قاراقىمدا ھىجران ئۇچقۇنى(ئاينۇرى)

aynuri888

	قاراقىمدا ھىجران ئۇچقۇنى تۇرنىسا رەھىم ئاينۇرى قاراقىمدا ھىجران ئۇچقۇنى، يۇلتۇزلاردەك چاقنايدۇ تىنماي. يۈرىكىمدە سېغىنىش دەردى، شاتلىقىمنى غاجايدۇ ھارماي. ئاق شايىدەك ئاينىڭ نۇرىدا، ماڭا ھەمرا ناتونۇش دوقمۇش. پەيلىرىنى قاققانچە ئاستا، باھار چۈشەپ يۈرىدۇ بىر قۇش. گۇڭگا يېنىپ تۇرغان يول چىراق، مۇھەببەتتىن سۆزلەر ھېكايەت. ياندىن ئۆتكەن سەلكىن شاماللار، لەۋلىرىمگە سۆيەر نىھايەت. چىكىلدىغان ۋاقىت ئوقىدا، قېرىپ كەتتى تاڭ ئاتماس كېچە. سۆيگۈئۈچۈن تۇغۇلغان جىسمىم، گۈلخان بولۇپ كۆيدى تاڭغىچە. كۈتۈشلەردىن لەپىلدەيدۇ قار، زېمىستاننى يېنىمغا چىللاپ. ئازابلاردىن تىكىپ يېپىنچا، مەن قايتىمەن ئۆزۈمنى بويلاپ...

قورغان

	ئېسىل لىرىكىڭىزدىن سۆيۈندىم.        مۇشۇنداق لىرىكىلىرىڭىزدىن بەھىرلەندۈرۈپ تۇرغايسىز...

(شەيدا)

	قەلەملىرىگە بەرىكەت يار بولسۇن، ياندىشىم بىرە ئىككى شىڭگىل گەپ قاتقۇم كەلدى، ئەيىپكە بۇيرىمىغايسىز ھەدە. مەن قايتىمەن ئۆزۈمنى بويلاپ، باش لىڭشىتىپ ئەركە شامالغا. پۇشايماندا قالىدۇ دوقمۇش، يۇلتۈز كۆكتىن كىلەر سالامغا. ئۇنتۇلغاندا شىرىن ئەسلىمە، مۇھاببەتمۇ قالاركەن يالغۇز. گۈلخان بولۇپ يانغان يۈرەكمۇ، قاتىدىكەن بولۇپ گويا مۇز. ئاق شايىدەك ئاينىڭ نۇرىمۇ، ئۇزاتماقچى مىنى ئۆتمۈشكە. لېكىن كۆڭلۈم بەردىلەر ۋەدە، ئۆتمۈشۈمدىن ئاتلاپ ئۆتۈشكە. يىڭى تاڭنى كۆزلىدى كۆڭلۈم، ئازاپلارنى چۆرۈپ بىر چەتكە. ئۈمۈد بىلەن باقتىم قوياشقا، يىڭى تاڭنى قىلدىم تەنتەنە . قاملاشمىغان بولسا مازاق قىلماڭلا تۇققانلا.

(شەيدا)

	قەلەملىرىگە بەرىكەت يار بولسۇن، ياندىشىم بىرە ئىككى شىڭگىل گەپ قاتقۇم كەلدى، ئەيىپكە بۇيرىمىغايسىز ھەدە. مەن قايتىمەن ئۆزۈمنى بويلاپ، باش لىڭشىتىپ ئەركە شامالغا. پۇشايماندا قالىدۇ دوقمۇش، يۇلتۈز كۆكتىن كىلەر سالامغا. ئۇنتۇلغاندا شىرىن ئەسلىمە، مۇھاببەتمۇ قالاركەن يالغۇز. گۈلخان بولۇپ يانغان يۈرەكمۇ، قاتىدىكەن بولۇپ گويا مۇز. ئاق شايىدەك ئاينىڭ نۇرىمۇ، ئۇزاتماقچى مىنى ئۆتمۈشكە. لېكىن كۆڭلۈم بەردىلەر ۋەدە، ئۆتمۈشۈمدىن ئاتلاپ ئۆتۈشكە. يىڭى تاڭنى كۆزلىدى كۆڭلۈم، ئازاپلارنى چۆرۈپ بىر چەتكە. ئۈمۈد بىلەن باقتىم قوياشقا، يىڭى تاڭنى قىلدىم تەنتەنە . قاملاشمىغان بولسا مازاق قىلماڭلا تۇققانلا.

shaidayi

	ياخشى چىقىپتۇ. ئىزدىنىشلىرىڭىزگە بەرىكەت تىلەيمەن !

99sahrayi99

	ئىككىڭلار مۇشائىرە قىلىشىپ كەتتىڭلارمۇ نىمە؟!... خېلى قاملىشىپتۇ جۇما، ھەر ئىككىلىسى!.. بەك سۆيۈندۈم!.. ھارمىغايسىز!..

umidwar.

	شۇنداق يېقىشلىق چىقىپتۇ بۇ لىرىكىڭىز، بەك ياقتۇردۇم.

(شەيدا)

	99sahrayi99 يوللىغان ۋاقتى  2014-10-15 11:48 PM ئىككىڭلار مۇشائىرە قىلىشىپ كەتتىڭلارمۇ نىمە؟!... خېلى ق ... ئۇستازنىڭ تېتىملىق يازمىسىنى كۆرۈپ جۆيلۈپ باققۇم كەلدى، ئۇستاز بىلەن مۇشائىرە قىلىشقىلى 6 قاپاق پىششىقى بار . ھى ھى .

aynuri888

	(شەيدا) يوللىغان ۋاقتى  2014-10-16 02:36 AM ئۇستازنىڭ تېتىملىق يازمىسىنى كۆرۈپ جۆيلۈپ باققۇم كەل ... سالام ئىنىم . يازمامنى ياقتۇرۇپ ئوقۇپ يانداشما شېئىر يېزىپسىز. يازغانلىرىڭىزنى مەنمۇ زوق بىلەن ئوقۇدۇم. مېنى قوللىغان سىزگە رەھمەت. مەن ئۇستاز بولۇشقا تېخى بالدۇر، ئادەتتىكى بىر ھەۋەسكارمەن. ئۇستاز دەپ ئاتاپ خىجىل قىلمىسىڭىز. يازمامنى ياقتۇرۇپ ئوقۇغان يەنە ئىنكاسلىرى ئارقىلىق كۆڭلىنى ئىپادىلىگەن ئەزىز تورداشلارغا كۆپ تەشەككۈر. كۆڭۈل كۆڭۈلدىن سۇ ئىچەر دېگەندەك سىلەرنىڭ ئىنكاسىڭلار ماڭا مەدەت بولدى.

ۆمۈتۋار

	ياخشى چىقىپتۇ.