ئارزۇ مەندىن زىرىككەن چېغى

ap~qilam

	ئارزۇ مەندىن زىرىككەن چېغى ئارزۇلىرىم بار ئىدى تېخى، خالىمايتىم قەھرىتان قىشنى. ئەمما يىللار شۇنچىلىك سېخى، ئەتتى داۋام يەنە ئىشىنى . ئارزۇ مەندىن زىرىككەن چېغى، نادامەتتە قويدى كىشىنى . تىرىشمىدىم ئەمەس تىرىشتىم، كۈتكەن مەنزىل مېنىڭدىن يىراق. كۆرەش قىلدىم شۇنچە كىرىشتىم، ئەمما چەكتىم خالاس مەن پىراق. ئارزۇ مەندىن زىرىككەن چېغى، نادامەتتە قويدى كىشىنى . كۆك ئاسمانغا تاش ئاتسا چۈشتى، يەر يۈزىگە ساقىپ بىر يۇلتۇز . تاڭنى يىرتتىم كۈنلەرمۇ ئۆتتى ، يوقتۇر نىدا كەلمەيدۇ بىر سۆز . ئارزۇ مەندىن زىرىككەن چېغى، نادامەتتە قويدى كىشىنى . كۆز_كۆز قىلدى باشقا بەس-بەستە، كۆز ئالدىمدا ئىدى نەتىجە، ئامال قانچە قاراپ ھەۋەستە، يۈرمەكتىمەن تاڭدا سەھەردە . ئارزۇ مەندىن زىرىككەن چېغى ، نادامەتتە قويدى كىشىنى . ئارزۇ ئۈچۈن ئۆتتى بۇ ئۆمۈر، قۇياشمۇ ھەم ئىدى نۇرانە، ئوت يېقىلماي مۇزلىدى كۆمۈر، قالدىم توڭلاپ يەككە يىگانە . ئارزۇ مەندىن زىرىككەن چېغى ، نادامەتتە قويدى كىشىنى . ئەپچىلەم ئىجادىيىتى

axek13999649893

	كۆك ئاسمانغا تاش ئاتسا چۈشتى، يەر يۈزىگە ساقىپ بىر يۇلتۇز . تاڭنى يىرتتىم كۈنلەرمۇ ئۆتتى ، يوقتۇر نىدا كەلمەيدۇ بىر سۆز

ap~qilam

	بىر قېتىم ئەخلەتخانىغا پالىنىپ يەنە قايتىدىن تەستىقلىنىشىغا نېمە سەۋەپ بولدىكىن

kakkuk11

	ap~qilam يوللىغان ۋاقتى  2014-10-12 03:15 PM بىر قېتىم ئەخلەتخانىغا پالىنىپ يەنە قايتىدىن تەستىقلى ... مەن يازغان ئىنكاس يوقيا ؟

xahanime

	ئادەمدە ئارزۇ ئۇمىد  بولسا ئاندىن خەتەرلىك ئارزۇ ئادەمنى ساراڭ قىلىدۇ ،ئۇنى ئىشلەتكىنىمۇ بولمايدۇ.

dilbar

	مەزمۇنلۇق، يېقىشلىق، بەك ياخشى چىقىپتۇ بۇ شېئىر،

Azizan

	ئارزۇ ئىسىملىكلەرنىڭ ھەممىسى ئىتتىك زېرىكىدىغان ئوخشايدۇ

(شەيدا)

	ئارزۇ مەندىن زىرىككەن چېغى ، نادامەتتە قويدى كىشىنى . ...................................... بۇ مىسرادىكى «ئارزۇ» دىگەن سۆزنى «ئارزۇ-ئارمان» دىگەندىكى ئارزۇ دەپ چۈشىنىشنى ياكى ئادەم ئىسمى دەپ چۈشۈنىشنى بىلمىدىم، قارىسام ھەر ئىككى خىل مەنادا چۈشەنسە بولىۋىرىدىغاندەك تۇيۇلدى ماڭا.  ئەڭ ياخشىسى ئاپتورنىڭ ئۇستىلىقى دەپلا چۈشىنەي..     قوللىرىغا دەرت كەلمىگەي، ياخشى تىمىلار ئۈزۈلۈپ قالمىسۇن......

99sahrayi99

	راستىنلا بەك ئوبدان چىقىپتۇ!... قاپىيەلىرىمۇ دەل جايىدا، سۆزلىرىمۇ ئىنتايىن يېقىشلىق!... تازا قاملىشىپتۇ!... ھارمىغايسىز!...

abaytarim

	ئارزۇ ئىنسان ھاياتلىقىنىڭ سۇلماس قانىتىدۇر . تەشەككۈر سىزگە ...