خۇجايىنلار سىلەردەك بولسا

barstekin

	خوجايىنلار سىلەردەك بولسا          ياقۇپ ئىسمائىل قورۇلچى                           ( بۇ شېئىر 2014 –يىلى لۈكچۈندىكى  << ئىگىز ئوردا >> رېستۇرانىدائۆتكۈزۈلگەن 30 – قېتىملىق ئوقۇتقۇچىلار بايرىمىدا ئوقۇلغان .)                   يۇرتىمىزدا قۇرۇلۇپ ، ئىگىز ئوردا رېستوران ،            تائاملارنى تونۇتتى ، چىن مەنىدىن خەلقىمگە .         ئۇيغۇر ، دىگەن قولى گۈل ، دىيىشەركەن باشقىلار ،      ئاشپەزلەرمۇ توشۇپتۇ ، تائاملاردىن بىلىمگە .            پولو ، لەڭمەن ، توخو، گۆش ، قورومىنىڭ تەمى بار ،      يىسەڭ خۇددى بولارسەن ئۆز ئۆيۈڭدە يىگەندەك .       سۇغا سالغان گۆشىنىڭ تەمى ئايھاي ئۆزگىچە ،         يەپ بەختكە چۆمەرسەن ، خۇددى ھېيتلار كەلگەندەك .                                  مەرىكىنىڭ   پەيتىدە   ئايلىنىدۇ سورۇنغا ،       توي ئوينايسەن بۇ يەردە شاھىنشاھ ۋە بەگلەردەك .   رازى بولۇپ قايتىدۇ مېھمانمۇ ھەم سورۇندىن ،   بويۇن قىسىپ قالمايسەن ، پۇل خەجلەپمۇ خەقلەردەك . مەرىپەتنىڭ كانى بۇ ، سۆزلەر يەنە ئالىملار ،      زامانىۋى مەدەنيەت ، كەلگۈسىدىن قىسسەلەر .    ئاڭلىغانلار لېكسىيە تولار قايتا دەرمانغا ،       ئاڭلىيالماي قالغانلار دەيدۇ يەنە ھەسسىنە .      مۇقام، مەشرەپ ياڭرىسا ، نۇر تاراتسا ئىلىم – پەن ، رېستورانلار ئايلانسا بىلىم كانى مەكتەپكە .      بالىلاردىن نىمە غەم ، ئويناپ – كۈلۈپ يۈرمەمدۇ . باشلىمامدۇ رېستوران ئادەملىككە ، ئەدەپكە .    مانا بۈگۈن ئەكبەرجان ، سەلىمەلەر ئۇستازغا ، رەھمەت ئېيتىپ دىلىدىن ، قۇتلۇقلاپتۇ بايرامنى . تونلار ياپتى بىر ئۆمۈر بور – توزاندا ئۆتكەنگە . ئەمدى قانداق ئۇنىتاي ، بۇنداق ئۇلۇغ قاينامنى . يۇرتىمىزدا خۇجايىن مۇشۇلاردەك يول تۇتسا ،    مەرىپىتى يۇرتۇمنىڭ كۈندەك چاقناپ تۇرمامدۇ .   پۇل تاپقانلار پۇللارنى خۇددى پۇلدەك خەجلىسە ، ئەل – پۇقرانىڭ كۈنلىرى خۇددى ھېيتتەك ئۆتمەمدۇ ؟. ئاخىرىدا تىلەيمەن رېستورانغا بەرىكەت ،      ئەۋلاد ئۈچۈن تەر تۆككەن ئۇستازلارنىڭ تىلىدىن . تىلەكلىرى ئىجابەت دەيدۇ ئەللەر ئۇستازنىڭ ،   ئىجابەت بوپ قىسىڭ سىز ، بەختۇ – ئامەت گۈلىدىن ؟!.

zulpukar

ئوقۇغىن

	ھازىر داپ تاراڭتىشىش ،ئىشەك ھاڭرىسا تولغاشنى ھەممە ۋاستىلەر كۈچەپ تەشەببۇس قىلىۋاتىدۇ،بۇرناكۈن جۈمەدە بىر ئادەم مۇنبەرگە چىقىۋىلىپ پۇلنى تازا تىپىپ جىق تىپىپ كۆپ تىپىپ ……دەپ سۆزلىگىلى تۇرۇپتى،مەن ئۆزۈمنى ئاخىرەت توغرىسىدا تولىراق سۆزلىنىدىغان ئەخلاق دىيانەت ئۆگىتىلىدىغان ھالال ياشاش تەشەببۇس قىلىنىدىغان مەسچىتتىمۇ ياكى باشقا جايدىمۇ دەپ تۇيۇقسىز ئەتراپىمغا ئىتتىك قاراپ كەتتىم ، ئىلىم مەرىپەت توغرىسىدا تەشەببۇسقا ھازىر كىشىلەر نىمىشقا قۇلاق سالمايدۇ ？ياكى كىشىلەرنىڭ ھەممىسى كاللىسىغا تايىنىپ پىكىر قىلماي كاسىسىغا ھەم قورسىقىغا تايىنىپ پىكىر قىلىدىغان بوپ كەتتىمۇ？

aliFF

	توۋا

abdurrahman

	ئوقۇغىن يوللىغان ۋاقتى  2014-10-16 10:57 PM ھازىر داپ تاراڭتىشىش ،ئىشەك ھاڭرىسا تولغاشنى ھەممە ۋا ... ھالال يوللار ئارقىلىق پۇلنى جىق تېپىش بىلەن ئەخلاق ئىككىلىسى دىنىمىزنىڭ مۇھىم تەشەببۇسلىرى، ئىككىسىنىڭ ئوتتۇرىسىدا ھېچ زىتلىق يوق. بىر مۇسۇلمان ئۈچۈن ھەم ئەخلاقلىق ھەم باي بولۇش ئەلۋەتتە تېخىمۇ ياخشى. شۇنىڭ ئۈچۈن سىز قاتناشقان شۇ جۈمە كۈنىدىكى خۇتبىدە پۇلنى جىق تېپىش سۆزلەنگەن بولسا، خاۋاتىرجەمسىزلەنمەڭ. بەلكى يەنە بىر ھەپتىسى ئەخلاق توغۇرىلىقمۇ سۆزلىنىپ قالار.پەيغەمبىرىمىزنىڭ شۇنداق بىر كۈنلەر كىلىدۇكى، مال - دۇنيا بىر ئادەمنىڭ ئىمانىنى بەلگىلەپ قويىدۇ دىگەن ھەدىسىدىكى دەۋر كىلىپ قالغاندەك تۇرىدۇ. يانچۇقتا 5 مو بولمىسا، خالا جايغىمۇ كىرەلمەيدىغان بۇ دەۋردە،  بولسا ياخشى ئىشلەپ، پۇل تېپىپ، كىشىگە يېلىنىپ قالماي، جەمىيەتكە ئېغىرىڭىزنى سالماي يۈرەلىسىڭىز، ئاندىن ئىمانىڭىزنى، ئىززەت - ھۆرمىتىڭىزنى جايىدا قوغداپ يۈرەلەيسىز.

abdurrahman

	ئىبادەت پەقەت ناماز ياكى روزا ياكى زاكاتتىنلا ئىبارەت ئەمەس.ئىنساننىڭ پەقەت ئىبادەت قىلىش ئۈچۈنلا يارالماقلىق ھىكمىتى بىلەن، ئاللاھ رازى بولىدىغان بارلىق ئەمەللەر ئىبادەتتۇر. توغرا،  ئاخىرەتتە نەچچە پۇل تاپتىڭ دەپ سورىمايدۇ، ئەمما ھالال يوللار ئارقىلىق پۇل تېپىش، تىجارەت قىلىش ئىسلامدا ھالال قىلىنغانلىقى ۋە  پەيغەمبىرىمىزنىڭ ھالال ئىشلارنى قىلىپ، ھارامدىن يىراق تۇرۇشنى ساۋاب بىرىلىدىغان ئىبادەت جۈملىسىدىن قىلىۋەتكەنلىك ئىتىبارى بىلەن، ياخشى ئىشلەپ پۇل تاپسىڭىز ساۋابىڭىز ئاشىدۇ ۋە ئەتراپىڭىزدىكى كىشىلەرگە ئىللىقلىق يەتكۈزۈپ ساۋابىڭىزنى تېخىمۇ ئاشۇرۇشقا پۇرسەت تۇغۇلىدۇ. پۇل تاپقان كىشىلەرنىڭ بەزىلىرىدە كۆرىلىدىغان، پۇل تاپقاندىن كىيىنكى راھەت پاراغەتكە بىرىلىپ كىتىش ۋە ئىمان ئىھساننى ئۇنتۇش پەقەت ئۇلارنىڭ ئۆز نەپسىلىرىنى باشقۇرالمىغانلىقىدىنلا خالاس. بۇ پۇللار ئۇلارغا نىسبەتەن ئۇلارنىڭ ئىمانىنىڭ قانچىلىكلىكىنى ئۆزىگە بىلدۈرۈپ قويۇش ئۈچۈن ئاللاھ تەرىپىدىن ئۇلارغا بىرىلگەن بىر قېتىملىق سىناق. شۇڭا مەسىلە پۇل تېپىشتا ئەمەس، بەلكى ئەخلاقتا. شۇڭا پۇل تېپىشنىڭ سۆزلىنىشى خاتا ئەمەس، پەقەت پۇل تېپىشنىڭلا سۆزلىنىشى خاتا.

mehriya

	ئۈستىدىكى ئابدۇراخمان تورداشنىڭ پىكرىنى قوللايمەن . ناماز ئوقۇدۇق دەپ قىلۋىغا قاراپ ئولتۇرساقلا ھېساپ ئەمەس ، ئەڭ مۇھىمى ئادىمىلىك ، ئەخلاق !

كۆلەڭگە

	ئارىمىزدا ياخشى خوجايىنلار كۆپ دەپ ئويلايمەن. لېكىن  ماۋۇ شېئىر گۇڭگا شېئىر تۈرىگە كېرەمدۇ قانداق مەن تازا چۈشىنەلمىدىم.

barstekin

	كۆلەڭگە يوللىغان ۋاقتى  2014-10-17 11:33 AM ئارىمىزدا ياخشى خوجايىنلار كۆپ دەپ ئويلايمەن. لېكىن  م ... بۇ شېئىرنىڭ يېزىلىشىغا سەۋەپ بولغان ئامىللار ھەققىدە قىسقىچە چۈشەنچە بەرسەم ، 2014 - يىلىدىكى 30 - قىتىملىق ئوقۇتقۇچىلار بايرىمى كۈنى لۈكچۈن بازىرىدىكى 400دىن ئارتۇق ئوقۇتقۇچى ‹‹ئىگىز ئوردا ›› رېستورانىنىڭ ساھىبخانلىقىدا بايرام ئۆتكۈزدۇق . مىللى ئەنئەنىمىز بۇيىچە شاراپسىز ئۆتكۈزۈلگەن بۇ سورۇندا ئىگىز ئوردا رېستورانىنىڭ خۇجايىنلىرى بىر ئۆمۈر مائارىپ سېپىدە ئىشلەپ پېنسىيەگە چىققان 20دىن ئارتۇق پىشقەدەم ئۇستازغا ھۆرمەت تونى ياپتى . بۇ شېئىر شۇ سورۇنغا ئاتاپ يېزىلغان.

behishbagh

	abdurrahman يوللىغان ۋاقتى  2014-10-17 12:46 AM ھالال يوللار ئارقىلىق پۇلنى جىق تېپىش بىلەن ئەخلاق ئى ... ئۇرۇنلۇق  سۆزلەپسىز  .   باياشادلىق   بىلەن  ئىبادەتنىڭ   ھېچقانداق  زىتلىقى  يوق . يانچۇقتا   پۇل  يوق  ،  خوتۇن  قىزلىرىمىزنى  ـ  ۋاڭ  ئەپەندىنىڭ  زاۋۇتلىرى  ، ئىچكىرىدىكى كارخانىلارغا   ئەۋەتىپ   قويۇپ   قىلغان  ئىبادەتلىرىمىز  ئاللاھقا قانچىلىك يارار ... ؟ نامرات   كىشى   تۇرمۇش    ، مۇھتاجلىق تۇرمۇش   غېمىنى  ئويلاپ   ،  زىھىن  ـ  پىكىرىنى يىغىپ   ،  پۈتۈن   ۋۇجۇدى   بىلەن  ئاللاھقا  سېغىنىپ  ئىبادەت  قىلالماسلىقى  مۇمكىن . بۇ    باي  كىشى   ئىبادەتنى   راۋرۇس  قىلىدۇ   دېگەنلىكنى   بىلدۈرمەيدۇ .