NASA: بۇ يىل 23-ئۆكتەبىر كۈنى قۇياش قىسمەن تۇتىلىدۇ

bilimxumar

	2014-يىلى 23-ئۆكتەبىر كۈنى قۇياش قىسمەن تۇتىلىدۇ بىلىمخۇمار 2014-يىلى 10-ئاينىڭ 11-كۈنى بۈگۈن ناسا 2014-يىلى 23-ئۆكتەبىر كۈنى قۇياشنىڭ قىسمەن تۇتىلىدىغانلىقىنى خەۋەر قىلدى.  ئاشۇ خەۋەرگە ئاساسلانغاندا، بۇ قېتىمقى كۈن تۇتۇلۇش ئامېرىكىنىڭ نيۇ يورك رايونلىرىدا 23-چىسلا نيۇ يورك ۋاقتى 5 تىن 44 مىنۇت ئۆتكەندە يۈز بېرىدىكەن.  بۇ قېتىمقى كۈن تۇتۇلۇشنى كۆرەلەيدىغان رايونلارنىڭ ئىچىدە ئاسىيانىڭ شەرىقى قىسمىمۇ بار بولۇپ، مەن تورلارنى ئىزدەپ، ئاسىيادا بۇ كۈن تۇتۇلۇشنىڭ سائەت قانچىدە يۈز بېرىدىغانلىقىنى تاپالمىدىم.  بۇنى ئېنىقلاشقا ئىمكانىيىتى بار قېرىنداشلار بار بولسا، ئۇلاردىن ئاشۇ ئۇچۇرنى تېپىپ، ئۇنى مۇشۇ يازمىنىڭ ئاخىرىغا ئىنكاس شەكلىدە يېزىپ قويۇشىنى ئۈمىد قىلىمەن. 1-رەسىم 1-رەسىم: 23-چىسلادىكى كۈن تۇتۇلۇش ئەڭ يۇقىرى پەللىگە يەتكەندە مۇشۇ رەسىمدىكىدەك كۆرىنىدۇ [1]. كۈن تۇتۇلۇش قانداق يۈز بېرىدۇ؟ كۈن تۇتۇلۇش پەقەت يېڭى ئاي كۈننىڭ ئالدىدىن ئۆتۈپ، ئاينىڭ كۆلەڭگىسى يەر شارى يۈزىگە چۈشكەندىلا  ئاندىن يۈز بېرىدۇ.  كۈننىڭ تۇتۇلىشى پەقەت يېڭى ئاي چىققاندىلا يۈز بېرىدۇ.  ئۇنداق بولىشىدىكى سەۋەب، بىز يەر يۈزىدە تۇرۇپ قارىغاندا، پەقەت يېڭى ئاي چىققاندىلا ئاي كۈننىڭ ئالدىغا ئۆتىدۇ.  ئەمما، يېڭى ئاي چىققان كۈنلەرنىڭ كۆپۈنچىسىدە ئاي كۈننىڭ جەنۇبى ياكى شىمالى تەرىپىگە بېرىپ قالىدىغان بولغاچقا، كۈن تۇتۇلۇش يۈز بەرمەيدۇ [2]. كۈن تۇتۇلۇشنىڭ قانداق يۈز بېرىدىغانلىقى تۆۋەندىكى 2-رەسىمدە چۈشەندۈرۈلگەن بولۇپ، بۇ رەسىمدىكى ئىنگلىزچە «Sun» دېگەن سۆزنىڭ ئۇيغۇرچىسى «قۇياش»، «Orbit of the Earth» نىڭ ئۇيغۇرچىسى «يەر شارى ئوربىتىسى»، ۋە «Orbit of the Moon» ئۇيغۇرچىسى بولسا «ئاي شارى ئوربىتىسى» دېگەندىن ئىبارەتتۇر. 2-رەسىم 2-رەسىم.   پايدىلىنىش ماتېرىياللىرى: [1] Oct 23, 2014 Partial Solar Eclipse <http://www.timeanddate.com/eclipse/solar/2014-october-23> [2] Partial solar eclipse for North America on October 23 <http://earthsky.org/tonight/part ... a-on-october-23>

arafat96

	ھە بىلۋالدۇق

ab8ob8

	بۇرۇن چوڭلار، ئاي تۇتۇلسا بىر ئاپەتنىڭ بېشارىتى، قۇياش تۇتۇلسىمۇ بىر ئاپەتنىڭ بېشارىتى دەپ سۆزلىگىنى ئېسىمدە، بىراق بۇ قاراشنىڭ قانداق ئاساسى باردۇ؟ ياكى ئۇلار ئۆزىچە شۇنداق ئاتىۋالغانمۇ؟ بىلىدىغانلار چۈشەندۈرۈپ قويساڭلار.

bulaksu2

	ab8ob8 يوللىغان ۋاقتى  2014-10-11 11:15 AM بۇرۇن چوڭلار، ئاي تۇتۇلسا بىر ئاپەتنىڭ بېشارىتى، قۇيا ...          ئۇ سۆزلەرنىڭ بەلگىلىك ئاساسىي بولىشى مۇمكىن. ھېچ بولمىسا، كۈن تۇتۇلسا زىرائەتلەرنىڭ پىشىىشغا تەسىرى بولىشى مۇمكىن. ئاتا-بوۋىمىز ئاساسسىز گەپ قىلغان ئەمەس.

ھۆكما

	كۈننىڭ تۇتۇلۇشى ... ؟                           ئالاھنىڭ ئۆزىگە ئاماينەت !    تېما ئىگىسىگە رەھمەت.

زەردار007

	2008-يىلى 8-ئاينىڭ1-كۈنى رايۇنىمىزدىمۇ قۇياش تۇتۇلغان....

qaxmazulal

	قانچىنچى يىللىقى يادىمدا قالماپتۇ ئەمما مۇشۇ يېقىنقى قانچە  يىل ئالدىدىلا بىزنىڭ بۇ يەردىمۇ شۇنداق تۇتۇلدىغۇ..قاپقاراڭغۇ بۇلۇپ كەينىدىن ئاي ئۆتۈپ بولغاندا ئېچىلدى.ھېلىقى كەپشەرلەش نىقابىدا ياكى قاپقارا كۆزەينەكتە قارىسا بەك ئېنىق كۆرەىلى بولغان كۈننىڭ ئۆزگىرىش ھالىتىنى...

feruq

	بىزنىڭ بۇ جايدىمۇ تۇتۇلامدىغاندۇ

ABC001

	ئالامەت يىڭى خەۋەر بوپتۇ بۇ ،بىزنىڭ دۆلىتىمىزدە ھىچ خەۋەر يوققۇ، ئالدىنقى ھەپتە ئاي تۇتۇلغان خەۋەرنىمۇ بەك كىيىن ئۇققان

izqel

	2008-يىللىرىغۇ دەيمەن،ئۇيغۇر ئاپتۇنۇم رايونى قۇمۇل ۋىلايىتى ئارا تۈرك ناھىيسىدە قوياشنىڭ تۇتىلغىنىنى كۈزىتىش ئۈچۈن چەتئەل مۇخبىرلىرى ۋە كۈزەتكۈچى ئالىملار بىلەن تۇلۇپ كەتكەن ئىدى.بۇ يىلقى كۈن تۇتۇلۇش مىنىڭ تۇغۇلغان كۈنۈمدە يۈز بىرىدىكەن.بۇنى ئاپەت دەپ قارىمايمەن.بەلكىم بىر ئالاھىدە ئورۇنلاشتۇرۇشتۇ.مۇنداقلا توغرا كىلىپ قىلىشتۇ.قالغىنى خۇداغا ئامانەت. ئەركىن ئاكا،قۇربان ھىيتىڭىزغا مۇبارەك بولسۇن.ئائىلىڭىزگە بەخىت،ئىشلىرىڭىزغا ئوڭۇشلۇق،تىنىڭىزگە سالامەتلىك،بالىلىرىڭىزغا تىخىمۇ ساپ ئەقىل ۋە ساغلام روھى ھالەت تىلەيمەن.