ۋىتامىن دورىلىرىنى ئىچىشتە دىققەت قىلدىغان ئىشلار

Hammimiz~Yolda

	ۋىتامىن دورىلىرىنى ئىچىشتە دىققەت قىلدىغان ئىشلار ۋىتامىن _ ئادەم تېنىنىڭ ساغلاملىقى ۋە ئوسۇپ يېتىلىشى ئۈچۈن كەم بولسا بولمايدىغان ئوزۇقلۇق ماددىدىن ئىبارەت. بىراق بۇ، بەدەندە ۋىتامىن ماددىسى قانچە كۆپ بولسا شۇنچە ياخشى دېگەنلىك ئەمەس. ئەمەلىيەتتە ۋىتامىنلارنى قالايمىقان ئىچىشنىڭ ئادەم بەدىنىگە پايدىسى بولمايلا قالماي ئەكىسچە زىيىنى بارلىقىنى ئىسپاتلىدى. ئۇنداقتا قانداق كىشىلەر ۋىتامىن دورىلارنى ئىچسە بولىدۇ؟ تۆۋەندە ۋىتامىن دورىلىرىنى ئىچىش توغرىسىدىكى بىرقىسىم كۆرسەتكۈچىلەرنى تونۇشتۇرىمىز. 1. ئاسان ھېرىپ-چارچايدىغان كىشىلەر ھەركۈنى ۋىتامىن C دىن 300~500 مىللىگىرام، ۋىتامىن B1 دىن مۇۋاپىق مىقداردا ئىچىپ بەرسە ھېرىپ-چارچاشنى تۈگۈتىش ئۈنىمىگە ئېرىشكىلى بولىدۇ. 2. كۈچلۈك ھەركەت ياكى ئېغىر جىسمانىي ئەمگەك بىلەن شۇغۇللىنىدىغانلار ھەركەت ياكى ھەركەت جەريانىدا بەدىنىدىن چىققان تەر بىلەن بىرگە زور مىقداردا ۋىتامىن C نى چىقىرىۋېتىدۇ. شۇڭا، ئەڭ ياخشىسى ھەرىكەت قىلىشتىن ياكى ئەمگەك قىلىشتىن ئىلگىرى 500~300 مىللىگىرام ۋىتامىن C نى ئىچۋەتسە بەدەندىن چىقىپ كىتىدىغان ۋىتامىن تولۇقلىنىپ ،سالامەتلىككە زىيان يەتمەيدۇ. 3. ۋىتامىن A يېتىشمەسلىك كېسەللىكى:مەسىلەن ، تېرىسى يىرىك ۋە قۇرغاق بولۇش، مۈڭگۈز پەردىسى يۇمشاش كېسەللىكى، كۆز قۇرغاقلىشىش كېسەللىكى، نامازشام قارىغۇسى قاتارلىق كېسەللىكلەرگە گىرىپتار بولغان كىشىلەر ھەركۈنى 50 مىڭدىن 75 مىڭ بىرلىككىچە ۋىتامىن A ئىچىپ بەرسە يۇقارقى كېسەللىك ۋە كېسەللىك ئالامەتلىرىنىڭ ياخشىلىنىشىغا پايدىسى بولىدۇ. 4. قان ئازلىققا مايىل كېسەللىكلەرگە گىرىپتار بولغان كىشىلەر تۆمۈر ماددىسى يۇقىرى بولغان يىمەكلىكلەرنى كۆپرەك ئىستېمال قىلىش بىلەن بىرگە، يەنە ھەر قىتىملىق تاماقتىن كېيىن 300 مىللىگىرام ۋىتامىن C نى تولۇقلاپ ئىچىپ بەرسە بەدەننىڭ تۆمۇر ماددىسىنى سۈمۈرۈش ئىقتىدارىنى يۇقىرى كۆتۈرگىلى بولىدۇ. 5. دائىم قەۋزىيەت بولۇپ قالدىغان كىشىلەر ھەركۈنى ئەتىگەندە ناشتىدىن بۇرۇن بىر ئىستىكان قايناق سۇ بىلەن مۇۋاپىق مىقداردىكى ۋىتامىن C نى ئىچىپ بەرسە قەۋزىيەت ئوڭشىلىپ ، قەۋزىيەتنىڭ ئالدىنى ئالغىلى بولىدۇ. 6. سۆڭىكى چۈرۈك كىشىلەر يىتەرلىك مىقداردا كالتسىي ماددىسىنى تولۇقلاپ تۇرىشى، شۇنىڭ بىلەن بىرگە 500 مىللىگرام ۋىتامىن C ئىچىپ بىرشى كېرەك. 7. رېماتىزىم، نېرۋا ياللۇغى، ئەتراپ نېرۋا ياللۇغى، مەركىزى نېرۋا ياللۇغى سىستېمىسنىڭ زەخىملىنىشى،ئىشتېھا تۇتۇلۇش،ئوزۇقلىنىش ناچارلىق، ھەزىم قىلىش ياخشى بولماسلىق قاتارلىق كېسەللىكلەرگە گىرىپتار بولغان كىشىلەر ھەركۈنى مۇۋاپىق مىقداردا ۋىتامىن B1 نى تولۇقلاپ ئىچىپ بەرسە بولىدۇ. 8. 50ياشتىن ئاشقان كىشىلەر ھەر كۈنى 250 مىللىگرامدىن 500 مىللىگرامغىچە ۋىتامىن C ئىچىپ بەرسە بولىدۇ. 9. قان بىسىمى يۇقىرى كىشىلەر ھەر كۈنى 3 قېتىم ۋىتامىن C غا E نى قوشۇپ ئىچىپ بەرسە ئارتېرىيە قېتىشنىڭ ئالدىنى ئالغىلى بولىدۇ. 10. قاندىكى ماي ماددىسى يۇقىرى كىشىلەر ھەر كۈنى ۋىتامىن C دىن 500 مىللىگرام ئەتراپىدا ئىچىپ بەرسە بولىدۇ. مەنبە:‹‹ئائىلەۋە ساغلاملىق›› دىگەن كىتاپتىن ئىلىندى مۇنبەرگە يوللۇغۇچى: ھەممىمىز يولدا  !

uyghari

	ساغلاملىقىمىزنى ساقلاشتا بىلىۋېلىشقا تىگىشلىك ياخشى تىمىنى يوللاپسىز، رەھمەت.

bulaksu2

	پايدىلىق تېما ئىكەن. يوللىغۇچىغا رەھمەت!

mehriya

	رەھمەت سىزگە . مۇشۇ ئاياللار ۋىتامىنC بىلەن E  نى مۇۋاپىق ئىچىپ بەرسە ياخشى دەپلا ئاڭلىغان ئېدىم . ئەمدى تەپسىلى چۈشەنچىگە ئېگە بولدۇم . رەھمەت سىزگە

سەدەف

	جانمۇ كېرەك. تىرىكچىلىك،غايە-مەقسەدلەر ئۈچۈن! ئىلمىي ئۇسۇللار ئىكەن.رەھمەت.

يولتۇز

	ياخشى تىما يوللاپسىز كۆپ رەھمەت ، قانداق ۋىيتامىن ئىچىشىم كېرەكلىكىنى بىلۋالدىم .

شىرىنAAA

	رەھمەت سىزگە ياخشى تىما يوللاپسىز