بۈ كۆڭۈلگە تەسەللى كېرەك . . . R

rohqin

	روھچىن ھەربىر سەھەرنىڭ بىر كەچلىگى بار، بىر ئېچىلىشنىڭ بىر تۇزىشى بار. بىر ياشلىقنىڭ، بىر قېرىسى، بىر تۇغۇلۇشنىڭ، بىر ئۆلىمى بار. كۆڭۈللەرنى ھايات پادىچىسى سۆرەپ ماڭغاندا ئىزتىراپ ئىچىدە تىتىرەيدۇ. خۇددى سايىلار بۇلۇتقا سۆرۈلۈپ، ئاپتاپقا تاشلاپ كەتكىنىدەك. بىر كۈنلەردە ئاخشاملىقتا ساق يېتىپ ئەتتىگىنى تۇيۇقسىز قېرىپ كەتكەنلىكىڭىزنى ھېس قىلىپ قالىسىز. ئىجتاھات قىلىۋاتقان بارلىق نەرسىلەرمەنىسىز بىلنىپ قىممىتىنى يۇقاتقاندەك بىلنىدۇ. تۇلىراق ئۆلۈمنى، قېرىلىقنى ئويلايدىغان بۇلۇپ قالىسىز. تۇرۇپلا ناتۇنۇش بىر يىغا قىستاپ كىلىدۇ. بىر يىغلىۋالاي دەپ ئويلايسىزيۇ ياش چاناقتىن تۆكۈلمەي قىستىلىپ تۇرىدۇ. تېخى تۈنۈگۈن ئىشتاھا بىلەن ئويناپ يۈرگەن ئويۇنلارغا قارىسىڭىز ئاللا بۇرۇن ئەسلىمە بۇلۇپ كەتكەنلىكىنى ئويلاپ قالىسىز. ھەرقانچە ئويلاپمۇ بۇ ئويۇننىڭ نەرى سىزنى جەلىپ قىلغانلىقىنى بىلەلمەيسىز. چىش چوتكىلاش ئۈچۈن ئەينەك ئالدىغا كەلگەندە تىرىللىرىڭىزنىڭ قورۇقلىشىپ كەتكەنلىكىنى، قاڭشالىرىڭىزنىڭ تىكلىنىپ چىقىپ قالغانلىقىنى، چاچلىرىڭىزنىڭ شالاڭشىپ قالغانلىقىنى بايقايسىز. بىز شۇنچىلىك بىر تەڭلىك ئىچىدە قالىمىزكى بىز ياشاپ بولالمىغان نۇرغۇن ۋاقىتلىرىمىز بارئىدى. ھايات بىزنى گۆرگە ئىتتىرىۋاتىدۇ، بىزنىڭ ئورنىمىزغا كىلىدىغان بىر مىھمانغا تەييارلىق قىلىۋاتىدۇ. بىز ئۇقۇپ، ئىشىنىپ، ساقلاپ، يادلاپ كىلىۋاتقان نۇرغۇن تەسەللى سۆزلەرنىڭ بىزگە ھېچقانداق قىممىتى قالمىغانلىقىنى بىلىمىز. ھاياتقا كۈلۈمسىرەپ قارىسىڭىز ئۇمۇ كۈلۈمسىرەپ قارايدۇ دەپ ئۆگەنگەن ئىدۇق. ئەمما، كۈلۈمسىرەپ قاراپ باقتۇق لېكىن بىر دەقىقىلىق ئۆمۈر بىرەلىدىمۇ ؟ ھەرقانچە كۈلۈمسىرەپ، قاقاھلاپ كۈلۈپ قارىساقمۇ ئەجەل خەنجىرىنى بىر دەقىقە چۈشۈرگىنى يوق. ئۆزىڭىزگە قانچە تەسەللى قىلىپ باقسىڭىزمۇ تىتىرەۋاتقان قوللارنى، تورلاشقان كۆزلەرنى، ئېغىرلىشىۋاتقان نەپەسلەرنى قىرانلىقىغا قايتۇرالمايسىز. تەسەللى مەۋھۇم نەرسە. ئەمما، ئاشكارا تىكلىنىپ تۇرغان قېرىلىق رىئال نەرسە. . . ئادەمنىڭ پىسخىك يېشى دەپ بىر ياش بۇلىدۇ. بۇ ياشنىڭ پەسلى ئىككىلا بۇلىدۇ. ئۆزىڭىزنى 25 ياشلىقتەك ھېس قىلىپ نۇپۇس دەپتىرىڭىزدىكى سانلارغا بوي بەرمەي ياشاۋاتقان كۈنلەرنىڭ بىرىدە تۇيۇقسىز قېرىپ كىتىسىز. نۇپۇس دەپتىرىدىكىدىن نەچچە ياش قېرىپ كەتكەن بۇلىسىز. بۇ يېشىڭىزنىڭ ياشلىق بىلەن قېرىلىق ئوتتۇردىكى پەرقى پەقەت بىر كىچىلا بۇلىدۇ. سىز ئاخشام 25 ياش بىلەن ئۇخلاپ ئەتتىگەندە 45 ياش بىلەن تۇرىسىز. گەپ بۇيەرگە كەلگەندە بىر مەسىلە ئوتتۇرغا چىقىدۇ. . . ياشلىقتىكى نۇرغۇن ئارزۇ-ئارمانلىرىمىزنى قانداق قىلىمىز. ۋۇشىياۋلى، مايۈندىن تىجارىتىگە بولغان پۇزۇتسىيەسى ھەققىدە سوئال سورىغاندا مايۈن« مەن ئاللا بۇرۇن بەك ئىگىزگە چىقىپ قالدىم، قايتا ياشاش مۇمكىن بولغىنىدا بۇنچىلىك ئىگىزگە چىقمىغان بولاتتىم، ئەمدى ماڭا ئامال يوق، مۇشۇ يەردە تۇرىشىم كىرەك» دېگەن. دىمەك مايۈن ئاللا بۇرۇن پىسخىك يېشىدا قېرىپ كىتىپ بولغان، شۇنىڭ ئۈچۈن ئۇ غايىنىڭ گىپىنى قىلماستىن ئىشلارنى قانداق ئاياغلاشتۇرۇشنى خىيال قىلىپ قالغان. ئەگەر نىشانلىرىڭىز بولسا ئەڭ ياخشىسى پىسخىكىڭىز قېرىپ كەتمەستە يىتىۋېلىڭ، بولمىسا ئوتتۇر يولدىن ئاخىرغا قانداق چىقىشنى ئەمەس، كەينىڭىزگە قانداق يېنىشنى ئويلايدىغان بۇلۇپ قالىسىز. بەللىرى مۈكچىيىپ كەتكەن ئاياللارنىڭ قېنىق لەۋ سۇرۇقى سۈرۈپ ماڭغىنىنى كۆرسەم ئۇلارنىڭ قېرىپ كەتمىگەن پىسخىكىسىغا زوقلىنىپ قالىمەن. ئۇلار ھېلھەم گۈزەللىكتىن ۋاز كەچمىگەن، ھېلھەم ياشلىقتىكى قىزغىنلىقلارنى ساقلاپ قالغان ئىشىنىمەنكى ئۇلارتۇرمۇشنىڭ ھەرتەرپىدە ياشلىقىدىكىدەك قىزغىن. كۈنلەرنىڭ بىرىدە ئەنە شۇنداق بىر قېرىشنى كۈتۈۋالسىڭىز بىرىنچى بۇلۇپ ماڭا تېلىفۇن قىلىڭ. مەن سىز بىلەن يېرىم كۈن زىرىكمەي پاراڭلىشىمەن. چۈنكى مەن شۇ كۈندە يالغۇز ئولتۇرۇپ يېرىم كۈن يىغلىدىم. مەن يەنە شۇنى چۈشەندىمكى ھاياتتا سىز قانچىلىك ياخشى بولسىڭىز ھايات سىزنىڭ شۇنچىلىك كەمچىلىكىڭىزنى سىغدۇرالمايدىكەن. قانچىلىك شەخسىيەتچى بولسىڭىز شۇنچىلىك سەۋەنلىكىڭىزنى سۈرۈشتۈرمەيدىكەن. خۇددى چىشلىۋالغان ئىت قېچىپ كىتىپ، قونغان پاشا ئۆلتۈرۈلگەندەك. كۆڭۈللەر تەسەللى ئىزدەيدۇ، گەرچە تەسەللىلەرنىڭ يالغانلىقىنى بىلسىمۇ. ئەمىلىيەتتە كۆڭۈل ئۆزى ئەخمەق نەرسە قانچە ئالدىيالىسىڭىز شۇنچە ئالدىنىپ بىرىدىغان. ئەسسالامۇ ئەلەيكۇم  مىسرانىم مۇنبىرىدىكى ئەزىزلەر . . . مەن روھچىن بلوگىنىڭ قۇرغۇچىسى روھچىن بۇلىمەن. ئۆزۈم ئانچە-مۇنچە بىرنەرسىلەرنى يېزىپ كىلىۋاتقان ھەم ھەممىنى بلوگىمغىلا يوللايتتىم. بۇنىڭدىن كىيىن بلوگىمغا يوللاش بىلەن بۇ مۇنبەرگىمۇ بىللە يوللاپ ماڭماقچى بۇلىۋاتىمەن. يازمىللىرىم ھەققىدە پىكىر-تەكلىپلىرىڭلارنى ئاڭلاشنى ئۈمۈت قىلىمەن.

pahri123

	ۋەئەلەيكۇم ئەسسالام ! يازمىڭىز بەك ياخشى چىقىپتۇ،ھارمىغايسىز قېرىندىشىم!

akula1

	رەھمەت داۋاملىق ياخشى يازمىلىرىڭىز ئۈزۈلمىسۇن.

ablimitt

	بۇ كۈڭۈل دىگەننى مۇۋاپىق ئالدىيالىغاندا سالامەتلىكمۇ ياخشىلىنىپ ياشىرىپ قالىدىغان گەپ...

milla

	تەسەللىنى  ئۆزىڭىزگە ئۆزىڭىز بىرىڭ ، ھىچقانداق ئادەم يەنە بىرىنىڭ دەردىنى چۈشىنىپ بولالمايدۇ ، قىيىنچىلىقلارنى  يىڭىشقا تىگىشلىك ئىرادىڭىز  بولسۇن

.sazgu

	ئۈتۈپ كەتكەن بىھۇدە ۋاقتىمنى ئويلىسام يۈرۈگۈم ئازاپتىن ئاچچىق بولدۇ ، ھەر كۈنى ئۈزۈمنى ئىزدەيمەن ، ئەمما كەينىمگە قارغىنىمدا بىر  ھەتتا قانداق كەلگىنىمنىمۇ تاپالمىغدەك دەرىجىدە قاپقاراڭغۇ ئېچىنىشلىق بىر ئوتمۇش . مەن ئەمدى بىلدىمكى مەن يوقاتقان ئۈزۈمننى قاراڭغۇلۇققا تولغان ئوتمۇشتىن ئەمەس پارلاق كەلگۈسدىن ئىسدەيمەن ..... ھايات توغۇرسىدا بۇ نەسىرنى ئۇقۇپ ئوز ئۈزۈمگە پىچچۇرلۇغۇم كەپ قالدى . رەھمەت مۇشۇنداق ئىسىل نەسىرلەرنى داۋاملىق يوللاپ تۇرۇڭ

تەسەللى

	ھەر كۆڭۈلگە تەسەللى كېرەك، ئەمما تەسەللى ھەر بىر كۆڭۈلگە راۋا ئەمەس!

Gvlmisal

	كىم كىمنى چۈشىنىپ بولالىغان؟ بۇ جاھان شۇنداق جاھان دەپلا قالىمىز خالاس

xahanime

	دۇنيادا ئۆزىنى ئۆزىدىن بەك چۇشىنىدىغان تەسەللى بىرەلەيدىغان بىرسى يوق . پەقەت ئۆتۇپ كەتكەن ئازاپلىق مەنىسىز ئەسلىمىلەرنى قايتا ئەسلىمەي كەلگۇسىنىڭ تىخىمۇ گۇزەل ،يەنە كىلىپ بۇ ھايات تۇرمۇش دۇنيانىڭ تىخىمۇ رەڭدارلىقىنى ھىس قىلالىسا ئادەم ئۆزىگە بولغان ھاياتلىق نىشانىنى يەنە بىر قىتىم تاپقان دەك بولىدۇ. چۇنكى خۇشال كەيپىيات ئادەمنىڭ كاللىسىنى ئاچىدىكەن ،ناچار روھسىز بولسا ئىچقانداق ئىشلارغا تاۋى بولمايدىكەن .

magrurjan

	ياخشى يىزىلغان يازمىكەن ياقتۇرۇپ ئۇقۇدۇم