رۇسىيە راستىنلا غەرپنىڭ جازالىشىغا قارشى تۇرالامدۇ؟

karluq02

	روسىيە غەرپنىڭ جازالىشىغا راستىنلا قارشى تۇرالامدۇ؟ -سېنتەبىر غەرب رۇسىيەنى تولۇقلاپ جازالاشنى جاكارلىغان كۈنى رۇسىيە ھۆكۈمىتىنىڭ يۇقىرى دەرىجىلىك ئەمەلدارلىرى قارشى تۇرۇش تەدبىرى قوللىنىدىغانلىقىنى بىلدۈرگەن. ئەمما ئون نەچچە كۈن ئۆتۈپ كەتتى، قارشى تۇرۇش تەدبىرى ئاممىغا ئېلان قىلىنمىدى. تەھلىلچىلەر مۇنداق دەپ ھېسابلىدى: ئالدىنقى نۆۋەت رۇسىيە قوللانغان ياۋروپا ئامېرىكىدىن قىسمەن يېمەكلىكلەرنى ئىمپورت قىلىشنى چەكلەشتەك قارشى تۇرۇش تەدبىرىدە مۆلچەرلىگەندەك ئۈنۈم قولغا كەلمىدى، قارشى تۇرۇش تەدبىرىنى تۈزگەندىمۇ رۇسىيەنىڭ ئۆزىنىڭ ئىقتىسادىغا پەيدا قىلىدىغان تەسىرىنى كۆزدە تۇتۇش كېرەك، ھۆكۈمەت يېڭىدىن قارشى تۇرۇش تەدبىرى چىقىرىشتا ئېھتىياتچان بولىدۇ. ئامېرىكا بىلەن ياۋروپا 12-سېنتەبىر رۇسىيەنى تولۇقلاپ جازالاشنى رەسمى قارار قىلغان ۋاقىتتا، جازالاشقا چېتىشلىك كارخانا رۇسىيەنىڭ چوڭ تىپتىكى بانكىسى ۋە نۇرغۇن چوڭ تىپتىكى ئېنېرگىيە، دۆلەت مۇداپىئە كارخانىسى قاتارلىقلارنى ئۆز ئىچىگە ئالغان ئىدى. جازالاشقا چېتىشلىق كارخانا ئامېرىكا، ياۋروپا بانكىلىرى تەمىنلىگەن مۇددىتى 30 كۈندىن ئاشىدىغان قەرىز پۇلغا ئېرىشەلمەيدۇ. شۇنىڭ بىلەن بىر ۋاقىتتا ئامېرىكا بىلەن ياۋروپانىڭ مۇناسىۋەتلىك شىركەتلىرىمۇ رۇسىيەنى قىدىرىش، دېڭىز نېفىتىنى ئېچىش، سىلانېتس مىيىنى ئېچىشقا كېرەكلىك ئۈسكۈنە بىلەن تەمىنلەشنى چەكلىدى. غەربنىڭ رۇسىيەنى قۇشۇپ جازالاش خەۋىرى ئېلان قىلىنىشى بىلەن رۇسىيە دىپلوماتىيە مىنستىرلىقى قارشى تۇرۇش تەدبىرى قوللىنىدىغانلىقىنى بىلدۈردى. رۇسىيە زۇڭتۇڭىنىڭ ئىقتىساد ياردەمچىسى بىرۇۋۇسوف ئىلگىرى مۇنداق دېگەنىدى: قارشى تۇرۇش تەدبىرى غەربتىن ئاپتوموبىل ئىمپورت قىلىشنى چەكلەش، كىيىم-كېچەك ۋە ياغاچ ماتېرىياللىرىنى پىششىقلاپ ئىشلەش ئۈسكۈنىسى قاتارلىقلارنى ئۆز ئىچىگە ئالىدۇ. بۇنىڭدىن باشقا، رۇسىيە بەلكىم غەربتىن توڭلاتقۇ ۋە خىمىيە سانائەت مەھسۇلاتلىرىنى ئىمپورت قىلىشنى چەكلىشى مۇمكىن. زۇڭلى مېدىۋىدىفمۇ غەرب ئاۋىئاتسىيە شىركەتلىرى ئىشلىتىدىغان يىراق شەرق لىنىيەسىنىمۇ چەكلىنىشى مۇمكىن دېگەنىدى. ئەمما بۈگۈنگىچە بۇ قارشى تۇرۇش تەدبىرى ئەمەلىيلەشمىدى. بەزى تەھلىلچىلەر مۇنداق دەپ ھېسابلىدى: غەربنىڭ رۇسىيەنى جازالاش تەدبىرى ھەقىقەتەن رۇسىيە ئىقتىسادىغا بەلگىلىك تەسىر كۆرسىتىدۇ. ئىقتىسادقا يەنىمۇ تەسىر يېتىشتىن ساقلىنىش ئۈچۈن، رۇسىيە ھۆكۈمىتى قارشى تۇرۇش تەدبىرى تۈزۈشتە تېخىمۇ ئېھتىياتچان بولىدۇ. رۇسىيەنىڭ مۇئاۋىن زۇڭلىسى دىۋركوۋىچ يېقىندا مۇنداق دېدى: نۆۋەتتە رۇسىيە ھۆكۈمىتىنىڭ ئىچكى قىسمىدا قارشى تۇرۇش تەدبىرى تېخى مۇزاكىرە قىلىنمىدى. بەزى يۇقىرى دەرىجىلىك ئەمەلدارلار: ئىقتىسادقا پايدىلىق ئەھۋالدىلا رۇسىيە قارشى تۇرۇش تەدبىرى چىقىرىدۇ، ھازىر ھۆكۈمەتنىڭ پىلانى يوق، دېدى. رۇسىيە 8-ئايدىن باشلاپ غەربنىڭ جازاسىغا تاقابىل تۇرۇش ئۈچۈن، رۇسىيەنى جازالاشنى يولغا قويغان دۆلەتلەردىن يىمەكلىك ئىمپورت قىلىشنى، كالا گۆشى، چوشقا گۆشى، سۈت مەھسۇلاتلىرى، بېلىق، كۆكتات، مېۋە-چېۋە قاتارلىقلارنى ئىمپورت قىلىشنى چەكلىگەنىدى. تەھلىلچىلەر مۇنداق دەپ ھېسابلىدى: بۇ قارشى تۇرۇش تەدبىردە كۆزلەنگەن ئۈنۈم ھاسىل قىلىنمىدى، ئەكىسچە، رۇسىيە مەملىكەت ئىچىدە يېمەكلىك باھاسى ئۆرلەپ كەتتى. رۇسىيەلىك تەھلىلچى ئارباتوف مۇنداق دېدى: رۇسىيەنىڭ غەربتىن ئىمپورت قىلىدىغان يىمەكلىكى مەملىكەت ئىچى يېمەكلىك بازىرىنىڭ %20نى ئىگىلەيدۇ. ئەمما بۇ چەكلەش بۇيرۇقى ئامېرىكا، ياۋروپا ئېكىسپورت قىلغان ئۇلۇشنىڭ %1گە چېتىلىدۇ. بۇ تەدبىرنىڭ رۇسىيەگە بولغان تەسىرى ياۋروپا ئامېرىكىنىڭكىگە قارىغاندا روشەن چوڭ، رۇسىيەنىڭ يېمەكلىك بازىرىدا تۇيۇقسىز مۇشۇنداق تەمىنلەش بوشلۇقى كۆرۈلدى، بۇ يېمەكلىك باھاسىنىڭ ئۆسۈشىنى پەيدا قىلماي قالمايدۇ. ئارباتوف مۇنداق دېدى: رۇسىيەنىڭ جازالاشقا قارشى تۇرۇش تەدبىرى ئالدى بىلەن غەرب دۆلەتلىرىنىڭ رۇسىيەگە قاراتقان جازىسىغا ئوخشاش ئىقتسادى ئۈنۈم بىرىشكە كاپالەتلىك قىلىش كېرەك. نۆۋەتتىكى كەسكىن ئىقتىسادى ۋەزىيەتتە، رۇسىيە ھۆكۈمىتىنىڭ ئۆزىنىمۇ زەخمىلەندۈرمەيدىغان قارشى تۇرۇش لايىھەسىنى تۈزۈشى ناھايىتى تەس. غەرب ئاۋىئاتسىيە شىركەتلىرىنىڭ رۇسىيەنىڭ يىراق شەرق لىنىيەسىنى ئىشلىتىشنى چەكلىشى ياۋروپا ئامېرىكا شىركەتلىرىگە نىسپەتەن ئېيتقاندا، بەلكىم ئۇچۇش تەننەرخىنى كۆپىيىشى مۇمكىن، لىكىن رۇسىيەدىكى ئەڭ چوڭ ئاۋىئاتسىيە شىركەتلىرى تاقىلىپ قىلىشى مۇمكىن، شۇڭلاشقا غەرب ئاۋىئاتسىيە شىركەتلىرى ھەر يىلى رۇسىيەنىڭ يىراق شەرق ئاۋىئاتسىيە لىنىيەسىنى ئىشلىتىپ، رۇسىيەگە نۇرغۇن ھەق تۆلەيدۇ. بۇ ھەقتىن ئايرىلىپ قىلىش رۇسىيە ئاۋىئاتسىيە شىركەتلىرىنى قېيىن ئەھۋالدا قويىدۇ. رۇسىيە ھۆكۈمىتى ئېنىق ھالدا: غەرب جازالىغان كەىسپلەرنى قوغدايمىز، دېدى. مىدۋىدىف يېقىندا مۇنداق دېدى: مۇناسىۋەتلىك كەىسپلەرنى قوغداش- دۆلەتنىڭ ۋەزىپىسى. جازالانغان كەسىپلەر مەيلى دۆلەت ئىلىكىدىكى ياكى پۇقراۋى كارخانىلار بولسۇن، دۆلەت ئۇنىڭغا ياردەم بېرىدۇ. ئىگىلىنىشىچە، رۇسىيە ئىگىلىك ھوقۇق بايلىق فوندىنى ئىشلىتىش ئارقىلىق زىيان تارتقان كارخانىلارغا ياردەم بېرىدىكەن. رۇسىيە يەنە ئامېرىكا ياۋروپانى جازالاش توغرىسىدا دۇنيا سودا تەشكىلاتىغا ئەرىز سۈنىدىكەن. مەنبە: شەرق ۋاقتى پىروگىراممىسى ۋە شىنجاڭ قانۇنچىلىقى گېزىتىدىن كۆرگەنلىرىم.

nasrulla

	مانداق تېمىلارنىمۇ مۇنازىرە قىلساق ياخشى بۇلاتتى. بەك قىززىيتى بۇنداق تېمىلارمۇ؟

duran18

	پۇتىن دۇنيادىكى ئەڭ قابىلىيەتلىك،ئەڭ قۇۋ،ئەڭ تەجرىبىلىك رەھبەر! كىچىك بوش،چىنى،روبىرىت گايتىس،قاتارلىق ئەڭ قابىل ئۇرۇشخۇمار سىياسىيونلاردىن تەشكىللەنگەن ئامىركىنىڭ ئالدىنقى نۆۋەتلىك ھۆكۈمىتىمۇ روسىيەگە 8يىل پۇت ئىتىپ پۇتىننى تېيىلدۇرىمەن دەپ ئاخىرى ئۆزلىرى تېيىلىپ كەتتى.  ھىچقانداق تەجرىبىسى بولمىغان قاچانلا قارىسا ئۇ يەر بۇيەر قاتراپ نۇتۇق سۆزلەپ پو ئېتىشتىن باشقىنى بىلمەيدىغان ئىۋۇ قارمەدەك پۇتىنغا ھەرگىز رەقىپ بولاممايدۇ!

Nimjan

	ياۋروپا-ئامېرىكا چىچىپ قويامىكى! ۋەتىنىمىز جۇڭگو رۇسىيەنىڭ ئەڭ چوڭ ئىتتىپاقدىشى بولمىغان تەقدىردىمۇ  ئەڭ چوڭ شېرىكى، شېرىكلەر بىرلىشىۋالىدىغان بولسا ئاۋۇ خەق جازانىڭ ئۈنۈمىنى كۆرەلمەيدۇ، ئۇنىڭ ئۈستىگە رۇسلار ئەشەددىي چىدامچان، مۇدھىش جاھىل، دەھشەت زور بىر خەق!

kudiratjan

	روسىە ياۋرۇپا ئىتپاقنى ئۇسال ئەھۋالغا قېستاۋاتىدۇ ھەم سېناۋاتدۇ..    ياۋرۇپا ئىتپاقى ئۆزىنىڭ دۇنياۋەزىيتىنى بەلىگىلىيەلەدىغان كۈچلۈك سىياسى ئورنىدىن ئايرىلىپ قالماسلىق ئۈچۈن ئوكرائىنا كىرزىسىگە ئازدۇر كۆپتۈر مەسئۇل بۇلۇش ئىرادىسىنى ئېپادىلەپ روسىيەگە قۇرۇق ھەۋە قېلۋاتدۇ   ئېنىقكى ياۋرۇ رايۇنى  رۇسىينىڭ  نىفىت تەبىئى گازىغا ۋە تاشقى دىپلۇماتىيە ھەربى ئېشلار ھەمكارلىقىغا ئۇزۇنغىچە بېقىندۇ     ئاتالمېش جازالاشتا روسىينىڭ نىفتىنى تاشقى سودا تاۋارلارنى بايقۇت قېلغىنى رۇسىيەنى قېسقا مۇددەتلىك زىيانغا ئۇچراتسىمۇ ئاقىۋەت زىياننى يەنىلا ياۋرۇ رايۇنىدىكى ئۇششاق دۆلەتلەر تارتىدۇ    ياۋرۇپا ئىتپاقىنىڭ روسىيەگە ھەيۋە قېلغىنى خۇددى يولۋاسنىڭ سۈر ئېيىققا خېرىس قىلغىندەكلا ئېش     ئەمەلىيەتتە ھەر ئېككىلىسى بىر بىرى بىلەن سۈركېلشىپ قېلشتىن ئەنسرەيدۇ لىكىن پەيلىدىن يانمايدۇ ..

uzum-tal

	duran18 يوللىغان ۋاقتى  2014-10-18 09:08 PM پۇتىن دۇنيادىكى ئەڭ قابىلىيەتلىك،ئەڭ قۇۋ،ئەڭ تەجرىبى ... ئېسىل پىكىر !   ئامېرىكا تېخنىكا ھەجەتتىن ئىلغار بولسىمۇ بىراق روسىيىگە شىلتىڭ ئىتىشقا پىتىنىش ئەمەس خىيالىغا كەلتۈرىشنىمۇ ئويلىشىشقىمۇ جۇرئەت قىلالمايدۇ.        ئامېرىكا 61 -يىلى جەنۋە كىلىشىمىگە خلاپلىق قىلىپ ۋېتنامنىڭ جەنۇبىدا شىمالى ۋېتنام بىلەن ئون نەچچە يلىدىن ئارتۇق ئۇرۇش قىلىپ 50 نەچچە مىڭ ئەسكىرىدىن ۋە 4000 دىن ئارتۇق ئايرۇپىلاننى چىقىم تارتقاننى ئاز دەپ بۇ ئۇرۇشتا 90 نەچچە مىلىيارت ئامېرىكا دوللىرى زىيان تارتىپ ھىچنىمىگە ئىرىشەلمىدى .   1947 -يىلى ئوتتۇرا شەرىق ئۇرۇشى پارتىلغاندا ئامېرىكا ئىسرائىليەگە ياردەم قىلىپ ئۇ ئۇرۇشتا غەلبە قىلغاندەك كۆرنسىمۇ مانا ھازىرغىچە ئوتتۇرا شەرىقتە بىشى تىنجىماي كىلۋاتىدۇ . چاۋشەن ئۇرۇشىدىمۇ بۇرنىىغا يىدى . ئافغانىستان بىلەن تالاي يىل سوقۇشىپمۇ غەلبە قىلالماي قايتىپ كەتتى .  مانا ئامېرىكا قايسى دۆلەت بىلەن ئۇرۇش قىسلۇن شۇ دۆلەتتىكى پوقىنى تازلىيالماي پاتقاققا پىتىپ قىلۋاتىدۇ .        ئۆلمەكنىڭ ئۈستىگە تەپمەك دىگەندەك بۇ قىتىملىق ئوكرائىنيە-قىرىم مەسىلىسىدە  ئامېىرىكا قان قۇسمىدى لىكىن قان كەلگەن بولسىمۇ تۈكۈرمەي ئىچىگە يۈتىۋەتتى لىكىن دەردىنى ئۆزى بىلىدۇ .      ئامېرىكا شۇ بەزى نامرات دۆلەتلەردىكى ئۆكىتىچىلەردىن پايدىلىنشقا ئۇستا لىكىن 1950 -يىللادىن بۇيان ئامېرىكا راۋۋۇس ھەقىقى مۇنتىىزىم بىر دۆلەت بىلەن سوقۇشۇپ باقمىدى . نەدە شۇ ئىسمى بار جىسمى يوق زەيىپ دۆلەتلەرنى قورقۇتۇپ باشقىلارغا پوپوزا قىلۋاتىدۇ خالاس .    ھىلىقى ‹‹ كاتىن ›› ۋەقەسىنى تەكشۈرگىلى بارغان ب د ت نىڭ نەچچە يۈز خادىمىنى روسىيە جايلىۋەتكەندىمۇ ئامېرىكا ھىچنىمە قىلالمىغان . ھىلھەممۇ ھىچنىمە قىلالمايدۇ .  ھازىرقى روسىيەنىڭ ياۋرۇپا دۆلەتلىرىگە ھىيىقماي خالىغاننى قىلالىشى نوچى بولساڭ تۇتۇشپ باق بىزنىڭ قىنىمزىدىكى ئۇرۇش خۇمارلىق ۋە جەڭگىۋارلىق ئاجىزلىغى يوق دەپ ئىشارەت بەرگىندىن باشقا نەرسە ئەمەس .  ئامېرىكا ئەمدى مىيىپلار ھارۋىسىدا ئارام ئالدىغان دەۋىرگە يقىنلاشتى . بۇ بەلىكم كونا ھاكىمىيەتلەر قىرىپ ئورنىنى تەرەقى قىلۋاتقان يىڭى ھاكىمىيەتلەرنىڭ ئىلىشىدىن ئىبارەت  تارىخى تەكرارلىق ھادىسىنىڭ بىر كارتىنىسى بولسا كىرەك .

kamiljantohti

	روسىيە ئادەتتىكى دۆلەت ئەمەس!

x-جەڭچى

	ئامېركا ياۋروپا مەسئۇلىيەتچان دۆلەتلەردىن ، روس ئېيىقلىرىدەك مۇتھەم كۆكەمىلەردىن ئەمەس .

xahanime

	مىنىڭ ھىس قىلىشىم پۇتىن ئىچ مىجەز ئادەم ئىكەن ، باشقىلارنىڭ خۇشاللىق غەزەپ قايغۇ ئىپادىسى ئىنىق بولسا ئۇنىڭ بىرخىلا ھەر ۋاقىت.

ئوقۇغىن

	روسىيەگە پۇتىن تازدەكلەر يارىشىدۇ،روسىيەگە جوڭگو بولمىسا بۇنچىلىك ئۆزىگە ئىشىنىپ كەتمەيدۇ،