مەن ،دادام ۋە شاھمات

xiwas1-

	مىكرو ھىكايە مەن ،دادام ۋە شاھمات مەن بۇقېتىم ھېيىت ھارپىسىدا ئۇزۇن يىللىق رەقىبىم دادامنى شاھماتتا يىڭىۋالدىم . دادام بۇقېتىم ئىلگىركىدەك ماڭا كاللامنىڭ ئىشلىمەيدىغانلىقى توغرىسىدا تەنبىھ بەرمىدى . ھەم مىنىڭ ئەرۋاھىمنى ئۇچۇرىدىغان قىياپەتتە يىنىڭ دىماق قېقىپ كۈلمىدى ،بۇقېتىم كۆرەڭلەيدىغىنى مەن بولدۇم .بۇنى ئالدى بىلەن قازان بېشىدىكى ئانامغا كۆرەڭلىك بىلەن يەتكۈزدىم ،ئانام قېرىپ قالغان ئادەمنى يېڭىۋېلىپ ئۇنچە كۆرەڭلەپ كەتكىنىمدىن ئانچە قايىل بولمىدى .دىمىسىمۇ دادام ئەللىكتىن ئېشىپ قالغان ئىدى . بەش -ئالتەيىلدىن بېرى دادام بىلەن ئىزچىل شاھمات ئويناۋاتقان بولساممۇ بىرەقېتىم يىڭىپ باققىنىم ئىسىمدە يوق ئىدى .شۇڭلاشقىمىكىن مەن ئوينىغىلى ئۇنىمىسام دادام زورىغا ئوينىغىلى سالاتتى ،بەزىدە ماڭا ئويناش خوش ياقمىسا ماڭا ئاچچىقلىناتتى .مەن ئالدىراپراق ماڭاتتىم دادام بولسا ماڭغىلى ئۇنىماي مىنى جىلەقىلاتتى بۇقېتىم ھېيىت ھارپىسىدا دادام بىرقەدەمنى خاتا ئېلىش سەۋەبى بىلەن ماڭايىڭىلىپ قالدى دادام ماڭا ئانچە قايىل بولماي ئانامنى گۆش پارچىلاپ بېرىڭلار دەپ بېشىمدا تۇرۋېلىپ دىققىتىم چېچلىپ كەتتى دەپ تۇرۋالدى ،شۇنداق قىلىپ دادام ئۇنى دەپ مەن بۇنى دەپ خېلىلا داۋالىشىپ دادام ئاخىرى ماڭا ھېيتتايىگەن گۆشۈڭ پايدا قىلغان چېغى دەپ قويدى ،  ۋۇجۇدۇمنى بالىلارچە ئەركە ھاياجان قاپلاپ دادامنىڭ ئالدىدا ئۆزۈمنى قالتىس ھىساپلىماقتا ئىدىم ،دادام گۆش پارچىلايمەن دەپ ئېلغىدا ئېسىلغان يېرىم ياتا گۆشنى  كۆتۈرۈپ ئالالماي ئانام بىلەن ئىككىسى خېلىلا تەستە مىنىڭ ياردىمىمدە ئېلغۇدىن ئالدى،ماڭا شۇنچە ئاسان توختىغان مۇشۇ ئىشنى قىلالمايۋاتقان  دادامنىڭ بۇ تۇرقىنى كۆرۈپ بايقى خۇشاللىقىمنىڭ ھەممىسى كۈپۈككە ئايلاندى ،ھەقىقەتەن دادامنىڭ قەددى ئىگىلگەن ئىدى ،ئەقىل زىھنىمۇ تەڭلا قېرىغان ئىدى مۇشۇنداق بىر دادامنى يىڭىۋېلىپ كۆرەڭلەپ كەتكىنىمدىن نۇمۇس ھىس قىلدىم ،ئالدىنقى قېتىمقى داۋادا مەن دادامنى قېرىغىنىغا تەن بەرگۈزىۋاتقاندەك قىياپەتتە تالاش-تارتىش قىلغىنىمدىن پۇشايمان قىلدىم ، بۇتۈپەيلى دادامنىڭ ئۈمۈتسىز كەيپىياتتا بۇلۇپ قېلىشغا سەۋەپچى بۇپ قېلىۋاتقاندەك ئۈزۈمنى ۋاپاسىز ئوغۇلدەك ھىس قىلىشقا باشلىدىم قىسقىسى مەن دادامنى يىڭىۋالغىنىمدىن پۇشايمان قىلدىم ،مەن بۇقېتىم دادام بىلەن شاھمات ئوينىغىنىمدا ئۇنىڭغا يېڭىلىپ بېرىش قارارىغا كەلدىم ،ياق مەڭگۈيىڭىلىش قارارىغاكەلدىم .مەن ئەتىسى دادامنى جەڭگە چاقىردىم ، ھەش- پەش دىگۈچە جەڭ باشلاندى .بۇقېتىم ئىلگىركىدەك كاللاقاتۇرشۇمنىڭ ھاجىتى يوق ئىدى ،لىكىن بەك بىپەرۋالىق قىلساممۇ بولمايتتى چۈنكى بۇنى دادام سىزىۋالالايتتى ،قارىسام داداممۇ بۇرنقىدەك جىددى كەيپىياتتا ئەمەس ئىدى ،  دادام زورىغا ۋاقىت سوزۇپ باش قاتۇرۇش كەتمەيدىغان بىر ئۇرۇقىنى ماڭاتتى مەن ئۆزۈمنى ئېلىپ قاچالمايدىغان پۇرسەت تۇغدىراتتى ،ھەتتا ئۆزۈمنى قاچۇرۋاتقىنىمدا مىنىڭ سەمىمگە سېلىپ قوياتتى .شۇنداق قىلىپ بۇقېتىمقى جەڭمۇ مىنىڭ غەلبەم بىلەن ئاخىرلاشتى .قارىسام دادام ماڭا قەستەن يېڭىلىپ بېرىۋاتاتتى بۇقېتىم كۆرەڭلىمىدىم دادام كۆزلىرىمدىن يوشۇرۇپ بولالمايۋاتقان خىجىللىق ھىسىياتىمنىمۇ كۆرمەسكەسېلىپ مىنى سۇغۇق چاي ئېلىپ چىقىشقا بۇيرىدى ئۆيگە كىرىۋېتىپ دادامنىڭ تۈنۈگۈنكى بىرتال ئۇرۇقنى نىمە ئۈچۈن شۇنداق خاتا ماڭغانلىقىنى چوڭقۇر ئىسسىق  مىھرى  مۇھەببەت  ئىچىدە ھىس قىلدىم دادام بىلەن ئىككىمىز ئوتتىرىسىدىكى كۆرگىلى ھەم  تۇتقىلى بولمايدىغان بۇمۇھەببەت ۋۇجۇدۇمدا ئوت بۇلۇپ يالقۇندايتتى ھەم قەلبىمدە ئۇزاق زىلزىلە پەيداقىلاتتى . ئاپتورى : ئابلىمىت قاۋۇل

saba01

	مەن دادامنى بىر قېتىممۇ يىڭىپ باقمىغان...

(شەيدا)

	saba01 يوللىغان ۋاقتى  2014-10-16 09:56 AM مەن دادامنى بىر قېتىممۇ يىڭىپ باقمىغان... سىزمۇ يىڭىۋېلىپ كۆرەڭلىمەڭ جۇمۇ.  ھى ھى .   تىما ئىگىسىگە رەھمەت، ئىلھام يار بولغاي......

saba01

	(شەيدا) يوللىغان ۋاقتى  2014-10-16 11:47 AM سىزمۇ يىڭىۋېلىپ كۆرەڭلىمەڭ جۇمۇ.  ھى ھى .   تىما ئىگىسى ... يېڭەي دىسەممۇ دادام ئەمدى يوق، ئۇنىڭ ياراتقان ئىگەمنىڭ دەرگاھىدا خاتىرجەم ھالدا ئەزىزلەر قاتارىدا شاھمات ئوينىيالىشىنى تىلەيمەن!!

tohuwaz

	مەن شاھمات ئويناشنى بىلىمەن ،لىكىن مۇشۇ ۋاقىتقىچە بىرەر ئادەمنى ئۇتۇپ باققىنىمنى بىلمەيمەن.

(شەيدا)

	saba01 يوللىغان ۋاقتى  2014-10-16 12:01 PM يېڭەي دىسەممۇ دادام ئەمدى يوق، ئۇنىڭ ياراتقان ئىگەمن ... كەچۈرۈڭ.  بىلمەپتىمەن.

(شەيدا)

	tohuwaz يوللىغان ۋاقتى  2014-10-16 12:46 PM مەن شاھمات ئويناشنى بىلىمەن ،لىكىن مۇشۇ ۋاقىتقىچە بىر ... ئوخشاشكەنمىزغۇ.   بولمىسا بىز بىر مەرتەم تۇتىشىپ باقامدۇق.

WIJDAN..?

	مەن ھەممىڭلارنى يېڭىۋېلىشىم مۇمكىن...

saba01

	(شەيدا) يوللىغان ۋاقتى  2014-10-16 01:12 PM كەچۈرۈڭ.  بىلمەپتىمەن. ھېچقىسى يوق!!

dolanlik

	شاھمات ئادەمدە مۆلچەرلىگۈسىز قابىلىيەت يىتىلدۈرىدۇ،ئەپسۇس شاھمات ئوينايدىغانلار ۋە پەرزەنىتلىرىگە ئۈگىتىدىغانلاردىن قانچەيلەن قالدۇق؟