ئاستاغىنە...

qaraxani

	ئاستاغىنە ... قاراخان چارلاشقا كەتكەن سەلكىنىم بەرگەچ خەۋەر ئاستاغىنە، تۇردۇم كىيىكتەك لىككىدە ئاپپاق سەھەر ئاستاغىنە. بىر پەس تېڭىرقاش ئىلكىدە باقسام ساماغا تەلپۈنۈپ، ئىلھام -شىجائەت ياغدۈرۈپ كەلدى قەمەر ئاستاغىنە. نەرگىسكە ئوخشاش جىلمىيىپ چولپاننى ھەيران قالدۇرۇپ ، ئۇچتۇم ئۈمۈدتىن بەلگە چىڭ باغلاپ كەمەر ئاستاغىنە. كىرپىكلىرىڭنىڭ بەرگىگە قونسام سۈزۈك شەبنەمسىمان، ئوتلۇق كۆزۈڭ ئوت چاچرىتىپ تۇغدى خەتەر ئاستاغىنە. شۇدەم ئېرىپ جىسمىم سىماب يەڭلىغ ئېقىپ ‹‹ۋاي-داد!››دىدىم، ‹‹ھۇررا!››دىگەچ ئىشقىڭ يەنە يۇتتۇم زەھەر ئاستاغىنە. ئوت يالمىغان قىلدەك گويا ئاھ تولغىنىپ ياتقاچ دىدىم، ‹‹قالماس ئىدى ھېچ ئارمىنىم سۆيسەڭ ئەگەر ئاستاغىنە››... ئاغرىپ ئىچىڭ سۆيدۈڭ مېنى ،تارقاپ زەھەر كۈلدى جېنىم، مېھرىڭ بىلەن چۆلدەك دىلىم بولدى شەھەر ئاستاغىنە. بىر شەپقىتىڭ مىڭ بوپ يانار تاغلىق چوپانى قەلبىدىن، كۈيلەپ سېنى يازدى بۈيۈك يۈكسەك ئەسەر ئاستاغىنە. 2000-يىلى 1-يانۋار تولۇقلىما مەزمۇن (2014-10-30 12:16 PM): ئاستاغىنە ئاپتورى ‹‹قاراخان ››ئەمەس ‹‹مۇھەممەد ئەھمەد چوپانى ››دىيىلسۇ

Janbar

	بۇ مەن ئوقۇغان ئىككىنچى ئاستاغىنە بولۇپتۇ. غوجىمۇھەممەد مۇھەممەدنىڭ ئاستاغىنە دېگەن غەزىلىنىمۇ سۆيۈپ ئوقۇپ چىققانتىم. ئۇستاز قاراخاننىڭ ئاستاغىنىسىمۇ شۇنداق راۋان، سۈزۈك مىسرالار بىلەن تويۇنۇپتۇ. مۇبارەك بولغاي! دەيدىغىنىم قاراخانغا ئۇستاز تىلدا پىشقان ئۇستازلار شېئىردا بوپ، قىپ دېگەندەك سۆزلەرنى ئىشلەتمىسىمۇ شېئىر-غەزەللەرنى راۋان ئىپادە قىلالايدۇ دەپ قارىدىم. ئۇستازغا ئۇتۇق يار بولسۇن!

qaxmazulal

	يۈكسەك ئەسەر شاراپىتى قىلدى مەستخۇش، كۈي سازىغا مەڭزىم ياقتىم ئاستاغىنە. ۋۇجۇدۇمنى ئالدى بىر پەس ئوتلۇق سىزىم، سۈيۈشلەردىن شامدەك ئاقتىم ئاستاغىنە. يىللار بىلەن يىتىپ كەلدى كۈتۈش پەسلى، ۋىسال پەيتى يەنە كەتتى ئاستاغىنە، يۈردۈم ئۈمۈد ئۈزمەي لىكىن يار ئىشقىدىن، نەق ئون تۆت يىل ئۆتۈپ كەتتى ئاستاغىنە.

jelwa

	مۇنبەرگە كىردىم  ئاستاغىنە . ئىنكاس يازدىم ئازراققىنە سالام يوللاپ ھەممىڭىزگە چىقىپ كىتەي كۈلۈپقىنە

qaraxani

	qaxmazulal يوللىغان ۋاقتى  2014-10-24 12:32 PM يۈكسەك ئەسەر شاراپىتى قىلدى مەستخۇش،كۈي سازىغا مەڭزىم ... مۇھەببەتتە ماڭا مەرتلىك نېسىپ بولماي، ئۆتۈپ كەتتى تالاي پۈرسەت ئاستاغىنە. بىر يۈرەككە ئىككى گۈلنى سىغدۇرالماي، قالدى داغدا يۈرەك سوقۇپ ئاستاغىنە. بىر گۈلۈمگە بىر گۈلۈمنى ئۇقتۇرالماي، ئاقتى كۆزدىن ھىجران يېشى ئاستاغىنە....

musilina

	تىلى شۇنداق يېقىملىق،تاتلىق چىقىپتۇ.... ھوزۇر ئىچىدە ئوقۇۋەتتىم...

Gvlmisal

	ئۇزۇن ۋاقىتلار بولغاندەك ھېس قىلىۋاتىمەن ئۆزۈمنى غەزەل ئوقۇپ باقمىغلى...بەلكىم بىر  ئاي ،بىر يىل ياكى بىرئەسىر بولغاندۇ ...

qaraxani

	Gvlmisal يوللىغان ۋاقتى  2014-10-24 05:19 PM ئۇزۇن ۋاقىتلار بولغاندەك ھېس قىلىۋاتىمەن ئۆزۈمنى غەزە ... ئوقۇمىسىڭىز ئاي، يىللار، ئەسىر بولىدۇ،ئوقۇسىڭىز ئاي يىللارغا ئەسىر بولىسىز...

Gvlmisal

	qaraxani يوللىغان ۋاقتى  2014-10-24 05:33 PM ئوقۇمىسىڭىز ئاي، يىللار، ئەسىر بولىدۇ،ئوقۇسىڭىز ئاي  ... شۇنداق بىر ۋاقىتلار بولغاندى.....ئىز قوغلاپ يۈرۈپ شىئېر،غەزەللەرنى ئوقۇيدىغان.بۇ ئەسىرىڭىزنىمۇ شۇ ئىزلارنى قوغلاپ يۈرۈپ ئوقۇش شەرىپىگە ئېرىشتىم دەڭە..... ئۆزى يازغاننى ئوقۇماي ،ئوقۇغاننى ئوقۇپتىمەن........

qaraxani

	Gvlmisal يوللىغان ۋاقتى  2014-10-24 05:35 PM شۇنداق بىر ۋاقىتلار بولغاندى.....ئىز قوغلاپ يۈرۈپ شىئې ... ‹‹كارتام››غا 100يۈئەن ئۇرۇپسىز ،تاپقىنىڭىز ھالال ۋە بەرىكەتلىك بولغاي؟