ئۆچمىگەن ئوت

قورغان

	ئۆچمىگەن ئوت ھەسەنجان ئۆمەر شادلىقى يوقمۇ ئىشىقنىڭ ،دەرتلا تارتتىم يەتكۈچە، قىلمىدىم بىررەت تەبەسسۇم ،مۇڭغا پاتتىم يەتكۈچە. قىنى شۇ تاتلىق خىياللار،شوخلىنىپ كەزگەن ساما؟ ئۈكلىنىپ كۆيدى قاناتى يەردە ياتتىم يەتكۈچە. قالمىدى تەندە مادارىم،تىترىدىم ياپراق مىسال، دېڭىزىدا پۇرقىتىنىڭ لەيلەپ ئاقتىم يەتكۈچە. جۇپ بىلىپ ھېجران-ۋېسالنى تا-ئەزەلدىن سۆيگۈدە، يار يولىغا ئۈمىدنىڭ كۆزىدە باقتىم يەتكۈچە. ۋەسلى يار بولماي نىسىپ، قوندى قىرۇ چاچلارغا، نەقىلاي ،ئۆچمىدى ئوت،سۇنى چاچتىم يەتكۈچە. مەنبە؛ئىجادىيىتىم

tatlik5

	يامان ئەمەس يىزىپسىز .

99sahrayi99

	مەزمۇنى بەك ياخشىكەن، لېكىن كەينىدىكى ئىككى -ئۈچ مىسراسىنىڭ ئاھاڭدارلىقى سەل ئاجىز بولۇپ قاپتۇ.  ھارمىغايسىز!..

oyl

	قېنى شۇ تاتلىق خىياللار ،شوخلىنىپ كەزگەن ساما ؟ ئۈكلىنىپ كۆيدى قاناتىم ،يەردە ياتتىم يەتكۈچە. ئەسلى «قاناتىم »دەپ يېزىلىشى كېرەكمىدى يە ؟ ياخشى يېزىلىپتۇ ھارمىغايسىز .

AandM

	بەك  ياخشى چىقىپتۇ!

musilina

	تىلى يېنىك،ھېسياتلىق چىقىپتۇ.... ياقتۇرۇپ ئوقۇدۇم.....

oylun

	جانمۇ ئوت، جانانمۇ ئوت، ۋەتەنمۇ ئوت، ھەر كىشىنى ئادىمى ئەتكەنمۇ ئوت. يانمىسا كۆڭۈل ئۆيىدە بىر چىراق، گۆش، تىرە، سۆڭەك بىلەن بۇ تەن ئۇ ئوت.... يۈرەك دىگەن ئوتلۇق بولغىنى ياخشى،قىرىندىشىم.....

Janbar

	دېڭىزىدا پۇرقىتىنىڭ لەيلەپ ئاقتىم يەتكۈچە. بۇ مىسرانى: دېڭىزىدا پۇرقىتىنىڭ تولا ئاقتىم يەتكۈچە دەپ ئوقۇپ باقتىم. يار يولىغا ئۈمىدنىڭ كۆزىدە باقتىم يەتكۈچە. بۇ مىسرانى: يار يولىغا مەن ئۈمىد كۆزىدە باقتىم يەتكۈچە . دەپ ئوقۇپ باقتىم. ۋەسلى يار بولماي نىسىپ، قوندى قىرۇ چاچلارغا، بۇ مىسرانى: ۋەسلى يار بولماي نىسىپ قوندۇ قىرۇ چاچلارىما. دەپ ئوقۇپ باقتىم. نەقىلاي ،ئۆچمىدى ئوت،سۇنى چاچتىم يەتكۈچە. بۇ مىسرانى: نى قىلاي، ئۆچمەيدۇ ئوت، زىلالنى چاچتىم يەتكۈچە. مۇنداق ئوقۇپ باقتىم. يۇقارقى مىسرالارنى ئورنىغا ئاز تولا چۈشۈرۈپ قويدۇم. ياراپ قالسا ئىشلىتەرسىز، بولماي قالسا مەن تىلغا ئالغان مىسرالارغا يەنە بىر تېرىشىپ باقسىڭىز غەزەلىڭىزگە گەپ كەتمەيدۇ. سىزگە ئۇتۇق تىلەيمەن!

bulaksu2

	قورغانغا سەمەننىڭ چىلگىسىدەك تاتلىق تۇيغۇلارنىڭ يار بولىشىنى تىلەيمەن.

قورغان

	Janbar يوللىغان ۋاقتى  2014-10-22 05:12 PM دېڭىزىدا پۇرقىتىنىڭ لەيلەپ ئاقتىم يەتكۈچە. بۇ مىسرانى: ... ۋەزىن چاققان مىسرالارنى تۈزەپ ئوقۇغىنىڭىزدىن سۆيۈندىم، ئەجرىڭىزگە رەھمەت.