتۋار

	بۇ شېئىر! ھەقىقەتەن ياخشى يېزىلىپ تۇ

Gvlmisal

	شەبنەم تامچىلىرىدەك سۈزۈك ھېسلىرىڭىزغا كۆز تەگمىسۇن! قايتا قايتا ئىككى قېتىم ئوقۇپ چىقتىم.بەك ياقتۇردۇم.

YuqunAdam

	كىچە بولدى كۈندۈزى يوق جاھان، چۆل پۇرايدۇ ھەممە ئەتراپلار قاتارلىقىلاردا لوگىكىلىق زىتلىق بار. شېئىر ئوبدان يېزىلغاچقا پىكىر بىرىپ قويدۇم.

asrari

	99sahrayi99 يوللىغان ۋاقتى  2014-10-25 09:27 PM كارامەت ياخشى يېزىلىپتۇ، نىمىدېگەن يېقىشلىق تىل، نىمى ... ياقتۇرۇپ ئۇقۇغىنىڭىزدىن خۇرسەن بولدۇم، بولسا تەنقىدىي پىكىرلىرىڭىزنى ئايىماڭ. سىزنىڭ بىر تەنقىدىڭىز مىنىڭ ئىككى قەدەم ئالغا مېڭىشىمغا يىتەكچى بوپقالسا ئەجەپ ئەمەس…