كۆڭلۈڭ بولمىسا

1263318936

	كۆڭلۈڭ بولمىسا                                                             گۆھەرقىز ئىبرايىم               سەن بىلەن توي قىلغان شۇ كۈندىن  ئىتىبارەن  مىنىڭ ھاياتىم ئەھمىيىنى؛ مەنىسىنى ۋە نىشانىنى يوقاتتى، چىھرىمدىكى خۇشاللىق مەڭگۈلۈك ئۈچۈپ ئورنىنى ئۈمىتسىزلىك، غەمكىنلىك ۋە مەيۈسلۈك ئىگەللىدى.        مەن سەن بىلەن بىر ياستۇققا باش قويغان كۈنىلا ساڭا كۆڭلۈم چۈشمىگىنى،  ھاياتتىن تۇرمۇشتىن كۈتكەن ئارزۇ -ئارمان، غايىلىرىمنىڭ سۇدىكى  كۈپۈكتەك يوقالغىنىنى ھىس قىلدىم، سىنى كۆرسەملا تۈرلۈپ قالدىم،   بولۇپمۇ پۇراۋاتقان پۇتۇڭ، ئىغىزىڭ ۋە تىنىڭ، كىچىسى چىراق بولۇپ يىنىپ تۇرىدىغان تاقىربىشىڭ......  سەندىن يىرگەندىم، سىنى يولدىشىم دىيىشتىن سەن بىلەن بىرگە بىر يەرگە  بىرىشتىن  نۇمۇس قىلدىم.     «ئاجرىشىپلا بۇ كۆڭۈلسىز قىسمەتتىن قۇتۇلۇپ كىتىمەن» دەپ ئويلىساممۇ بىراق نۇرغۇن ئارزۇ ئۈمىتلەر بىلەن بۇ توينى ھۇجۇتقا چىقارغان ئاتا ئانىلارنى ئۈمىتسىزلەندۇرمەسلىك ئۈچۈن لىۋىمنى چىشلىدىم. بىراق يۈرىگىدىن ئۇرغۇپ چىققان نەپرەت ساڭا بولغان قارشىلىغىمنى ياق ساڭىلا ئەمەس پۇتۇن ئائىلەڭدىكىلەرگە بولغان قارشىلىغىمنى قوزغىدى،  شۇ سەۋەپ  قىلما دىگەن ئىشنى جاھىللىق بىلەن قىلدىم، قىلغىن دىگەن ئىشنى بىشىمنى ئىلىۋەتسىمۇ قىلمىدىم، سىلەرنى بىزار قىلىش، سىلەرنى سۆزلىتىش، بىشەملىك بىلەن يۈز خاتىرە قىلماي تىللاپ سۆكۈش ۋە سىلەرنى كەمسىتىش- مىنىڭ كەسپىمگە ئايلاندى. مەن گەرچە نىمىنىڭ ئەخلاق ساپا، نىمىنىڭ ئەرنى ۋە ئەرنىڭ ئائىلىسىدىكىلەرنى ھۆرمەتلەش ئىكەنلىگىنى بىلسەممۇ لىكىن سىنى ئۇ خىل ھۆرمەتكە مۇناسىپ ئەمەس دەپ قارايتىم،  چۈنكى  باسقۇنچىلىققا ئۇچراپ ياشاۋاتقاندەك ئازاپ ۋە خورلۇق ۋە نۇمۇس ئىچىدە ئۆتىۋاتقان كۈنلىرىم مىنى ئازاپلايتى، يۈرىگىمنى سىقاتتى، ماڭا ناچار كەيپىيات روھسىز ھايات بىغىشلايتى، ساڭا كۈچلۈك نەپرەت قوزغايتى خالاس.     مەن بارلىق چارە ئاماللار بىلەن  غەرەزلىك جىدەل قوزغاپ سىنى ئۆزەمگە يىقىن يولاتمايتىم، ئامال قىلامىغاندا غەرىق مەس ھالدا بىر كىچىنى كۈتىۋالاتتىم.   ھاراق ئىچىشنىڭ ئايال كىشىگىنى دۇرۇس ئەمەسلىگىنى سەندىن ياخشىراق بىلسەممۇ  بىراق  سىنىڭ قوينۇڭدا سەندىن يىرگىنىپ، سەندىن نەپرەتلىنىپ خۇددى باسقۇنچىلىققا ئۇچراۋاتقاندەك، خۇددى ھايۋاناتلارنىڭ تالان-تاراجلىغىدا ئۇچراۋاتقاندەك يىرگىنىش ۋە خورلۇق ئىچىدە ياتقۇچە غەرق مەست بولۇپ ھىچ نىمىنى تۇيمىغىنىم ياخشى ئەمەسمۇ؟       بىلىمەن مەن ئاياللىق مەجبۇرىيىتىمنى ئادا قىلىپ باقمىدىم، ساڭا ئوچۇق يورۇقلۇق بىلەن بىرەر قىتىم تاماق ئىتىپ بىرىپ باقمىدىم، تاماق ئىتىش، كىرقات يۇيۇش،   دەزمال سىلىش ۋە بالا بىقىشنى  «سەن قىلماي نىمىش قىلىسەن، سەنمۇ ئادەمغۇ  » دەپ بىشەملىك بىلەن ساڭا ئۆتكۈزىۋەتتىم، ئاتا- ئاناڭنى ئۆيگە دەسلەتمىدىم، سەندىن قۇسۇر تىپىپ، يامان تەرەپلىرىڭنى تاغدەك دۆۋلەپ ياخشى تەرەپلىرىڭنى نەزەردىن ساقىت قىلىپ، بىشەملىك بىلەن ساڭا روھىي زەربە بىرىش  ۋە ئۆچ ئىلىش مىنىڭ كەسپىمگە خۇشاللىغىمغا ئايلاندى.   تۇرۇپلا ساڭا ئىچىم ئاغرىيدۇ ياق ساڭا ئەمەس ئۆزەمگە ئىچىم ئاغرىيدۇ، ئىرىقتىكى لاي سۇدەك ئۆتۈپ كىتىپ بارغان ئۆمرۈمگە ئىچىم ئاغرىيدۇ. مىنىڭمۇ باشقۇلاردەك ھاياتنى سۆيۈپ، ھاياتتىن ھوزۇرلىنىپ خۇشال- خوراملىق ئىچىدە ياشىغۇم، ياخشى كىلىن، ياخشى ئانا، ياخشى ئايال بولغۇم بار، بىراق كۆڭلى چۈشمىگەن ئادەمگە يولۇققاندا ئىنساننىڭ بۇ ياخشى خىسلەتلىرى  ئۆزلىگىدىن غايىپ بولۇپ رولىنى يوقىتىدىكەن.   سەندىن ئاجرىشىپلا قۇتۇلماقچى بولساممۇ بىراق بۇ خىل  قىيناش ۋە قىينىلىش؛ خورلاش ۋە خورلىنىش ئىچىدە كۆزنى يۇمۇپ ئاچقۇچە دۇنياغا كۆز ئاچقان بالامغا، «مىنىڭ ئۇرىغىمدا ئاجراشقان ئادەم يوق » دەپ پەخىرلىنىپ مەيدىسىنى كىرىپ  يۈرىۋاتقان ئاتا- ئانامغا نىمە دەرمەن؟! ياق مەن ئاجراشمايمەن، مەن بىر ئانا، بالامنى يىتىم قىلماي بالامنىڭ بەختى ئۈچۈن بولسىمۇ قۇربان بىرىمەن! بەدەل تۆلەيمەن!   قەلبىمدىكى ئازاپلىق ھىس تۇيغۇ ۋە  ناچار كەيپىياتتا خۇددى زەھەر ئىچىۋالغان ئادەمدەك، ناماششەمدەك گۇگۇم ۋە تۇمان ئىچىدە ياشاپ ئازاپلىق ھالدا نەچچە يىلنى ئۆتكۈزىۋەتتىم، بىر بىرىمىزنىڭ روھىنى قىيناپ ئىكەكلەش نەتىجىسىدە خۇشالمۇ بولۇپ كەتمىدىم، غەلبىمۇ قازنالمىدىم، ئەكسىچە چىرايىم خۇنۈكلىشىم چىھرىمدىن كۈلكە ئۆچۈپ، تىنىم سالامەت بولماي ئاقىبەت مانا راك دىگەن رەھىمسىز كىسەلنىڭ چاڭگىلىغا چۈشتۈم، پەقەت ئىككى ئايلىق ئۆمرۈم قالغىنىنى دوختۇردىن ئۇقتۇم، مۇشۇ ھاياتىمنىڭ ئاخىرقى نەچچە كۈنىنى ئىنسانچە ئۆتكۈزۈش ئۈچۈن بولسىمۇ ئاجرىشىپ كىتىپ، يۇقاتقان ئىنسانىي قەدىر قىممىتىمنى تىپىشنى، بۇ خىل ئازاپلارنى مۇشۇ دۇنياغا قويۇپ كىتىشنى تولىمۇ خالايمەن. يىۋالغان، كىيىۋالغىنىمدىن باشقا ھەممىنى ، بالامنى، كىشىلىك ئەركىنلىەىڭنى ۋە كىشىلىك قەدىر قىممىتىڭنى قوشۇپ ساڭا قالدۇردۇم.   «كۆڭلۈڭ بولمىسا زورلاپ نىمىش قىلار بولغىيتىم، نىمىشكە بۇرۇنلا ئاجرىشىپ كەت دىمىگەندىمەن، ئۆزى ياخشى كۆرمىگەن بىر كىشىنى دەپ ئۆلۈپ بىرىشكە ئەرزىمتى؟ ئەجەپمۇ كاللاڭدىن ئۆتكۈزەلمىدىڭ» ئانامنىڭ بىشىمدا ئولتۇرۇپ قوشاق قوشۇپ يىغلاۋاتقان بۇ سۆزلىرى ھاياتىمنىڭ خاتىمىسى بولۇپ  ماڭا قالىدىغان بولدى.                                                        مەنبە : گۆھەرقىز ئىبرايىم ئۆز قەلىمى

TAXNAI2

	تەسىرلىك يېزىپسىز ،،،،،مۇھەببەت دىگەن ئاجايىپ قۇدرەتلىك نەرسە ....ئادەم مۇھەببەتنىڭ قۇلىغا ئايلىنىپ قالسا ھەر نىمە قىلىشتىن يانمايدۇ.. سىز ياخشى كۆرمىگەندەك تۇرمۇش ئۆتكۈزىدىغانلار بەلكىم جاھاندا تالاي كۆپتۇر..

(شەيدا)

	ھەي................   كۆڭۈل دىگەن ئاجايىپ نەرسە ھە، ئادەمنى ھەر ئوي ھەر كويلارغاسالالايدىغان... تەسىرلىك چىقىپتۇ، رەھمەت

gulqikiz09

	يۈرۈكۈم  ئىچ -ئچىدىن  ئىچىشىپ كەتتى. بۇنداق كۈڭۈلسىز بولۇشتىن ئاللا  ساقلىسۇن . كۈزۈمدە  بىر تامچە  ياش .

99sahrayi99

	مەن تازا بەك چۈشىنىپ كېتەلىدىم. بىردەم ئايالنىڭ تىلى ئارقىلىق،  بىر دەم ئەرنىڭ تىلى ئارقىلىق سۆزلىگەندەك تۇرامدۇ نېمە؟...

milla

	تۇرمۇش كارتىنىسى ،  ياخشى  يىزىلىپتۇ .

sanjay

	gulqikiz09 يوللىغان ۋاقتى  2014-10-17 02:03 PM يۈرۈكۈم  ئىچ -ئچىدىن  ئىچىشىپ كەتتى. بۇنداق كۈڭۈلسىز بو ... يېشىڭىزنى سۈرتىۋېتىڭ  ،    ئەي ئاياللار  كۆز يېشىڭلار سەۋەپلىك ، ئاجىزلاردىن سانىلىپ قالماسلىقنى    رەببىمىزدىن تىلەڭلار .

malika1713

	توي قىلىشتىن بۇرۇن بىلمىگەنمىتىڭىز، قەلىمىڭىزنىڭ قۇۋتىگە قاراپ سىزنى خىلى ئوقۇغاندەك ھىس قىلدىم بولمىسا.....

مەھمەت94

	جۇباجىيمۇ ئەر كىشىنىڭ سەتى يۇ ق دەپتىكەن سەبىر قىلىڭلار. ئامال يۇق ئىشنىڭ ياخشى تەرپىنى ئىزدەڭلار،

narkas

	تۇرمۇش مۇھەببەت بولغاندىلا ئاندىن خۇشاللىققا تولىدۇ ، يورۇقلۇققا ئېرىشىدۇ ، مۇھەببەتسىز ئائىلە قاراڭغۇلۇققا مەھكۇمدۇر .