ناۋائى غەزەللىرىدىن(باقاسىزدۇر بۇ جاھان)

99sahrayi99

	جاھان قەسرىكى دۇر سۇ ئۆزرە بۇنياد، ئۇنىڭ بۇنيادى يوقتۇر، بولمىغىل شاد. يەشمىسى: بۇ جاھان يەنى يەر شارىدىن ئىبارەت بۇ ئايۋاننىڭ ئۇلى سۇ ئۈستىگە قۇرۇلغاندۇر. ئۇنداق بولغان ئىكەن سەن بۇ جاھاننىڭ ئىشلىرىدىن ئارتۇق خۇشال بولمىغىن!.. نى شاد بولغاي كىشى بۇ قەسرىدىن كىم، ئۇنى تەڭرىم ياراتمىش مىھنەت ئاباد. يەشمىسى: ئاللا تائالا بۇ زېمىننى جاپا- مىھنەت ئورنى قىلىپ ياراتقان تۇرسا، كىشى بۇنىڭدىن قانداقمۇ خۇشاللىق تاپالىسۇن!.. تىرىكلىك قۇشلىرىغا پاسىبان ئول، دېڭىز ئەمۋاجىدە ئانداغكى سەيياد. يەشمىسى: گەرچە بۇ جاھان تىرىكلىك قۇشلىرىغا پاسىبان بولسىمۇ، دېڭىز ئاستىدىكى سىرلىق سەييادقا ئوخشايدۇ. كىيىپ قەتلى ئەيلىمەككە لالىدىن تون، فانادىن تىغى تارتىپ مەيلى جەللاد. يەشمىسى: بىر تەرەپتىن قەتلى قىلىش ئۈچۈن لالىدىن تون كەيسە، يەنە بىر تەرەپتىن جەللاتنىڭ مەيلى يوقلۇق تىغىنى تارتىپ تۇرىدۇ. ئەمەس قاتىل پەرىۋەش دىلبەرىدۇر، كى جەۋرىدىن قۇتۇلماس ئادىمىزاد. يەشمىسى: ئۇ بىر قاتىل ئەمەس ، سۆيۈملۈك دىلبەرى جاناندۇر، دېمەك، بۇ دۇنياغا ئاپىرىدە بولغان ئادەم  بالىلىرى جاپا- مۇشەققەت، جەۋرى- زۇلۇمدىن قۇتۇلالمايدۇ. باقاسىزدۇر جاھان رەئناسى ۋەللاھ، جاھان رەناسى يوقتۇر ما سىۋەللاھ. يەشمىسى: اللە بىلەن قەسەمكى، جاھان رەنالىرىنىڭ باقاسى يوقتۇر، جاھاندىكى بارلىق نەرسىلەر يۇقالغۇچىدۇر. اللەتىن باشقا جاھان رەناسى يوقتۇر.. سۆيۈشكە توغرا كەلسە اللەنى سۆيۈش كېرەك.. ناۋائى ھەزرەتلىرى بۇ يەردە شۇنى كۆزدە تۇتقان بولىشى مۇمكىن.. جاھانكىم زاھىر ئەتكەي لالەۋۇ باغ، ئىرۇر ئول باغى زىندان لالەسى داغ. يەشمىسى: سىرتىدىن قارايدىغان بولسا بۇ جاھان بىر چىرايلىق باغۇ- بوستانلىقتەك كۆرىنىدۇ، ئەمما ئۇنىڭ بېغى بىر زىندان، لالە گۈللىرى بىر داغۇ - ھەسرەتتۇر، خالاس. ئەرۇسىدۇر فۇسۇن ساز دىل ئاشۇب، ئىشى كۆرگۈزمەك ئەلگە لالەۋۇ باغ. يەشمىسى: ئۇ بىر يېڭى توي قىلغان،  كىشىنىڭ قەلبىنى ئۆزىگە  مەھلىيا قىلىدىغان كېلىشكەن  خۇشچىراي كېلىنچەككە ئوخشايدۇ، ئۇنىڭ ئىشى بارچە ئەلگە ئۆزىنى باغۇ- بوستانلىق قىلىپ كۆرسىتىشتىن ئىبارەتتۇر. كىشىكىم سەيدى دامى بولدى، باردۇر، ئۇنىڭ ئالدىدا مىڭ بولبولچە بىر زاغ.. يەشمىسى: ھەر بىر كىشى ئۇنىڭ دامىغا ئىلىندى، ئۇنىڭ ئالدىدا بىر زاغ مىڭ بولبولچە باردۇر... دېمەك بىر زاغنىڭ قەدىر - قىممىتى مىڭ بولبولدىن ئارتۇقتۇر... ياقىبان ئاتەشىن گۇل جانىغا ئوت، قۇيار يامغۇردىن ئەۋۋەل ئۈستىگە ياغ. يەشمىسى: ئۇ گۈلنىڭ جېنىغا ئوت ياقىدۇ يۇ، ئارقىدىنلا ئۇنىڭ ئۈستىگە يامغۇردىن ئىبارەت ياغنى چاچىدۇ.. كۆرۈپ نەرگىسنى سۇسەن غۇنچىسىدىن، چېكەر ئۇنىڭ كۆزى قەسدىغە بارماغ. يەشمىسى: ئۇ نەرگىس گۈلىنى سۇسەن غۇنچىسىدىن ئەلا بىلىپ، كۆزلىرى ئۇنىڭ يېنىغا بېرىش قەستىدە بولىدۇ... تەئەددى بىرلە نەسرىن ياپراغىدىن، ياسار گۈل چىھرەسىن يىرتارغا تىرناغ. يەشمىسى: ئۇ زۇلۇم بىلەن گۈلنىڭ چىھرىنى يبرتىش ئۈچۈن نەسرىن يۇپۇرمىقىدىن تىرناق ياسايدۇ. خازان بىدادىدىن بىل  سەئيى بىرلە،. ساچار شەمشادى گۈل باشىغا ياپراغ. يەشمىسى: شۇنى بىلگىنكى، شەمشاد دەرىخى بولسا ئۆز تىرىشچانلىقى بىلەن كۈز ئۈششۈكىنىڭ بىدادلىقىدىن ( زولمىدىن) گۈلنىڭ بېشىغا يۇپۇرماق چاچىدۇ.... ئۇنىڭ ھەم نىسبەتىن گەر ئىستەر ئولساڭ، ئۇنىڭدەككىم خازان ئەييامىدە باغ... يەشمىسى: ئەگەر سەن ئۇنىڭغا مۇناسىپ بولۇشنى ئىستەسەڭ، خۇددى ئۇنىڭدەك كۈز كۈنلىرىدىكى باغ بولشىڭ لازىم.. مەنمۇ بەك تۇلۇق بىلىپ كەتمەيمەن، بەزى بىر ئاتالغۇلارنى ئۇغۇز تېكىن بارەدەرنىڭ ئىزاھلاپ بېرىشىنى تۈۋەنچىلىك بىلەن ئۈمىد قىلىمەن!.. مەنبە: ناۋائى غەزەللىرى ناملىق قەدىمىي كىتاپتىن ئۆزلەشتۈرگۈچى ئۆزۈم....

99sahrayi99

	ئۇغۇزتېكىن بارادەر يوققۇ! ... ھېچ ئىنكاس يازىدىغانلارمۇ يوق!.. ئۇنداق قىلماي ئانچە-مۇنچە ئىنكاس يېزىپ قويۇڭلار!.. ئۇنداق قىلماي!..

xajarim

	بەك ئىسىل  شىېئركەن بۇ..... مەن ناۋائىينىڭ  يازغان  شام بىلەن  پەرۋاننىڭ مۇھەببەت   خاتىرسىنى   ئوقۇغان ئىدىم.      مۇھەببەتنى  يەتتىگە  بۆلۈپ  مۇھەببەت  دىگەن  ھەر بىر ھەرىپنىڭ مەنىسىى  يەتتە   قىسمغا بۆلۈپ  تەسىۋرلەپ بىرىپتىكەن..  ئىشقلىپ   تىلى بەك گۈزەل....   ئالدىنىقى بۇرادەر يوللىغان   نەۋائىي   شىئېرلىرىغا  قارىغاندا ما شىئىرنى  تولۇق  ئوقۇدۇم...   يەشمىسىنىمۇ بەك ياخىشى  چىقىرىپسىز....       بۇندىن كىينمۇ  كۆپرەك  يوللىشڭىزنى   ئۈمۈد قىلىمەن...

ھۆكما

	ئەلىشىر ناۋايى بولسا، ئۇلۇغ مۇتۇپەككۇر پەيلاسۇپ، ئۇنىڭ ئەسەرلىرىدىكى ھەر بىر جۇملە سۆزلىرى دۇردانە ھىكىمەت بىلەن يۇغۇرۇلغان.    تىما يوللۇغۇچىگە رەھمەت.

aa0998

	99sahrayi99 يوللىغان ۋاقتى  2014-10-14 10:10 PM ئۇغۇزتېكىن بارادەر يوققۇ! ... ھېچ ئىنكاس يازىدىغانلارمۇ ... ئىنكاسنى قالايمقان يېزىشقا بولمايدۇ، ئوقۇغان مەزمۇندا قانداق تەسىراتقا كەلسە شۇنى يازسا بولىدۇ، يازدىم دەپ قالايمقان يېزىشقا بولمايدۇ، توغرا چۈشەنگەيسىز..............

oghuztekin

	99sahrayi99 يوللىغان ۋاقتى  2014-10-14 10:10 PM ئۇغۇزتېكىن بارادەر يوققۇ! ... ھېچ ئىنكاس يازىدىغانلارمۇ ... مەن مانا. ئالدىدىكى -اد قاپىيىلىك غەزەل بىلەن كەينىدىكى -اغ قاپىيىلىك غەزەلنى ئايرىپ قويسىڭىز بوپتىكەن. سىزنىڭ يەشمىڭىزنى توغرا دەپ قارىدىم. ئىزاھلاشقا تېگىشلىكلىرىنى دەپ بەرسىڭىز بىلگىنىمچە ئىزاھلاپ قوياي.

oghuztekin

	سەيياد: ئوۋچى ماسىۋەللاھ: ئاللاھتىن باشقا ياقىبان ئاتەشىن گۇل جانىغا ئوت، قۇيار يامغۇردىن ئەۋۋەل ئۈستىگە ياغ. گۈل جانىغا ئوت يېقىپ، ئۆچۈرۈشكە يامغۇردىن بۇرۇن ياغ چاچىدۇ.

99sahrayi99

	رەھمەت قېرىندىشىم!  قوللىغىنىڭىزغا!....

aherat13

	ھەقىقەتەن ئىسىل تىما ئىكەن، تىما ئىگىسىگە كۆپ تەشەككۈر

BUEREZAT

	رھمەت سىزگە،سەيياد دىگەن سۆزنىڭ مەنىسى نىمە؟