كىچىكلەپ قايتماقتا كۈندۈز ئۆيىگە

bahwanbiz

	كىچىكلەپ قايتماقتا كۈندۈز ئۆيىگە مىدىرلاپ كۈندۈزنىڭ كۆمۈردەك تېنى ، ئاپتاپتا قۇرىدى گۈلنىڭ كۆڭلىكى ، ئوچاقنىڭ ئوتىدەك گۈپ قىلار ھاۋا، يامغۇرغا تەلمۈرەر يولنىڭ كۈنلىكى . يېڭىدە سۈرىتەر قوناق تەرىنى ، ئۇسسىغان تېرەكلەر قىسماقتا بويۇن . قۇپ -قۇرۇق چېلەكنى سۆرەيدۇ ۋاقىت ، پەرۋاسىز چىڭقى چۈش قويماقتا  ئويۇن . كالىلار سۈتىنى تېگىشەر سۇغا ، مۇزايلار دۇكاندىن ئالار لەۋسۇرۇخ. توساتتىن بىنورمال ئۆپكىدەر ساغلىق ، قوزىلار مەرىشىپ قويىدۇ قۇرۇق . بىر پارچە سالقىندا يازالماي غەزەل ، مۈشۈكنىڭ تىرنىقى كەتمەكتە قاناپ . كۈچۈكلەر سۆزلەيدۇ چەتئەل تىلىدا ، مەست سازاڭ قەدەمنى ماڭىدۇ ساناپ . جىددىيلىك ئىچىدە ياشايدۇ خۇراز، مىكىيان تۇخۇمدىن بېرەر ھېسابات . بىلىنگەچ بەزىدە بۇ تۇرمۇش تەتىل ، غېمى يوق چۈجىگە چىقماقتا قانات . توختىماي قاينايدۇ ئۈمۈد تېرىسى ، دەسسەلگەن سۈكۈتتىن مەنزىل كىچىكلەر. ھەر قېتىم پالاقلار كۆڭۈل قانىتى ، بىر سىقىم تەشنالىق چوكا مۇزنى يەر . دىقىقە ئالىيىپ كەتمەكتە ئۆتۈپ ، ئېھتىمال ئالداندۇق غەپلەت كۈيىگە . كېچىلەر ئالچاڭلاپ كېلەر دوقمۇشتىن ، كىچىكلەپ قايتماقتا كۈندۈز ئۆيىگە ، سۇ بىلەن ئوت ئەسلى بىر پارچە سۈرەت ، پەسىللەر جانلىققا بەرمەكتە ساۋات . بارچە جان تەبىئيلا ياشاش غېمىدە ، ۋولقاندەك پۇرۇقلاپ قاينايدۇ ھايات. ئاپتۇرى : ئابلەت مۇھەممەت

asrari

	زۇلۇم ھەققانىيەتنىڭ سەل بىر مىللىي ئالدىغا ئۆتىۋالسا ، مانا مۇشۇنداق ئويلاپ قالىدىكەنمىز. … قىش كىتىپ باھار كەلسە ئەلۋەتتە يازنىڭ كۈندۈزى ئۇزىرايدۇ.  بۇنى ھەممە ئادەم بىلىدۇ ئەلۋەتتە.ئەمما قەھرىتان قىشنى ئۆتكۈزۈش نەقەدەر قىيىن . ئۇ چىدام غەيرەت، سەۋر تاقاتنى تەلەپ قىلدۇ

qaraxani

	قۇپ -قۇرۇق چېلەكنى سۆرەيدۇ ۋاقىت كۆل دەريا خىيالدىن بولغاچقا ساقىت.

hekmat110

	مەنىلىك شېئر ئىكەن

arapat886

	ئوخۇۇۇۇۇ   ، شىئىرلار جايىدىكەنغۇ

tatlik5

	يامان ئەمەس يىزىپتۇ

oylun

	ئوبرازلىق، سىمۋۇللۇق  چىقىپتۇ...... ياخشى

qaxmazulal

	تېمىغا كىرمەي تۇرۇپمۇ باغۋەنكامنىڭ شىئېرى ئىكەنلىكىنى بىلىپ كېتىدىغان بۇلۇپ كەتتىم.دېمەك بۇ خاسلىق،خاس بولغاندىمۇ تىپىك.

qaraxani

	qaxmazulal يوللىغان ۋاقتى  2014-10-22 06:35 PM تېمىغا كىرمەي تۇرۇپمۇ باغۋەنكامنىڭ شىئېرى ئىكەنلىكىن ... راست شۇنداق،خاسلىق مەۋجۇت...

99sahrayi99

	بەك ياخشى يېزىلىپتۇ، ... ھەقىقى ئوبزار يارىتىپسىز. شېئىر دېگەن مۇشۇنداق بولىشى كېرەك،  ئەسلىدە!.. ھارمىغايسىز، باغۋەن بارادەر!...