تەندە ئەمەس روھتا كېسەل ئالامەت

qaraxani

	تەندە ئەمەس روھتا كېسەل ئالامەت قاراخان دۇنيادا نىمە تولا -تىۋىپ تولا، دورىسى بىمارلارغا قىلار شىپا. ‹‹ئىبۇلا››،‹‹سارس››،‹‹ۋابا››،‹‹چىچەك››،‹‹قىزىل›› ، يۇقسا كۆر تاپتى داۋا مېدىتسىنا. ئەمما بىر جاھىل كېسەل روھنى كېزىپ، ساقايماي كەلدى مىڭ بىر رېتسىپ يېزىپ. ئاقىللار كۈن- تۈن سۆكۈپ قاقشايدىكەن، دوزاقمۇ دەيدۇ ئۇندىن تۇراي قېچىپ. كىمدىن، قاچان يۇغقان كېسەل بۇ دىمە، يۇقسا بولۇر ئاپپاق كۇندۈزمۇ كېچە. تەقىپ قىلار كۆز-كۆڭۈلنى يوق ئىلاج، يوق ئۇنىڭدىن ئىنسانغا زور تەھلىكە. ‹‹دورا ››بەرسەڭ قەي قىلىدۇ توختىماي، ئۆزى ياكى قىلماس سەۋەپ ئۇخلىماي. نادانلىق ۋە جاھالەتتۇر- نام ئېتى، بۇ كېسەلدىن قىرىلغانلار مىڭ تالاي. ئىنسانىيەت قىلالماستىن كونتىرول، ياكى ئاڭا كۆرسىتەلمەي توغرا يول. بىر-بىرىگە سالدى دەھشەت دەرت -ئازاپ، قىلالماستىن جاھانگىرمۇ مونوپول. ئۇران ھەتتا ئاتوم ئاتلىق قورالمۇ، دېڭىز تاشقىن ،يانار تاغ ،جۇت شامالمۇ. ھېچ گەپ ئەمەس ئۇنىڭ كۈچى ئالدىدا، بويغا قاراپ قويغان بومبۇر ساقالمۇ. بۇ كېسەلنىڭ ۋاكسىنىسى ئىلىم -پەن، لېكىن ئاڭا قىلماس نادان بەك ئېرەن. مەدەنىيەت بولدى خاراپ،روھ زەرداپ، نادانلىق ۋە خۇراپاتلىق بەس كېپەن. بۈگۈن قورقۇپ كەتتى ئارال -قىتئەلەر، قان تۆكتى دەپ مەزھەپ سۈنئى، شىئەلەر. ئۇرۇش ئاپەت،ۋىرۇس تەھدىت دەيدۇ ئەل، نادانلىقنىڭ بەلگىسى ئول  شەپىلەر. شۇڭا دەيمەن بىلىمسىزلىك قاباھەت، نادانلىقنى تەرك ئەتكىن ھاماقەت. ئەقلىمىزنى ئويغىتايلى قاقشىماي، تەندە ئەمەس روھتا كېسەل ئالامەت. 2014-يىلى 23-ئۆكتەبىر

سائەت

	ئەسسالامۇ ئەلەيكۇم بۇ شېئىرىڭىز ھەقىقەتەن ياخشى چىقىپتۇ قاراخان قېرىندىشىم......

yagaqqi

	ياقتۇردۇم .

jelwa

	ياقتۇردۇم  ....  قەلىمىڭىزگە  كۆز تەگمىسۇن  ....

wolfman

	ياخشى شېئىركەن،قەلىمىڭىز ھارمىغاي

babur99

	قاراخان ئەپەندى ،ئىلھام دىگەن نورۇز بۇلاقتەك قايناپ تۇرىدىكەن جۇما سىزدە ناھايىتى ياخشى يېزىپسىز ،ئەسەرلىرىڭىزنى مەتبۇئاتلارغا ئەۋەتىپ تۇرامىسىز ؟ ئۇنداق قىلمىڭىسز بەك ئەپسۇسلۇق ئىش بولىدۇ -دە

qaraxani

	سائەت يوللىغان ۋاقتى  2014-10-23 06:49 PM ئەسسالامۇ ئەلەيكۇم بۇ شېئىرىڭىز ھەقىقەتەن ياخشى چىقىپ ... ۋەئەلەيكۇم ئەسسالام  سائەت ،مىننەتدار بولدۇم.

qaraxani

	babur99 يوللىغان ۋاقتى  2014-10-23 11:11 PM قاراخان ئەپەندى ،ئىلھام دىگەن نورۇز بۇلاقتەك قايناپ ت ... مەتبۇئاتقا بەرمىدىم ،ئۇلار زىغىرلاپ جېنىنى ئالىدىكەن...ئاخىرىدا ئۈن تىنسىز يوقاپ كېتىدىكەن ئۇ ئەسەرلەر،كېيىن تېخىمۇ ياخشى ئەسەر يازالىسام چوقۇم ئۇلارغا يوللايمەن.

aa0998

	يازغان شېئىرڭىز ئەمەلىي تۇرمۇشنى مىسال قىلغان ئاساستا ياخشى يېزىلىپتۇ، ،،،، قەلەم تۇلپارڭىز توختاپ قالمىسۇن.