مۇنبەرلەر

bahwanbiz

	مۇنبەرلەر بىرلا چەكسەڭ ئېچىلار مەزمۇنى مول مۇنبەرلەر ، تىزىملىكتە باشلامچى بىرىنچى قول مۇنبەرلەر ، يېڭىلىققا دەۋىرگە ئاشىق بۇلبۇل مۇنبەرلەر ، سۈرئىتىدە بەك چاققان تېما قوبۇل مۇنبەرلەر ، بىرلىكىدە تەقدىرداش ئىناق -ئۇيۇل مۇنبەرلەر . ساناپ باقتىم بىرەر يۈزى تىزىلپتۇ  رەتلىنىپ  ، مۇنازىرە بېتىدە ئورۇن ئاپتۇ خەتلىنىپ ، بەزىلىرى بىخ سۈرۈپتۇ ، بەزىلىرى ئەتلىنىپ ، رىقابەتتە يەڭ تۈرۈپ ئالغا ماڭار سەپلىنىپ ، خەلقى ئۈچۈن ھەمنەپەس سۇققان تومور مۇنبەرلەر . باغداش بىلەن مىسرانىم <تەڭرىتاغ>نى شەرەتلەر ، ئانا تۇپراق ،ئىزدىنىش < يازغۇچى> نى ھۆرمەتلەر ، چۇلپان بىلەن چىمبۇلاق <تەۋپىق >روھى سۈرەتلەر ، چوغلان بىلەن نادىرنى < ئوقۇغۇچى > ھۆرمەتلەر ، غۇلجا ،ئاتۇش ، قەشقەر ۋە تۇرپان ، قۇمۇل مۇنبەرلەر . باغلىنىدۇ بۇ دەۋىر نۇر مىسالى تور بەتكە ، باغلىنىدۇ ئىدىيە يېڭىلىققا __زەرەتكە ، سەزگۈر قەلب تىرىشسا ئېرىشىدۇ شەربەتكە ، كىم ساقلىسا غەزىنە ئىگە بولۇر قىممەتكە ، ئەلگە سۆيگۈ تەۋەللۇت ئاتەش تونۇر مۇنبەرلەر . تەرتىپ بىلەن تەستىقتە <تاللا بازار >تېمىلار ، ئىنكاس بىلەن باغلىنىپ ئارقا بەتكە يول ئالار ، مەزمۇنى مول يازمىلار خۇرۇچلارغا تەم سالار ، باھاسىدا ئالماسنى باشقۇرغۇچى نادىرلار ، ھازىر جاۋاپ ئىنكاسلار چاقچاق- يۇمۇر مۇنبەرلەر . <پۇتبول> بىلەن <دەرسلىك >،<ئانا -بالا> ، <سودىگەر>، <پەرۋاز كىنو> ،<بىلىگ>لەر ، <قانون> بىلەن <دورىگەر > ، توختام بىلەن پۈتىشەر ئېلان بىلەن ھۆددىگەر ، بىر كونۇپكا ئېكراندا ئىزلىگىنىڭ كۆرىنەر ، تىرىشقىنى كۆپ ئەسىر كۆرەر ئۆمۈر مۇنبەرلەر . تونىشىدۇ  ناتونۇش ئورتاق نىشان ئىزدىنىش ، مەسىلىنى ھەمسۆھبەت باپبارۋەر ھەل قىلىش ، تاپقىنىنى ساخاۋەت موھتاجلارغا تەل قىلىش ، ھەقەمسايە تۇياقتا ئەۋلادلارغا ئىز سېلىش ، ئادىمىيلىك بابىدا ئەخلاق ، غۇرۇر مۇنبەرلەر ، دەۋىر تاللاپ ئۆزگىرەر بىر قەۋمنىڭ ساداسى ، سورار بىزدىن قىزىلگۈل ھەر يېڭىلىق ساباسى ، روھىمىزنى غىدىقلار يەرمەنكىنىڭ ساماسى ، مىليۇنلىغان <تۆت قۇلاق> بولغاي ئېرپان شەيداسى ، ھەق ئادالەت بازغىنى پولات -تۆمۈر مۇنبەرلەر . ئاپتۇرى : ئابلەت مۇھەممەت باغۋەن

UYGUR==DOLAN

	ناھىيتى ئىسىل يېزىلغان شېئىركەن،قاپىيەلىرىمۇ شۇنچىلىك ماسلىشىپتۇ،  ئىشلىرىڭىز بەرىكەتلىك بولغاي.

TIRIXQANBALA

	يىزىقچىلىق قابىليىتىڭىزگە ئاپىرىن ،قەلەم تۇلپارىڭىز ھارمىسۇن ،مۇشۇنداق ئىسىل شىېرلىرڭىزنىڭ داۋاملىق چىقىشىغا تىلەكداشمەن .

aliFF

	باشقىلار   سۇلياۋ   تەخسىدە   كۆتۈرسە    سىز   بازۇن   تەخسىدە   كۆتۈرۈپ    يازىدىكەنسىز   ھە    توۋا

kufrat

	aliFF يوللىغان ۋاقتى  2014-10-24 11:44 AM باشقىلار   سۇلياۋ   تەخسىدە   كۆتۈرسە    سىز   بازۇن   تەخس ... خا  خا  ، نىمانداق  قىززىق ئىنكاس  يازىسىز  سىز

Rujak

	رىئال تۇرمۇشتىكى يازدىغان نەرسىلەر قالماي ئەمدى تور دۇنياسىغا نەزەر ساپسىزدە باغۋەنكا ، بەك ياخشى يىزىپسىز ،

Rujak

	aliFF يوللىغان ۋاقتى  2014-10-24 11:44 AM باشقىلار   سۇلياۋ   تەخسىدە   كۆتۈرسە    سىز   بازۇن   تەخس ... ئاپپاق خان تەخسىگە سىزنى ئىلىپ كۆتەمەپتۇ ،مۇنبەرنى كۆتىرەپتۇ ،

ap~qilam

	قالتىس يېزىپسە ئاكا،مۇنبەرنىڭ كىشىلىك جەمىئەتتىكى ئىجادىي رولى يارقىن گەۋدىلىنىپتۇ،راس گەپ قىلسام تېمىنى كۆرۈپلا يەنە مۇنبەر توغرىسىدا ئاچچىق پاراڭلارمىكى دەپ ئويلىغانىدىم،تېماڭنى كۆرۈپ كۆڭلۈم ئېچىلىپ قالدى

pikir1

	باخۋەنبىز خانىم ( ئەپەندىم)، مۇخبىرلىقمۇ قىلامسىز بەزىدە؟ ماۋۇ گەپ غىدىقىمنى بەك كەلتۈردى ئىزدىنىش < يازغۇچى> نى ھۆرمەتلەر ،