دەرسلەر

bahwanbiz

	دەرسلەر (ساتېرا ) ئاپتۇرى : ئابلەت مۇھەممەت تەرتىپ بىلەن سالام بېرىپ ئالمىشىدۇ دەرسلەر ، قېرىنداشتەك ئۆز -ئارا ئارلىشىدۇ دەرسلەر ، رەزمىسىدە پەرىق يوق پارلىشىدۇ دەرسلەر ، بويۇن قىسىپ بەزىدە زارلىشىدۇ دەرسلەر ، مەۋسۇملارغا بويسۇنۇپ قاملىشىدۇ دەرسلەر ، ئەدەبىيات ھېس -تۇيغۇ ، تەسۋىر بىلەن باشلىنار ، يېزىقچىلىق قەلەمدىن خېلى ئېغىر دىت سىنار ، كىم بىلمىسە تەھلىلىنى بارمىقىنى شۇ شورار ؟ تەرلىگەندە مۇئەللىم چاندۇرماستىن چاچ سىيلار ، ئانا تىلغا بارماق پۈكۈپ سانىشىدۇ دەرسلەر . مۇئەللىمنى كەچۈرەيلى ،سىياسەتتە سۆز تولا ، ئىمتىھاندا سوئال ئاسان ، نەتىجىدە يۈز تولا ، مۇنبەرلەردىن چىقسا بوران ،توڭلاتقۇدا مۇز تولا ، ئىش -ھەرىكەتنى ئەخلاق دىسەك ھەممە يەردە كۆز تولا ، مەكتەپ قوينى بولغاچ باغچە سايرىشىدۇ دەرسلەر . كۆرسىتىدۇ تارىخ كېلىپ تاش ئەينەككە يۈزىنى ، ئارقىدىنلا مىسال ئالار مىلادىدىن سۆزىنى ، خەرىتىدىن بەلگە قىلار ئەجدادلارنىڭ ئىزىنى ، ئۇنتۇپ قالسا  ئاتالغۇنى مىت قىلمايدۇ كۆزىنى ، كۆز -كۆز قىلىپ ئۆزلىرىنى داڭلىشىدۇ دەرسلەر . خەنزۇ تىلى مۇئەللىم ئىككى تىلدا چاڭىلدار ، چۈشسە تېكىست ئاھاڭىغا ئىككى قۇلاق ۋاڭىلدار ، بىز ئۈگەنگەن بىلىملەر كەشپىياتقا ھامىلدار ، كەلگۈسىگە ئىنتىلگەن يۈرەكتە ئوت لاۋۇلدار ، زىرائەتلەر مىسالى چاڭلىشىدۇ دەرسلەر . ئويغىتىدۇ تەپپەككۈر يۈزمىڭلىغان نىم ئۈچۈن ؟ دوسكىلارغا سىزىلغان ئۈچبۇلۇڭلار كىم ئۈچۈن ؟ ئەڭ دەسلەپكى مائارىپ تۇخۇم سىزار نۆل ئۈچۈن ، تىرىشىمىز ھاياتتا ئەڭ چىرايلىق يۈز ئۈچۈن ، تاپشۇرۇق كۆپ  ئۈستەللەر تارلىشىدۇ ، دەرسلەر . بالىلارغا بەك كېرەك جۇغراپىيە بىلىمى ، ئىزدەنگەنلەر ئاچىدۇ يەر شارىنىڭ سىرىنى ، ئەسقاتىدۇ ئۈگىنەيلى چەت دۆلەتنىڭ تىلىنى ، ئاتا -ئاناڭلار سالدى مەبلەغ قايتۇرىڭلار دىرىنى ، چىن ئېھتىياج ھەممە سېنى تاللىشىدۇ دەرسلەر . خېمىيەگە ئوت قويۇپ فېزىكىدا ئۆچۈرۈڭ ، تەجىربىدە بار خاتالىق ئەي مۇئەللىم ، كەچۈرۈڭ ، تىرىشماستىن ئىمتىھاندا خىجىل بولماي كۆچۈرۈڭ ، لاياقەتسىز بولۇپ پەندە كۆرسەتكۈچنى يۇشۇرۇڭ ، سېنى قەستەن بالىلار خارلىشىدۇ دەرسلەر .   تەنتەربىيە -مۇزىكا ئوينىتىدۇ يۈرەكنى ، مەيدانلاردا بىز يامان تۈرىۋالساق بىلەكنى ، تۆكەلمەيمىز بەس سېلىپ يۇندىسى بار چېلەكنى ، دۇكانلاردىن تاللايمىز دائىم ئەخلەت يىمەكنى ، دائىم بىزگە تەشۋىقات بېرىشىدۇ دەرسلەر .

ahmatjan806

	ياخشىغۇ.

قورغان

	كارامەت ...

tutiya0908

	ئىسل شېئىر ئكەن، ئىلھامىڭىز زىيادە بولسۇن!

mehriya

	شېئىرلىرىڭىزنى تولىمۇ ياقتۇرىمەن . بەكلا ئەمىليەتتىن يازىسىز .

sardor0908

	ياخشى شىئىر ئىكەن .

asking

	ياقتۇردۇم

نازىخان

	ھەقىقەتەن ياخشىكەن

axek13999649893

	ئوقۇغۇچى  ۋاقتلىرىمنى ئەسلەتتىغۇ

قۇمۇش

	بەك ياخشى تەسۋىرلەپسىز.