سوقىچوف ھەققىدە مۇسەللەس(ساتېرا)

ئۇتغۇر

	سوقىچوف ھەققىدە مۇسەللەس (ساتېرا) ھەسەنجان ئابدۇراخمان ئۇتغۇر قانداق مىجەز، ئەھۋالىڭ، ياخشىمۇ سەن سوقىچوف؟ دائىم ‹‹پىرە›› ئوينايتتىڭ، باخشىمۇ سەن سوقىچوف؟ ئۇتتۇرىۋەتكەن لالمىدەك، پاخشىمۇ سەن سوقىچوف؟ يېزىۋەرسە تۈگىمەس، ناخشىمۇ سەن سوقىچوف؟ يازماي دېسەم ئەيىبىڭ، ھازىر ئەمدى بولمىدى، يا سۈخەنچى ئېغىزىڭ، قوغۇشۇندا تولمىدى، يا باشقىلار گېپىڭدىن، ئاغرىپ يېتىپ ئۆلمىدى، خالادىكى پوق پۇراق، تاختىمۇ سەن سوقىچوف؟ ئۇ ئىتتىرسە بارىسەن، سۆزلىرىنى كۆپتۈرۈپ، بۇ ئىتتىرسە قايتىسەن، ئىلگىركىنى چۆكتۈرۈپ، يالغاننى بەك توقۇيسەن، ھەر ئىككىنى ئۆلتۈرۈپ، كۆپۈك قاينار لېۋىڭدە، لاپچىمۇ سەن سوقىچوف؟ بارساڭ ئەركەك يېنىغا، ‹‹ئەركەك››مۇ بولالايسەن، قېرى جۇۋاندەك ياسىنىپ، ‹‹قىزچاق››مۇ بولالايسەن، سېرىكچىدەك ئۆزگىرىپ، ناز-كەرەش قىلالايسەن، پىچىۋەتكەن ئۆچكىدەك، ئاختىمۇ سەن سوقىچوف؟ كۆرسەڭ يۇۋاش، ئاجىزنى، تارتىسەن جىنايەتكە، چاپان يېپىپ بىراۋغا، ھەم شېرىك خىيانەتكە، چاپلاپ تېخى قارىنى، پاك ئىنساب دىيانەتكە، ئېيتقىنا سەن، پارىخور ساقچىمۇ سەن سوقىچوف؟ ‹‹ھاي!›› بېرىسەن بىراۋغا، خەيرىيەتنى توختىتىپ، شۇئان باشلاپ يامانغا، ئەسكىلەرگە ئوخشىتىپ، يېقىپ ئوتنى، پىلتىنى، تاماشانى قوزغىتىپ، سىركە مايغا مىلەنگەن، پاختىمۇ سەن سوقىچوف؟ بايان قىلدىم ئازراقلا، تېخى بارتى بىر قۇچاق، يېزىۋەرسەم ئەيىبىڭ، چىقىپ قالدى كۆپ قوشاق، سېنىڭ دەردىڭ ھېلىمۇ، يۈرەكلەردە بەك توشاق، كېيىن ئەمدى ئادەمدەك، ياشارسەنمۇ سوقىچوف؟! مەنبە: ھەسەنجان ئابدۇراخمان  ئۇتغۇر 2014-يىل 10-ئاينىڭ 11-كۈنى شەنبە تولۇقلىما مەزمۇن (2014-10-12 12:22 AM): ئالاھىدە ئەسكەرتىش: ماۋزۇ خاتا، توغرىسى: سوقىچوف ھەققىدە مۇرەببە

ئۇتغۇر

	‹‹سوقىچوف›› ـــــ سوقا +چوف.

arkyurt

	مۇخەممەس  مۇ   مۇسەللەس مۇ؟

ayguzal1

	تىلى ئۆتكۈر چىققان ساتېراكەن.... بىراق ‹‹سوقىچۇق››نىڭ مەنىسىنى چۈشەنمىدىم...

ئۇتغۇر

	ayguzal1 يوللىغان ۋاقتى  2014-10-11 11:06 PM تىلى ئۆتكۈر چىققان ساتېراكەن.... ‹‹سوقىچاق، يۇمىلاق تاۋۇز›› دېگەن مەنىدە.

ayguzal1

	ئۇتغۇر يوللىغان ۋاقتى  2014-10-11 11:14 PM ‹‹سوقىچاق، يۇمىلاق تاۋۇز›› دېگەن مەنىدە. ھە،ئەمدى چۈشەندىم....

sidam

	سوقىچوف ھەققىدە  مۇخەممەس مۇ  سوقىچوف ھەققىدە  مۇسەللەس  مۇ   ؟تېما ماۋزۇسىغاقاراڭ        ياخشى چىقىپتۇ   ساتىرا    ھەققانىيدەكلا  يېزىپسىز  ھارمىغايسىز

ئۇتغۇر

	sidam يوللىغان ۋاقتى  2014-10-11 11:36 PM سوقىچوف ھەققىدە  مۇخەممەس مۇ  سوقىچوف ھەققىدە  مۇسەللە ...    توغرىسى: ‹‹سوقىچوف ھەققىدە مۇرەببە››.    مۇخەممەس بەش مىسرالىق شېئىر شەكلى بولۇپ، ئۇنىڭدا: بىرىنچى كوپلېتىدا بەشىلا مىسراسى ئۆز-ئارا قاپىداش، قالغان كوپلېتلىرىدا ئالدىنقى تۆت مىسراسى ئۆز-ئارا قاپىداش،  بەشىنچى مىسراسى بىرىنچى كوپلېتتىكى مېسرالارغا ئۆز-ئارا قاپىداش كېلىدۇ.     مۇرەببە تۆت مىسرالىق شېئىر شەكلى بولۇپ، ئۇنىڭدا: بىرىنچى كوپلېتىدا تۆتىلا مىسراسى ئۆز-ئارا قاپىداش، قالغان كوپلېتلىرىدا ئالدىنقى ئۈچ مىسراسى ئۆز-ئارا قاپىداش،  تۆتىنچى مىسراسى بىرىنچى كوپلېتتىكى مېسرالارغا ئۆز-ئارا قاپىداش كېلىدۇ.

bulaksu2

	arkyurt يوللىغان ۋاقتى  2014-10-11 10:43 PM مۇخەممەس  مۇ   مۇسەللەس مۇ؟           ھېچقايسى ئەمەس. مۇخەممەس 5 لىك، مۇسەللەس 3 لىك بولىدۇ. بۇ مۇرەببە، يەنى 4 لىك...

sidam

	مۇسەللەس دىسە   مۇسەللەس  يادىمغا  كەپقاپتۇ .....