[SarwanBlog][سائەت(1)] چىچەن سائەت

SarwanBlog

	[سائەت(1)] چىچەن سائەت ئەسلى مەنبەسى: سارۋان بىلوگى سائەت توغرىسىدىكى تېمامنىڭ مەزمۇنى بىر قانچە چوڭ بۆلەككە بۆلىنىدىغان بولغاچقا تېمامنىمۇ بۆلۈپ يېزىشنى توغرا تاپتىم. بۇ بىرىنچى قىسمى. بۇ قىسمىنى بۇندىن بىر يىل بۇرۇن تەييارلىغان بىر كۆرسەتمە ئاساسىدا يازدىم. ئەسلى كۆرسەتمىنى تۆۋەندىكى ئادرىستىن كۆرۈش مۇمكىن: https://speakerdeck.com/sarwan/smart-watch-ch-chaen-sy-aet چىچەن سائەت بولسا بىر خىل تاقالما كومپيۇتېر. سائەت ئىقتىدارى ئۇنىڭ ئاساسلىق ئىقتىدارى ئەمەس. چىچەن سائەتلەرنىڭ ئۆزىنىڭ مەشغۇلات سىستېمىسى ۋە مەشغۇلات سىستېمىسى ئۈستىدە ئىجرا بولىدىغان ئەپلىرى بولىدۇ. چىچەن سائەتكە تىزلەتكۈچ، گىرىسكوپ، كومپاس، تىرمومېتىر، بارومېتىر،GPS قاتارلىق سىنزورلار، مىكرافون، كاناي، سەزمە ئىكران قاتارلىق ئۈسكۈنىلەر سەپلەنگەن بولىدۇ. بۇ يەردىكى چىچەن سائەت، ئەقىلىي سائەت، ئەقلىي قول سائەت، ئەقلىي ئىقتىدارلىق قول سائەت دېگەن ئاتالغۇلارنىڭ ھەممىسى ئىنگىلىزچىدىكى Smartwatch، خەنزۇچىدىكى 智能手表 نى كۆرسىتىدۇ. يېقىنقى بىر يىلدىن بويان نورغۇن يانفون كارخانىلىرى ئۆزىنىڭ يانفونلىرىغا يانداشتۇرۇپ ئىشلىتىدىغان قول سائەتلەرنى ياساپ چىقتى. تۆۋەندە بىز بۇ سائەتلەر بىلەن تونۇشنۇپ چىقايلى. • Sony smartwatch دەسلەپ بازارغا سېلىنغان چىچەن سائەتلەرنىڭ بىرسى. Android مەشغۇلات سىستېمىلىق يانفونلارغا سەپلەپ ئىشلىتىلىدۇ. ئۇچۇر تاپشۇرۇپ ئېلىش، مۇزىكا قويۇش قاتارلىق ئىقتىدارلىرى بار. تور بەت ئادرىسى: http://www.sonymobile.com/us/products/accessories/smartwatch/ • Samsung galaxy gear سامسۇڭنىڭ يانفونلىرىغا يانداشتۇرۇپ ئىشلىتىلىدۇ. كامېرا سەپلەنگەن. تېلېفون ئۇرۇش، رەسىمگە تارتىش، ئاۋاز ئېلىش، ئاۋازلىق ئىزدەش قاتارلىق ئىقتىدارلىرى بار. تور بەت ئادرىسى: http://www.samsung.com/global/microsite/galaxynote3-gear/ • Qualcomm Toq بۇ سائەتنى داڭلىق ئۆزەك ياسايدىغان شىركەت كۇئالكوم شىركىتى ئۆزىنىڭ ئۆزىكىنى تەشۋىق قىلىش ئۈچۈن ياسىغان. بۇ سائەت Android يانفونىغا يانداشتۇرۇلۇپ ئىشلىتىلىدۇ. توكى 3 كۈن يىتىدۇ. ئىكرانى ئاپتاپتىمۇ نورمال كۆرۈنىدۇ. ئۇچۇر، ئېلخەت قۇبۇل قىلىش، تېلېفون ئېلىش قاتارلىق ئىقتىدارلىرى بار. سىمسىز توك قاچىلىنىدۇ. تور بىكەت ئادرىسى: https://toq.qualcomm.com/ • Pebble كاربونلۇق ئىكران ئىشلىتىلگەن. رەڭسىز. توكى بىر ھەپتە يىتىدۇ. Android،iOS مەشغۇلات سىستېمىلىق يانفونلار بىلەن يانداشتۇرۇپ ئىشلەتكىلى بولىدۇ. نۇرغۇن ئەپلىرى بار. تور بەت ئادرىسى: https://getpebble.com/ • Moto 360 تۇنجى يۇمىلاق چىچەن سائەت. مىتال قۇرۇلما، مىتال باغلىق. Android ئۈسكۈنىلەر بىلەن ماسلاشتۇرۇپ ئىشلىتىلىدۇ. تور بەت ئادرىسى: http://moto360.motorola.com/ • LG G WATCH Android Wear مەشغۇلات سىستېمىسى ئىشلىتىلگەن. Android ئۈسكۈنىلەر بىلەن ماسلاشتۇرۇپ ئىشلىتىلىدۇ. ئاۋازلىق ئىزدەش ئىقتىدارى بار. تور بەت ئادرىسى: http://www.lg.com/us/cell-phone-accessories/lg-W100-g-watch • LG G Watch R Android Wear مەشغۇلات سىستېمىسى ئىشلىتىلگەن. Android ئۈسكۈنىلەر بىلەن ماسلاشتۇرۇپ ئىشلىتىلىدۇ. ئاۋازلىق ئىزدەش ئىقتىدارى بار. يۇمىلاق لايىھەلەنگەن. تور بىكەت ئادرىسى: http://www.lg.com/us/cell-phone-accessories/lg-G-Watch-R • Apple watch ئالما شىركىتىنىڭ تۇنجى چىچەن سائىتى. تەپسىلى سەپلىمىسى ئىنىق ئەمەس. كىلەر يىلى بازارغا سېلىنىدۇ. تور بىكەت ئادرىسى: http://www.apple.com/watch/ ئەسلى مەنبەسى: سارۋان بىلوگى

xadman0997

	ھەقىقەتەن ئىسىل سائەتلەركەن . بولسا باھاسىنمۇ چىقىرىپ قويغان بولسىڭىز بۇلاركەن ،

Ay.sadap

	يانفۇنلار بىلەن يانداشتۇرۇپ ئىشلىتىلىدۇ دىگەن ئۇقۇم- يانفۇنىمىزنىڭ نۇمۇرىغا باغلىنىدۇ ۋە  يانفۇندىكى ھەممە مەشخۇلاتنى بۇ سائەتتىمۇ قىلغىلى بولىدۇ دىگەنلىكمۇ؟

Ay.sadap

	..

kamiljantohti

	باھاسى قانداقتۇ؟

uzum-tal

	Ay.sadap يوللىغان ۋاقتى  2014-10-19 07:59 PM يانفۇنلار بىلەن يانداشتۇرۇپ ئىشلىتىلىدۇ دىگەن ئۇقۇم-  ...    ناھايتى توغرا  دىدىڭىز .  ئۇ سائەتلەرنىڭ كۆركەملىىكىگە گەپ كەتمەيدىكەن . بىراق ھەر قانچە قىممىتىنى ئىلىپ تاقىسمۇ يەنىلا بۇرۇنقى ئاددىي سائەتچىلىك سالاپەت بىغىشلىيالمايدىكەن . ئۇ سائەتنى ھەر كۈنى تېلېفۇندەك بلىكىنى كۆتۈرۋىلىپ پايدىنلشىنىڭ ئورنى يوق . ئۇ سائەتلەرسىزمۇ مېتىرو بىكەت . ئايرىپورىت . ۋوگىزال . ئىشخانا .ھاجەتخانا .  يۇقۇرى سۈرئەتلىك يول .....قتارلىقلاردا ۋاقىتنى كۆرسىتىپ بىرىغان سائەتلەر ئازمىدى ھازىر .   تەتقىقاتچىلارنىڭ بۇنداق سائەتلەرنى چىقارغىىنىغا رەھمەت بىراق بۇ سائەتلەر مودا ھىسابىدا ئىشلەپ چىقىرىلغان بىلەن بازار تاپالمايدىغانىغا ئىشەنچىم كامىل . ئۇنى دىدۇق بۇنى دىدۇق يەنىلام  قارتى ئاددىي كەلگەن  سائەتلەر بۇرۇنمۇ ئەر-ئاياللارغا شۇنداق يارىشىدىغان  يەنىلام كەلگۈسى  500 يىلدىمۇ ھازىرقى سالاپىتىدىن قىلچىكىمۇ قالمايدۇ دەپ قارايمەن . قىنى بۇ سائەتلەرنى زۇڭتۇك ياكى مىنىستىر دەرىجىلىك كىىشلەر زىياپەتكە ياكى كۈتىۋىلىشىغا تاقاپ چىقىپ باقسۇن ئىنىقلا مەسخىرىگە قالىدۇ .    سائەت دىسە ئاجايىپ خۇماردە مەن . بىلەكلىرىدە مەيلى قىممەت بولسۇن مەيلى ئەزان بولسۇن قەرتى ئاددىي ئىشلىنشى سىپتا كەلگەن سائەتنى تاقىۋالغان بىلەكلەر كۆزۈمگە چىرايلىق كۆرىنىدۇ .

uzum-tal

	ئىشقىلىپ بىز جاسۇس ئەمەس قاچان قارىسا مۇنداق سائەت بىلەن ھەپىلىشىپ ئۆتىدىغان . مەن دەيمەن بۇ سائەتلەر كۆزنى بۇرۇنراق كاردىن چىقىردىغاننىڭ دورىسكەن . كۆزۈڭلار بۈركۈتنىڭ كۆزىدەك كۆرىدىغانلار ئىلىپ ئوبدان ئىككى-ئۈچ يىل سىنچىلاپ تىكىلىپ قاراپ ئىشلەتسەڭلار كۆز دوختۇرلىرىنىڭ بازىرى ئىچىلىدۇ ئوبدانلام .

Ay.sadap

	uzum-tal يوللىغان ۋاقتى  2014-10-19 11:10 PM ناھايتى توغرا  دىدىڭىز .  ئۇ سائەتلەرنىڭ كۆركەملىىك ... مەن ئادەتتە ئىشخاندىن باشقا ۋاقىتتا ،ھەتتا ئۆيدىمۇ يانفۇندا تورغا چىقىمەن، كومپىيوتېرنى كۆپ ئىشلىتىپ كەتمەيمەن. يانفۇندا ئۆزۈم خالىغان ئورۇندا ۋە خالىغان شەكىلدە تورغا چىقىشنى ياخشى كۆرىمەن، ئەگەر بۇ چىچەن سائەتلەرنىڭ ئىقتىدارى بىز ئىشلىتىۋاتقان يانفۇنلار بىلەن تەڭ دەرىجىدە بولسا،  بەزىدە يانفۇن ئېلىپ يۈرۈش قولايسىز ۋاقىتلاردا تاقىۋالغان سائىتىمىز ئارقىلىقلا تورغا چىقىش ئېھتىياجىمىزنى قاندۇرالايدىكەنمىز. باھاسى چوڭ مەسىلە ئەمەس، پەقەت قولايلىق بولۇپ ،بىزنىڭ چىقىم سەرپىياتىمىزدىن( ۋاقىت ،زىھىن ۋە سالامەتلىك سەرپىياتىدىن) ئېشىپ كەتمىسىلا ھېچقىسى يوق، كۆپ ئىستىمالچىلار قوبۇل قىلالايدۇ.... مۇشۇ بويىچە بولغاندا بۇ سائەتلەرنىڭ بازار تېپىشىدىن ئۈمۈد زور...

uzum-tal

	Ay.sadap يوللىغان ۋاقتى  2014-10-19 11:26 PM مەن ئادەتتە ئىشخاندىن باشقا ۋاقىتتا ،ھەتتا ئۆيدىمۇ يا ...   ھې ھې ھې  ھەر ئىككىمىز ئۆز كۆز قارشىمىزدا قالايلى . باغلاشقىلى بولسا ئىدى گەپ يوق باغلىشاتتىم . نەچچە يىل ئىلگىرى ئىقتىدارى مۇشۇ سائەتچىلىك بولمىسمۇ لىكىن شەكلى ۋە كۆپ خىل ئىقتىارلىق سائەتلەر ئىشلەپ چىقىرلىپ بازارغا سىلىنغان . بىراق بازار تاپالماي يەنىلام شۇ بۇرۇنقى لىينوش . ئومىگا . ئۈچ بەش ...قاتارلىق سائەتلەرنىڭ باھاسى مۇنداقراقلىرى 400~500 يۈۋەندىن ئېسىلراقلىرى 10 نەچچە مىڭ يۈۋەندىن چۈشمەي كىلۋاتىدۇ . كىچىك چىغىمدا دادام ئۆزىگە ۋە ئانامغا روسىيەدە ئىشلەنگەن بىر جۈپ سائەتنى 100 نەچچە يۈۋەندىن سېتۋىلىپ كەپتىكەن . دادام بىلەن ئانام ئۇ سائەتنى بەش-ئالتە يىل ئىشلەتتىمۇ دەيمەن .كىيىن دادام قازا قىلىپ نەچچە يىل ئۆتكەندە ئاكام ئانام بىلەن دادامنىڭ سائىتنى ئوغۇرلاپ چىقىپ 600 نەچچە يۈۋەنگە سىىتىپ خەجلىۋىتىپتىكەن .  ھازىر قارىساممۇ شۇ سائەتلەرنىڭ باھاسى نەچچە مىڭ يۈۋەندىن كەم ئەمەس ئىكەن . ماۋۇ كۈنى بىزنىڭ باشلىق قىرى 12000 يۈۋەنگە بىر سائەت سېتىۋالدى  قولىدا ئايفۇن بار بولمىسا . چاقچاق قىلىپ تېلېفۇننىڭ سائىتى تۇرسا نىمە قىلسىز ئاكا يەنە سائەت سېتىۋىلىپ دىسەم ئىنىم مىنى چالمىغىنە دەپ كۈلۈپ كەتتى .    بىلەكنى كۆتۈرۈپ ئىشلىتىشنىڭ ئورنى يوق .بىلەكتىن ئىلىپ ئىشلەتسە يەنىلا شۇ ئافۇندىن پارقى يوق . كىچىكلىتىىلگەن ئايفۇن ياكى باغ سەپلەنگەن ئايفۇن دىسەك بولغۇدەك .   مەن ئىشلەۋاتقان ئورۇنغا يىقىن بىر يەردە داڭلىق بىر سودا-ساراي بار مەخسۇس ئايفۇن ۋە سەنشىڭ تېلېفۇن ۋە مۇشۇ ماركىلارنىڭ ئېلىكتىر ئۈسكىنلىرىنى سېىتش بىلەن شۇغىللىندۇ . سىز دىگەن سائەتلەرنى تۆكمە قىلۋەتتى . بىراق خىرىدارلارنىڭ باشقا مەھسۇلاتلارغا قىزىقاندەك بۇ سائەتلەرگە قىزىققىننى ھىس قىلمىدىم . سائەت چىققىلى نەچە ئاي بولدى بىراق مېتىرۇ . كوچا ماشىنىسدا ئولتۇرغانلارنىڭ قولىغا دىققەت قىلدىم . دۇنيا بويچە ئەڭ مودا قوغلىشىدىغان مىللەتنىڭ قولىدا ئاندا-ساندا كۆرۈپ قالدىم بولمسا يەنىلا شۇ بۇرۇنقى سائەتلەر تۇرۇپتۇ .قالغىنى يىرىم يىلدىن كىيىن نەتىجىسى چىقىدۇ قىنى  . ئۇ سائەتلەرنى سېتىۋالمايدۇ ئەمەس سېتىۋالدىغانلار چىقىدۇ بىراق باشقا نەرسىلەرنى بىسىپ سېتىۋالغاندەك . سېتىۋىلىپ ئىشلىتىشى بىر مەسىلە .سائەت ئىشلەپ چىقىردىغان ئورۇننىڭ كۆزلىگەن ئېستىمال سەۋىيسىدىكى قىممەتكە يەتمىسە  تىخنىكىلار باشقىچە ئويلىشىدۇ .

م.زۇنۇن

	قولايلىقلىقىعۇ قولايلىقكەن ، بىراق شۇ تازا كۆركەم ،قىزلارعا حاس نازۇك،  سالاپەتلىك ئەمەسكەن ...