ئېچىنىمەن

wolfman

	ئېچىنىمەن دوستۇم  قىلدى  دوسلۇقۇمغا  خىيانەت، سۆيگۈم قىلدى پاك سۆيگۈمگەئاھانەت، قېرىندىشىم كۈلدى يەتسە يۈرەككە دەرت، ئاتا-ئانام كەتتىلەر ھەم كۆرمەي راھەت، ئېسىت ئۆتكەن شۇ ئۆمرۈمگە  ئېچىنىمەن. يىتىم دېدى بەزىلەرگە سۈكۈت قىلدىم، تىكەن كەبى يەكلەشتى ھەم ئاغرىنمىدىم، چاي ئورنىدا زەھەر  تۇتتى جىگەرلىرىم، گەر يىقىلسام چاۋاك چالدى دۈشمەنلىرىم، ئاھ  يالغۇزمەن، يالغۇزلۇققا  ئېچىنىمەن. سورىغانغا يوق  دېمىدىم قولدا بارنى، قايتۇرمىسا سورىمىدىم دەپ كۆڭلىنى، ھاجەتمەندىن ئايىمىدىم  بارلىقىمنى، ئەپسۇس، ھېچكىم سورىمىدى ئاھ-زارىمنى، توۋا يەنە "يامان"مەن يامان نامغا ئېچىنىمەن. تانغىنىم يوق دوست دەپ تۇرۇپ قول ئۇزاتقاندىن، قاچقىنىم  يوق يامان كۆرۈپ  يىراق  تۇرغاندىن، ئۆچ ئالمىدىم  كۈلۈپ  تۇرۇپ توزاق  قۇرغاندىن، قورقۇنچاق  بوپ  ئاتالدىم  سەۋرىم  سەۋەپتىن، سەۋىر  قىلغان    يۈرۈكۈمگە     ئېچىنىمەن. تۆت كۈنلۈكلا دۇنياغۇ زارىم يوق ئاڭا، قىلساڭ  گەر باشقىغا يانار ھەم   ساڭا، ھاياتتا كۆرمىسەممۇ  ياخشىلىق ئەسلا، ئۇلۇغ ئىگەم ئادىل جاۋاب  بېرىدۇماڭا، خەيىر  دۇنيا  ئادەملەرگە ئېچىنىمەن.                                                                               __تەنھا بۆرە

ئىپارە

	eqiniman dap bir nahxa bolidigan , xuni aslatti bu xeringiz! yahxi qikipti

oyl

	پەقەت مىسرالاردىكى بوغۇم بىردەكلىكىگە دىھقەت قىلسىڭىزلا، مەزمۇن يامان ياخشى چىقىپتىكەنتۇق!!!!

Janbar

	سۆيگۈم قىلدى پاك سۆيگۈمگەئاھانەت، بۇ يەردىكى سىزنىڭ سۆيگۈڭىز يەنە سۆيگۈڭىزگە ئاھانەت قىلمىغۇسىدۇر. شۇڭا يارىم دېگەندەك باشقا ئاتالغۇ ئېلىڭ (قارشى تەرەپنى كۆرسىتىدىغان بولۇشى ئۈچۈن) بوغۇم بىردەكلىكىگە ئەھمىيەت بېرىڭ. يەنە بىرسى قاپىيەدە ئاز تولا مەسىلە بار، شېئىرىيەت سەپىرىڭىزگە (تەنھا بۆرە سىز بولسىڭىزلا) زور ئۇتۇقلارنى تىلەيمەن. بۇ يولدا بوشاشقا بولمايدۇ، داۋاملىق ئالدىغا ئىلگىرلەشكىلا بولىدۇ. بەرىكەتلىك بولۇڭ!

(شەيدا)

	Janbar يوللىغان ۋاقتى  2014-10-21 11:37 PM سۆيگۈم قىلدى پاك سۆيگۈمگەئاھانەت، بۇ يەردىكى سىزنىڭ س ... رەھمەت جانبەر قېرىندىشىم، كۆڭلۈمدىكىنى تېپىپسىز.  سىزنىڭ ئەسەرلىرىڭىزنى باشقىچە زوق بىلەن ئوقۇيمەن، يازغان ئىنكاسلىرىڭىزمۇ مىنى قايىل قىلماي قويمايدۇ، سىزنىڭمۇ  شېئىرىيەت سەپىرىڭىزگە  زور ئۇتۇقلارنى تىلەيمەن.

Janbar

	(شەيدا) يوللىغان ۋاقتى  2014-10-21 11:49 PM رەھمەت جانبەر قېرىندىشىم، كۆڭلۈمدىكىنى تېپىپسىز.  سى ... ئەسەرلىرىمنى ياقتۇرۇپ ئوقۇغىنىڭىزدىن ئەۋۋىلى خۇرسەنمەن. ماڭا تىلىگەن خۇش تىلەكلىرىڭىزگە تەشەككۈر! سىزنىڭمۇ ئىجادىيەت ئىشلىرىڭىزغا ئۇتۇق يار بولسۇن! كۆرۈشۈپ تۇرايلى!

باشتۇغ

	داۋاملىق يېزىپ تۇرۇڭ .

tunlirim

	مىسرالىرى شۇنداق ياخشى چىقىپتۇ ،     مىنىڭ بىر مىيىپ دوستۇم بۇلدىغان ئۆزى شائىر ،   پات يېقىندا ئاللاھ خالىسا شېئىرلىرنى ھۇزۇرۇڭلارغا سۇنىمەن

wolfman

	oyl يوللىغان ۋاقتى  2014-10-21 11:13 PM پەقەت مىسرالاردىكى بوغۇم بىردەكلىكىگە دىھقەت قىلسىڭى ... رەھمەت ،تۈزۈتۈشكە تىرىشىمەن

akbarjan2015

	بەك ياخشى چىقىپتۇ، تىرىشىڭ!