ئەسقەر مەمىتىمىن:
ھەسەتخور ھەققىدە ساتىرا
قارىماققا كىچىك پىل،پەيلى يامان ھەسەتخور،
ئېغىزىدا ئىمان بار ، دىلدا يىلان ھەسەتخور،
قېرىنداشنى ،دوستىنى چاققان چايان ھەسەتخور،
ئادەملىكىڭ دىللاردا،قوزغار گۇمان ھەسەتخور،
توشۇپ گەپ-سۆز،دوستلارنى تىرىك ساتقان ھەسەتخور!
ئۆزى ئۇتۇققازانماي ،يۈرەر دائىم تەمتىرەپ،
قان كېتىدۇ ئىچىڭدىن ،بىراۋ قۇچسا شان-شەرەپ،
كونا باشلىق ئالدىدا ياشىغانتىڭ ئەركىلەپ،
ئەمدى يېتىم قالدىڭسەن ،تاز ئۆچكىدەك مەقىرەپ،
ئىچى تارلىق دەستىدىن ، ئەلەم يۇتقان ھەسەتخور.
مۇسىبەتلىك شۇمخەۋەر يېتىپ كەلدى خوتەنگە:
مەرھۇم ئاتاڭ جەسىتى كىرىپتۇ ئاق كېپەنگە،
تاغدە كئېغىر مۇسىبەت كەلگەن چاغدا يەلكەڭگە،
بەردىم بېرىپ تەسەللىي، كونا-ۋەيران كەپەڭگە،
ياشاپ ئۆسكەن مۇھىتى ، ئېغىل –قوتان ھەسەتخور.
كەسىپ قىلدىڭ ئۆزۈڭگە ياخشىلارنى چېقىشنى ،
چېقىش بىلەن نەپ ئېلىپ، ئۆگەندىڭ جان بېقىشنى
كۈلۈپ تۇرۇپ دوستلارنىڭ،دىلىغا زىخ تىقىشنى،
سۇ لېيىتىپ كۆلچەكتىن،ئۆزۈڭ بېلىق تۇتۇشنى
شۇ‹ھۈنەر›دەۋاقىتلىق،تاپتىڭ ھايان ھەسەتخور.
چىرمىۋالغاچ دىلىڭنى ئەمەل-مەنسەپ تاماسى،
قابىللارنى دەپ يۈردۈڭ‹قانچىلىكتى ساپاسى؟›
<<كوت-كوت>> قىلىپ يۈرۈيسەن ، گېپىڭنىڭ يوق ئاساسى،
ياخشى ئەمەس بۇنىڭغا،كۆپچىلىكنىڭ باھاسى،
ئەمەل-مەنسەپ كويىدا،يۈردۈڭ ھامان ھەسەتخور!
پەيلاسوپتەك كۆرسىتىپ سەپداشلارغا ئۆزۈڭنى،
ھېكمەتلىك دەپ قارايسەن ھەر بىرئېغىز سۆزۈڭنى ،
ھەقىقەتنىڭ ئالدىدا،چىڭ يۇمىسەن كۆزۈڭنى،
ياقتۇرمىساھېچ كىشى سەندەك مەغرۇر-كۆرەڭنى ،
ئاچچىق مېغىز يىگەندەك چەكتىڭ پىغان ھەسەتخور!
ھەسەت ئوتى قەلبىڭدە بولدى گۈلخان لاۋۇلداپ،
كىرگەن كەبى دوزاخقا چەكتىڭ دوستۇم دەرد -ئازاب ،
بۇغدايئۆڭلۈك يۈزلىرىڭ كۈندىن-كۈنگە قارىداپ،
يازدىڭ ھەتتا ماقالە،تۆھپىكارلار غاجاپ،
ئاچچىق يۇتۇپ سەكراتتا،يېتىپ قالغان ھەسەتخور.
ئەرسانالماس تۈك-ساقال چىققان بىلەن ئېڭەككە،
ئوخشىتىسەن ئۆزۈڭنى تەڭدىشى يوق زېرەككە،
لېكىن ھەسەت يۇتىسەن خەمەك چۈشسە پېلەككە،
ھەسەت يۇتقاچ،دوختۇرلارسالدى تىرەك يۈرەككە،
زەئىپ بولۇپ يۈرۈگى نىمجان بولغان ھەسەتخور!
يۈرەك ئاجىز–تەن ئاجىز، ماغدۇر كەمچىل بىلەكتە،
چېكىنىش كۉپ ئەركەكلىك ئىقتىداردا- ھەۋەستە،
دەپ يۈرۈپتۇ ئايالىڭ ‹‹قانالمىدىم لەززەتكە ،››
چۆچەك تولا بۇ ھەقتە ئىدارىدا ، مەكتەپتە،
ئاشنا تۇتۇپ ئايالىڭ ئوينار پىنھان ھەسەتخور!
بولار ئالىم پەيلاسوپ تەربنيىلىسەك بالىنى ،
ئادەم بولماس نۇرغۇن يىل ئوقۇتساقمۇ كالىنى،
سۆگەت ھامانسۆگەتتۇر ئۇلىساقمۇ ئالمىنى ،
ئايلاندۇرۇش مۇمكىنمۇ زەرگە ،كېسەك چالمىنى ،
دورىمىسۇن خۇيۇڭنى ئوغلۇڭ مەردان ھەسەتخور !
ھەسەت چۈشتى دىلىڭغا قايسى قىتئە ئوكياندىن،
بۇلبۇل چىقار بوستاندىن ، ھايۋان چىقار قوتاندىن،
قالىدىكەن خۇي-ئۇدۇم ، ئاتا نەسلىدىن -قاندىن ،
ھەسەت مىرارس قالغانمۇ مەرھۇم ئاتاڭ سۇلتاندىن ،
ئەل- ئاۋامنىڭ قەھرىدە بولۇر گۇمران ھەسەتخور !
تاپقان پۇلۇڭ تاش سېتىپ، كەتتى ئېقىپ دوختۇرغا،
تەكشۈرتۈپ باق تەپسىلىي تېخنىكىسى يۇققىرىغا،
نەس كېسەللىك ئامراقكەن ئىچى زەھەر-قوتۇرغا،
ئىككى پۇتلۇق ئېشەكمۇ باغلىنىدۇ ئوقۇرغا،
ئىسمى ئادەم بولسىمۇ ، نەسلى ھايۋان ھەسەتخور!
ئاگاھ بولغىن ساغلاملىق،تەئۇللۇقتۇر ئوزۇڭگە،
ھەسەت دېگەن زىيانلىق،ئۆپكە،يۈرەك،ئۆتۈڭگە،
ئاق كىيىملىك ئايالىڭ،كىردى تەكرار چۈشۈمگە،
شېئر يېزىپ شىپالىق،ئوكۇلسالدىم كۆتۈڭگە،
چىداپ تۇرغىن لەۋ چىشلەپ،دىمە‹‹ ۋايجان!›› ھەسەتخور.
ئاقىۋىتى خەتەرلىك يۈرەك بولسا تىقىلما،
قىلىپ قارانىيەتلىك،سەپداشلارغا چېقىلما،
دوستلىرىڭغا بولمىغىن ، ئىككى يۈزلۈك سېتىلما،
سۆڭەكبەرگەن ئىگەڭگە،غالجىر ئىتتەك ئېتىلما،
ساقىيارسەن ،دىلىڭكەڭ بولسا ئاسمان ھەسەتخور!
بۇ يازمىنى ئاخىرىدا sadiksirdax تەھرىرلىگەن. ۋاقتى 2014-10-20 11:14 AM