ئابدۇرېھىم زۇنۇن: ساددا بالا سېخى سەھرالىق

bulaksu2

	سەھراھلىقلارنىڭ شەنى ئۈچۈن بىر-ئىككى پارچە شېئىر ئەمەس، مىڭ پارچە داستان يازساقمۇ ئازلىق قىلىدۇ. «تاپقىنى قوي كەلتۈرەر، تاپالمىغىنى بىر باش پىياز» دېگەندەك، ئۇلارغا بۇ ئاددىي ئىككى پارچە شېئىرىمنى تارتۇق قىلدىم. سەھرالىق سەھرالىقنىڭ قولى ئوچۇق، باغرى كەڭ، ئىشەن دوستۇم، سىغدۇرىدۇ جاھاننى؛ ئۇسسىغانغا شەربەت، ئاچقا ئاش سۇنۇپ، نەيزىلەيدۇ قۇۋ تۈلكە، شىر، قاۋاننى... سەھرالىقنىڭ قولى ئوچۇق، باغرى كەڭ، جىمى پاكلىق، سېخىلىققا ئۈلگە ئۇ؛ روزا تۇتۇپ...، تېشىدا ھېيت ئوينايدۇ، يۈزلىرىدە پارلىتىپ نۇر ـــ كۈلكە ئۇ. سەھرالىقنىڭ قولى ئوچۇق، باغرى كەڭ، تۆكمە قىلار ئايىماي باغ، بېدىشنى... قەلبىدىكى سۆزنى ئېيتار ساپ تىلى، ياقتۇرمايدۇ «چەللىدە ئات چېپىش»نى. سەھرالىقنىڭ قولى ئوچۇق، باغرى كەڭ، قورسىقىدا چۇتۇرى يوق، تىلدا ئوق... پىننە سورۇپ ئولتۇرمايدۇ بۇرنىدا ، راستقا ئامراق، يالغان بىلەن خۇشى يوق. ساددا بالا سېخى سەھرالىق ئۆزگىلەرگە تىلەيدۇ شان، قۇت، يەرنى ئويۇپ دەسسەيدۇ مەزمۇت ؛ يۈرىكىدە يالقۇنجىتىپ ئوت، سالار ۋۇلا ئىشچان سەھرالىق. قەدەملەرنى ئالىدۇ چوڭ-چوڭ، ئالدىراپ تېز يۈگرەيدۇ چەپ-ئوڭ، پىلان تۈزەر ئولتۇرۇپلا زوڭ، غېمى تولا ئىشچان سەھرالىق. ئوي-خىيالى ئېتىزدا كۈندە، (يىپ ساپىدۇ يىڭنىگە تۈندە،) شۈكرى ئېيتار سارغايغان ئۈندە، قىلماي تاپا ئىشچان سەھرالىق. ئەتە-ئاخشام تىنماي چاپىدۇ، «خۇشاللىق»قا ئىشىك ياپىدۇ؛ پۇل- مالنى بەك تەستە تاپىدۇ، بېرىپ جۇلا، ئىشچان سەھرالىق. ئۆزى ئۈچۈن چاۋار تېرىدۇ، مېھمىنىغا جاننى بېرىدۇ ؛ كەلگەنلەرگە غۇلاچ كېرىدۇ، ساددا بالا سېخى سەھرالىق. سۇ سورىساڭ، سۇنىدۇ شەربەت، قونساڭ، بېرەر قوي سويۇپ گۆش-ئەت ؛ يۈرىكىدە لىق ئوت ـــ مۇھەببەت، كۆڭلى دالا، سېخى سەھرالىق.

ahgulum129213

	سەھرالىق دىگەن ئاقكۆڭۈل ، سېخى كېلىدۇ،ياخشى تەسۋىرلەپسىز.سەھرايىمنى ئەجەپ سېغىندىم!

تاغگۇلى

	قەلەم تۇلپارىڭىز ھارمىغاي قېرىندىشىم،ناھايىتى ياخشى تەسۋىرلەپسىز،سەھرالىقلار راستىنلا ئاقكۆڭۈل،سەمىمى كېلىدۇ.بۇنىڭغا نېمە يەتسۇن.

15599856345

	مەنمۇ بىر سەھرالىق بۇلۇش سۈپىتىم بىلەن سۈيۈنۈپ ئۇقۇدۇم .

(شەيدا)

	ئۇستازنىڭ تاتلىق شىئېرلىردىن ھۇزۇرلاندىم، ھەم ياندىشىپ باققۇم كەلدى(چۈنكى مەنمۇ سەھرالىق ئەمەسمۇ، ھى ھى)........................................................ سەھرالىقنىڭ قولى ئوچۇق، باغرى كەڭ، بېغى كەڭرى ، كېلىڭ ئانار ئالما يەڭ. شۈبھىلەنمەڭ مېھنىتىدىن، ئەجرىدىن، بىزگە پۈتمەس كۈچ-قۇۋۋەتلەر بەردى دەڭ. سەھرالىقنىڭ قولى ئوچۇق، باغرى كەڭ، بىر نان تاپسا دەيدۇ كېلىڭ يەيلى تەڭ. سەھرالىقنىڭ قەلبى ئاپتاپ گوياكى، سەھرالىقنى تومپاي دىمەڭ، گول دىمەڭ. سەھرالىقنىڭ قولى ئوچۇق، باغرى كەڭ، شوخلۇقىنى دىمەڭ ھەرگىز«سەت، بىزەڭ». ساپلىقىدا ئۈلگە قەلبى ئالتۇنغا ، «ئالتۇن»ىدىن سىزمۇ ئېلىڭ ئۈلگە، رەڭ.

Janbar

	سەھرالىقلار ھەققىدە ئۇستازنىڭ ھەر بىر تېمىسىنى كۆرگىنىمدە قەلبىمدە ھاياجان ئۆرلەيدۇ. مەنمۇ شۇنداق ئېسىل ئەسەرلەرنى يازالىسامچۇ دېگەن ئىستەك دىلىمدا قوزغىلىدۇ. ئۇستازغا ساقلىق يار بولسۇن. نادىر يازمىلىرىڭىزنى كۆرۈپ تۇرىلى ئۇستاز!

520جىنىم

	رەھمەت ىۇستاز  ھارمىغايسز   مۇناسىۋەتسىز ىنكاس بوپ قالدى كەچۈرۈڭلار شۇنداقتىمۇ  سوراپ باقاي  مەن يوللىغان تېما نىمىشقا ىۈچۈرۈلدى    ىەسكەرتىش بولسىمۇ  بىرىپ قۇيساڭلارچۇ  ھۆرمەتلىك باشقۇرغۇچىلار

م.زۇنۇن

	شۇنچىلىك تەبئىي ، ساعلام چىقىپتۇ    ياقتۇرىدۇم

99sahrayi99

	سەھرالىقنىڭ قولى ئوچۇق، باغرى كەڭ، سىغدۇرىدۇ ھەتتا پۈتكۈل جاھاننى. ئۇسسىغانغا شەربەت، ئاچقا ئاش سۇنۇپ، نەيزىلەيدۇ قۇۋ تۈلكە، شىر،  قاۋاننى!.. بەك كەپتۇ بۇغۇم، قاپىيەلىرى!.. گەپ كەتمىگۈدەك .. ھەر قانداق بىرئەسەر مانا مۇشۇنداق چىنلىققا ئىگە ئەمىلىي يېزىلسا كىشىنى قايىل قىلالايدۇ. ھارمىغايسىز!..

bulaksu2

	ahgulum129213 يوللىغان ۋاقتى  2014-10-14 10:47 AM سەھرالىق دىگەن ئاقكۆڭۈل ، سېخى كېلىدۇ،ياخشى تەسۋىرلەپ ...          شۇنداق، ھەممىمىزنىڭ ئەسلى-زاتى سەھرالىق. مەنمۇ شۇ. رەھمەت!