تاڭنۇر : گۈلۈم

تاڭنۇر

	گۈلۈم ئاپتورى : خەيرۇللا قۇربان غەملىرىمگە غەم قوشما سۆيگەن گۈلۈم ، بېغىم ئارا قۇشلار مۇڭلۇق سايرىماس . ئەقىدەمگە ھەمرا بولغان گىياھمۇ ، تىكەن ۋەجى يىلتىز تارتىپ كۆكلىمەس . غەملىرىمنى ساڭا يۈكلەپ قويغۇم يوق ، بىرەلمەيمەن ساڭا تاتلىق خۇشاللىق . مۇڭلىرىڭغا ھەمرا گۈزەل باغ بولسا ، سۆيگۈڭ بىلەن چىچەك ئاچقىن پۇراقلىق . مەندە قالسۇن سېنىڭ نازلىق سىمايىڭ ، چۈشلىرىمگە ھەمرا قىلىپ سىردىشاي . سەن بەختىڭدە ۋىسال قۇچساڭ شادلىنىپ ، دەتلىرىمدە ساڭا ئاتاپ كۈي قۇشاي . ئۇنتۇپ كەتكىن مېنى گۈلۈم دىلىڭدىن ، ساڭا ئاشىق بۇلبۇل تۇلا جاھاندا . بەختىڭ كۈلسە بۇلبۇللاردىن ئەۋەتكىن . ھىدلىرىڭنى ھىدلاپ تۇراي ھەر تاڭدا .

99sahrayi99

	غەملىرىمگە غەم قوشمىغىن ئەي گۈلۈم، بېغىم ئىچرە قۇشلار كۈلۈپ سايرىماس. بۇ ئىككى مىسرانى قايتا ئىشلەپ باقسىڭىز بوپتىكەن. بۇغۇم سانى ئاز بولۇپ شېئىرنىڭ ئاھاڭدارلىقىغا تەسىر يەتكۈزۈپ قويۇپتۇ.. ياكى ... مەن يوللىغاندەك ئۆزگەرتەمسىز!... باشقا يەرلىرى بەك تېتىملىق چىقىپتۇ بولمىسا!..

شاتئاي

	تىتىملىق شېئىرلىرىڭىز بىلەن يەنە ئۇچرىشالىغىنىمدىن خۇشالمەن ئاكا....بەرىكەتلىك بولۇڭ....

akkani

	99sahrayi99 يوللىغان ۋاقتى  2014-10-13 03:40 PM غەملىرىمگە غەم قوشمىغىن ئەي گۈلۈم، بېغىم ئىچرە قۇشلار ... مەن دەيدىغاننى سىز دەپ بوپسىز. تاڭنۇر ئەپەندى شېئىرىيەتكە ئىنتايىن ئەستايدىل مۇئامىلە قىلاتتى.مەزكور شېئىرنى شۇنداق تاتلىق يېزىپ كىلىپ بىرىنچى كوبلىتنىڭ بىرىنچى،ئىككىنچى مىسراسىدىلا بۇغۇم سانىنى ئاز ئورۇنلاشتۇرۇپ ئۈچىنچى مىسراسىدىن باشلاپ ناھايتى تەكشى ئېپ مېڭىپتۇ.بىز بىلمەيدىغان مۇشۇنداقمۇ شېئىر شەكلى بولسا تاڭ،بولمىسا قايتا ئويلۇنۇپ باقسا بولغىدەك. قۇسۇر ئىزدىگىنىم ئەمەس،كىيىنكى يازمىلىرىمىزنىڭ تېخىمۇ ياخشى بولىشى ئۈچۈن سەمىمى تەكلىپ جۇمۇ!

mehriya

	99sahrayi99 يوللىغان ۋاقتى  2014-10-13 03:40 PM غەملىرىمگە غەم قوشمىغىن ئەي گۈلۈم، بېغىم ئىچرە قۇشلار ... ئەگەشتىم

barnakiz886

	ئۇنتۇپ كەتكىن مېنى گۈلۈم دىلىڭدىن ، ساڭا ئاشىق بۇلبۇل تۇلا جاھاندا . بەختىڭ كۈلسە بۇلبۇللاردىن ئەۋەتكىن . ھىدلىرىڭنى ھىدلاپ تۇراي ھەر تاڭدا . بارچىنىڭ مۇھابىتى ۋاز كىچىش بىلەن ئاياغلىشامدىغاندۇ؟

تاڭنۇر

	دوسلارنىڭ تەكلىپ پىكىرلىرىگە تەشەككۈرلەر بولسۇن ۋورۇتتا يېزىپ چاپلىغان ئىدىم قانداق بولدى قۇرلىرى ئالدى كەينى چىقىپ قېلىپ قايتا تەھىرلىگەن سۆزلۈكلەر چۈشۈپ قاپتۇ ، مەن دىققەت قىلمايلا تېما تەستىقلانماستىنلا توردىن چۈشۈپ كىتىپتىمەن ، دوسلارنىڭ سەۋەنلىكىمنى كۆرسىتىپ بەرگىنىگە تەشەككۈرلەر بولسۇن . غەملىرىمگە غەم قوشما سۆيگەن گۈلۈم ، بېغىم ئارا قۇشلار مۇڭلۇق سايرىماس . ئەقىدەمگە ھەمرا بولغان گىياھمۇ ، تىكەن ۋەجى يىلتىز تارتىپ كۆكلىمەس . ئەسلى مۇنداقتى

تاڭنۇر

	شاتئاي يوللىغان ۋاقتى  2014-10-13 03:54 PM تىتىملىق شېئىرلىرىڭىز بىلەن يەنە ئۇچرىشالىغىنىمدىن خ ... رەھمەت سىڭلىم ، سىزنى مۇنبەردە قايتا ئۇچراتقىنىمدىن خۇشالمەن

تاڭنۇر

	سەمىمىي ئەسكەرتىش ، شئېردا ئىپادىلەنگەن مەزمۇن مىنىڭ تۇرمۇشۇم ئەمەس ، لىكىن رىئاللىق .

تاڭنۇر

	99sahrayi99 يوللىغان ۋاقتى  2014-10-13 03:40 PM غەملىرىمگە غەم قوشمىغىن ئەي گۈلۈم، بېغىم ئىچرە قۇشلار ... تەھىرلەشتە خاتالىق چىقىپتۇ تەكلىپىڭىزگە تەشەككۈر