پۇل ئۈچۈن

15599856345

	پۇل ئۈچۈن شىرزات قارى يارقىن ئىجادىيتى باي بولساملا دىدى ھەممە ھەر تەرەپ، قەدىناسلار گال سىقىشتۇق پۇل ئۈچۈن. جاندىن تويدۇق پۇل بولسىلا يىتەر دەپ، گاھى خەنجەرلەر تىقىشتۇق پۇل ئۈچۈن. دۈشمەن ئىدى بىر چاغ ماڭا بىراۋمۇ، بۈگۈن مانا بەك چىقىشتۇق پۇل ئۈچۈن. ئايرىلماس بوپ ناتۇنۇشلار چىداشماي، باي سۈيىدە تەڭ ئېقىشتۇق پۇل ئۈچۈن. ئەسسالامغا قول بىرىشمەي كەتكەنلەر، يانچۇق تولسا يۈز يېقىشتۇق پۇل ئۈچۈن. ۋىجدان بىلەن كىمنىڭ كارى دىدىلەر، غۇرۇرنىمۇ تەڭ سېتىشتۇق پۇل ئۈچۈن. كاتتىلارنىڭ سورۇنىغا تەخ بۇلۇپ، مەي شاراپتىن تەڭ ئىچىشتۇق پۇل ئۈچۈن. مەناسىزلار ئۈتۈپ كەتتى بۇ كۈنلەر، قېرىنداشتىن ھەم كىچىشتۇق پۇل ئۈچۈن. ھارام دىسە قاينايدىغان نوچىلار، ھارامنىمۇ تەڭ تېتىشتۇق پۇل ئۈچۈن. چاۋىمىزنى چىتقا يېيىپ تۈزەلمەي، كۇچىلاردا دۈم يېتىشتۇق پۇل ئۈچۈن. 2014-10-13

(شەيدا)

	خېلى بوپتىكەن بۇنداق تېتىملىق شىئېر ئوقۇپ باقمىغىلى، بىر قېنىۋالدىم دىسە...... بەرىكەتلىك بولۇڭ قېرىندىشىم، ياخشى ئەسىرىڭىزنى كۆپچىلىكتىن ئايىمىغايسىز. مەندەك  يىڭى ئۆگەنچىلەرگە ئىلھام مەدەت بولىدىكەن......   ھارمىغايسىز.

(شەيدا)

	ئەسسالامغا قول بىرىشمەي كەتكەنلەر، يانچۇق تولسا يۈز يېقىشتۇق پۇل ئۈچۈن. ۋىجدان بىلەن كىمنىڭ كارى دىدىلەر، غۇرۇرنىمۇ تەڭ سېتىشتۇق پۇل ئۈچۈن. ................................................................       ماۋۇ كۇبلىتنى باشقىچە ياقتۇرۇپ قالدىم. رەھمەت.

izdinish

	قىزلىرىنىمۇ سېتىشتى بەزىلەر پۇل ئۈچۈن خوتۇنىنىمۇ ئۆتۈندى يەنە پۇل ئۈچۈن ئۇمۇ ئازكەپ بوۋىقىنىمۇ ساتتى پۇل ئۈچۈن ھەممە قالماي ۋىژداننى ساتتى يەنە پۇل ئۈچۈن

zulpukar

	پۇلغا قۇل بولغانلار ئاشۇ پۇلنىڭ خىزمىتىنى ياخشى قىلمىسا كۆڭلى ئارام تاپمايدۇ،،،،  شۇڭا پۇل ئۈچۈن ھەرنىمە قىلىشتىن يانمايدۇ..........

sanjay

	شۇڭا دەيمەن  يولدىن چىقىپ تاپقان  يۈز يۈەندىن ، ھالال ئىشلەپ تاپقان بىر يۈەن    ئەڭ سۈيۈملۈكتۇر، دەپ يازغان مەن ھېكمەت خاتىرەمگە   .

suhak

	پۇلغا قۇل بولدۇق، شۇڭا ھەممىنى ھەتتاكى ئاتا-ئانىنىمۇ سېتىشقا مەجبور بەزىلەر......................

99sahrayi99

	اللە رەھمەت قىلسۇن قېرىندىشىم!.. پۇلنىڭ ئوبرازىنى بەك ياخشى يۇرۇتۇپ بېرىپسىز! قەلەم تۇلپارىڭىز ھارمىغاي!... يېڭى- يېڭى نادىر تېمىللىرىڭىز ئۈزۈلمىسۇن!...

bulaksu2

	پۇل ئۈچۈن شىرزات قارى يارقىن ئىجادىيتى باي بولساملا دېدى ھەممە __ ھەر تەرەپ، قەدىناسلار گال سىقىشتۇق پۇل ئۈچۈن. جاندىن تويدۇق پۇل بولسىلا يېتەر دەپ، گاھى خەنجەرلەر تىقىشتۇق پۇل ئۈچۈن. دۈشمەن ئىدى بىر چاغ ماڭا بىراۋمۇ، بۈگۈن مانا بەك چىقىشتۇق پۇل ئۈچۈن. ئايرىلماس بوپ ناتونۇشلار چىداشماي، باي سۈيىدە تەڭ ئېقىشتۇق پۇل ئۈچۈن. ئەسسالامغا قول بېرىشمەي كەتكەنلەر، يانچۇق تولسا يۈز يېقىشتۇق پۇل ئۈچۈن. ۋىجدان بىلەن كىمنىڭ كارى دېدىلەر، غۇرۇرنىمۇ تەڭ سېتىشتۇق پۇل ئۈچۈن. كاتتىلارنىڭ سورۇنىغا تەق بولۇپ، مەي -شارابتىن تەڭ ئىچىشتۇق پۇل ئۈچۈن. مەنىسىزلا ئۆتۈپ كەتتى بۇ كۈنلەر، قېرىنداشتىن ھەم كېچىشتۇق پۇل ئۈچۈن. ھارام دېسە قاينايدىغان نوچىلار، ھارامنىمۇ تەڭ تېتىشتۇق پۇل ئۈچۈن. چاۋىمىزنى چىتقا يېيىپ تۈزەلمەي، كوچىلاردا دۈم يېتىشتۇق پۇل ئۈچۈن. خېلى چىرايلىق چىققان شېئىر ئىكەن، ئىملا ۋە قىسمەن تىنىش بەلگىلەرنى قويۇپ __ توغرىلاپ ئوقۇدۇم. ئاپتورغا رەھمەت!

ahgulum129213

	نىمانداق ياخشى شىئىر بۇ! بەزىلەر گۇناھنى پۇلدا قويىدىكەن،پۇل بىر جانسىز نەرسە،ئۇنىڭدا نىمە گۇناھ؟مەسلە بىزنىڭ پۇلغا بولغان قارشىمىزدا،پۇلنى ھەممىگە قادىر دەپ پۇل ئۈچۈن ھەممىنى قىلىمىزمۇ ياكى پۇل ئۈچۇن ھەممە نىمىمىزنىساتىمىزمۇ ھەممىسى ئۆزىمىزگە باغلىق. يەنە ياخشى ئەسەرلىرىڭىزگە تەشنا بىز!