خۇش مۇبارەك بۇ ئىشىڭ*!

qaraxani

	خۇش مۇبارەك بۇ ئىشىڭ*! (شىنجاڭ يازغۇچىلار جەمىئىيىتىنىڭ مۇئاۋىن باش كاتىپى، ئەدەبىي تەرجىمانلار شۆبە جەمىئىيىتىنىڭ دائىمىي مۇئاۋىن رەئىسى، دىلمۇرات تەلئەتنىڭ ‹‹ئابدۇرېھىم ئۆتكۈر شېئىرلىرى››ناملىق خەنزۇچە تەرجىمە توپلىمىغا بېغىشلاپ) قاراخان كۇن چىقىشقا يول ئالغاندا ‹‹كرورانلىك بالىلار››*، ‹‹بوز دالا››*نىڭ ،ۋاڭ -چۇڭى سىڭىپ كەتتى قۇياشقا. ‹‹قۇملۇق روھى››* دىلغا بەخش ئەتتى چەكسىز ئىپتىخار، ئوخشىغاچقا ئوغلانلىرى مىڭ ئۆيدىكى نەققاشقا. چىچەك ئاچتى يېشىل تۇيغۇ ئاق ۋاراقتا مىسلىسىز، چەندان سۇخەن‹‹ تارانچى››  چىقىپ غۇلجا باغرىدىن. تىلدا ئىزھار قىلىندى روھ مەنزىلى پايانسىز، قەلەمنىڭ زىل تىۋىشى بوش چىقمىدى ناغرىدىن. ئۆرۈلگەندە ‹‹ئۇلۇغ ئانا چۆچىكى››  زەر  قەلەمدە، ‹‹ئۆتكۈر››بوۋا ھاياجاندىن دىدى ئوغلۇم ‹‹ئايلىناي››. تەلكە، قۇمۇل مۇڭلىرىنى ياڭرىتىپ ھەر قەدەمدە، پەدە چاقماي ماڭغىنىڭدا كۈلدى بوغدا‹‹ قەدىمجاي››. تىللىرىڭدا بار ئىكەن ‹‹ئارتىشى››*نىڭ پەرھىزى، ماقال-تەمسىل،لىرىك داستان ،باللادىغا ئۆزگىچە. ئېرىغىڭدا ئاقتى ئوقچۇپ مۇشتاق  باھار ئەگىزى، تىن تاپمىدىڭ ‹‹ئىز›› قوغلىشىپ ئەتىيازدىن كۈزگىچە. قۇمۇل قايەر؟ئۆتكۈر كىم ؟بوغدا ئانا زاتى كىم؟ تونۇتتۇڭغۇ تىل،تارىخ ،ئۇز شەجەرنى ئۆزگىگە. ئوتتۇز ئىككى ھەرپ بىلەن بولدۇڭ پالچى مۇنەججىم، ئېلىپ چىقتىڭ ئۇلۇغ ئەلنىڭ ئار تۇغىنى ئۆگزىگە. ئالماڭ يوغان ،دەرىخىڭ ئۇندىن يوغان بولۇپ كەت، تۇرسۇن ئىلى ئېقىنىدەك  يۈرەكلىرىڭ يول تېپىپ. بولسۇن سەندە ‹‹ئا.ئۆتكۈر››دەك ئۆلمەس تۇيغۇ ئاڭ سۈپەت، ئۆتكىن ئېزگۈ  تەرجىمىنىڭ بەيگىسىدە ئات چېپىپ. كىملەر كۆرۈپ تەرجىمەڭنى چەكتى قانداق ئىزتىراپ، كىملەر ئۆپۈپ قامۇسۇڭنى،كىملەر قالدى داڭ قېتىپ. ئەل غېمىدە يۈرسە ئەرگە  ياغار ئالقىش بېھىساپ، قىزىل تاغنىڭ چىراغىدەك دىلنى يورۇت نۇر چېچىپ. *بەلگىسى  قويۇلغانلار مەرھۇم شائىر ئا.ئۆتكۈرنىڭ شۇ ناملىق ئەسەرلىرى... ‹‹ئارتىشى››*-ئاتاقلىق تەرجىمان مەرھۇم توختى باقى ئارتىشى... 2014-يىلى 24-ئۆكتەبىر تولۇقلىما مەزمۇن (2014-11-14 01:07 PM): ئۆلگەنلەرنىڭ روھى سېنىڭ قەلىمىڭدە نۇر چاچتى، ھىممىتىڭدىن سۆيۈنىدۇ تىرىكلەرنىڭ قەلبىمۇ. ئەجدادلاردىن  قالغان ئۇدۇم ۋۇجۇدۇڭغا تۇتاشتى، ئاڭا قايىل بولدى باغراش ،سايرام ،ئابرال تەلكىمۇ! ئۆلگەنلەرنىڭ روھى سېنىڭ قەلىمىڭدە نۇر چاچتى، ھىممىتىڭدىن سۆيۈنىدۇ تىرىكلەرنىڭ قەلبىمۇ. ئەجدادلاردىن  قالغان ئۇدۇم ۋۇجۇدۇڭغا تۇتاشتى، ئاڭا قايىل بولدى باغراش ،سايرام ،ئابرال تەلكىمۇ!

aliFF

	balan   yiziptu

dilbar

	ئالىمىمىزنىڭ ئىسىل ئەسەرلىرىنى باشقا مىللەتكە تونۇشتۇرۇشقا كۈچ چىقارغان دىلمۇرات تەلئەت ئەپەندىگە كۆپ رەھمەت.