سالام ئۈرۈمچى

sutbulak

	سالام ئۈرۈمچى مۇھەممەدئىمىن ھەسەن ئەل-يۇرتۇمدىن ئەسسالام ئېلىپ كەلدىم ئۈرۈمچى، شەھەرلەرنىڭ سەركىسى بىلىپ كەلدىم ئۈرۈمچى، ئادەملەرنىڭ  سەرخىلى توپلاشقان  بۇ  شەھەرگە، ياخشى تىلەك - دۇئالار قىلىپ كەلدىم ئۈرۈمچى. پىروفىسسۇر - ئالىملار  سېنىڭدە بار ئۈرۈمچى، بارچە ئەۋزەل شارائىت يېنىڭدا بار  ئۈرۈمچى، مەرىپەتنىڭ   بۇلىقى كېنىڭدا  بار  ئۈرۈمچى، يولباشچىسى ئەلنىڭ دەپ كۈلۈپ كەلدىم ئۈرۈمچى. ئەلنى سۆيەر قەلبلەر  ئۆزۈڭدە  بار  ئۈرۈمچى، ئەلگە مېھىر-مۇھەببەت كۆزۈڭدە بار ئۈرۈمچى، ئۇلۇغ ئارزۇ-نىشانلار سۆزۈڭدە بار ئۈرۈمچى، ئۈمۈدىنى ئەل-يۇرتنىڭ يېزىپ كەلدىم ئۈرۈمچى. ساخاۋەتلىك ئەل سۆيەر بايلىرى بار ئۈرۈمچى، شامىلىدا توك چىقىار  سايلىرى بار ئۈرۈمچى، تاغلىرىدا  كۆمۈر ھەم  مايلىرى بار ئۈرۈمچى، شۇنداق گۈزەل ھۆسنىڭگە قېنىپ كەلدىم ئۈرۈمچى. يول بويىدا گۈل-گىياھ چىنارى بار ئۈرۈمچى، چوڭ  بازاردا  ئۆزگىچە مۇنارى  بار ئۈرۈمچى، بىر كۆرگەننىڭ سېنى ھەم خۇمارى بار ئۈرۈمچى، قايتىپ بولۇپ مەنمۇ ھەم يېنىپ كەلدىم ئۈرۈمچى. ئادەملىرى ئەدەپلىك، دوستلۇقى بار ئۈرۈمچى، مېھمان كەلسە ھەر قاچان خوشلۇقى بار ئۈرۈمچى، مۇساپىرغا تۇرغۇدەك بوشلۇقى بار ئۈرۈمچى، ئاز بولسىمۇ كۆڭلۈمنى ئېلىپ كەلدىم ئۈرۈمچى. ئەل-ۋەتەننىڭ ئۈمۈدى كۆزى سەندە ئۈرۈمچى، ئەجداتلارنىڭ ئىزى ھەم سۆزى سەندە ئۈرۈمچى، بارچىمىزنىڭ شەرىپى-يۈزى سەندە ئۈرۈمچى، ھۆرمىتىڭگە گۈلدەستە تىزىپ كەلدىم ئۈرۈمچى. مەنبە:ئاسىيا كىندىكى گېزىتى.

gvzalnur2

	ھەي ئۈرۈمچى .......پۇلى بارغا ئۈرۈمچى،پۇلى يوققا ئۈلۈمچى .

Rujak

	بۇرۇن ھەر ياقلاردىن ئۈرۈمچىگە كەلسەك ئاشتا سالاملارنى ئەپ كىلەتتۇق ،لىكىن ھازىر ئۇنداق بولماي قىلىۋاتىدۇ،

bulaksu2

	بۇ شېئىر ئۈچۈن ئاپتورنىڭ قولىنى چىڭ سىقتىم.

musilina

	ئۈرۈمچىنىڭ سۈپەتلىرى ياخشى تەسۋىرلىنىپتۇ.... ئىجادىيەتلىرىڭىز بەرىكەتلىك بولغاي.... بۇ يىل ئىككى قېتىم بېرىپتىمەن،بىرىنچى قېتىم 3-ئاينىڭ 30-كۈنى بېرىپ 4-ئاينىڭ 13-كۈنى يېنىپ كەلدىم،2-قېتىم 8-ئاينىڭ 6-كۈنى بېرىپ 8-ئاينىڭ 20-كۈنى يېنىپ كەلدىم.ئىككىلى قېتىمدا دوختۇرخانىدىلا ئۆتۈپتۇ كۈنلىرىم،كوچىلىرىنى ئايلىنىپمۇ باقماپتىمەن... شۇنداق زېرىكىشلىك ئىچىدە ئۆتتى ئۇ كۈنلەر...

bulaksu2

	musilina يوللىغان ۋاقتى  2014-10-25 02:56 PM ئۈرۈمچىنىڭ سۈپەتلىرى ياخشى تەسۋىرلىنىپتۇ.... ئىجادىيە ...          بۇدۇ بارسىڭىز مېنى چاقىرىۋىلىڭ، زېرىكتۈرۈپ قويمايمەن (چاقچاق).

musilina

	bulaksu2 يوللىغان ۋاقتى  2014-10-25 02:59 PM بۇدۇ بارسىڭىز مېنى چاقىرىۋىلىڭ، زېرىكتۈرۈپ قو ... اللاھ خالىسا 2-3-ئايلادا بېرىپ قېلىشىم مۈمكىن،شۇ چاەغدا سىزگە خەۋەر قىلاي...

qiqakkiz

	gvzalnur2 يوللىغان ۋاقتى  2014-10-24 05:42 PM ھەي ئۈرۈمچى .......پۇلى بارغا ئۈرۈمچى،پۇلى يوققا ئۈلۈمچى  ... توغرا دەيسىز .

bulaksu2

	ئەمىسە تەمە تۇتۇپ، سىز تەرەپكە قاراپلا قالدىم جۇما، كۆزۈم تېشىلىپ كەتمىسۇن، ئۇنتۇلۇپ قالماڭ!

dinar

	خۇدايىم بۇيرىسا  11 ئاينىڭ ئىچىدە ئۇرۇمچىگە بىراقلا كۇچۇپ بېرىشنى ئۇيلاۋاتىمەن