روبائىلار

boraogli

	روبائىلار ئەخمەتجان توختى ئاتامدۇر ھەققانى ئۇنىڭ ئوغلىمەن، ھەر ئىشتا ئۆزۈمگە ئۆزۈم توغرىمەن. ھەقنى دەپ ياشىدىم ئۆزگە نەزرىدە، مەيلىلا ئاتالسام لۈكچەك ،ئوغرىمەن. بەك تولا دىققەت قىل سۇخەنچى سۆزى، ماختاپلا يۈرۈيدۇ ئۆزىنى-ئۆزى. تۈگەشتىڭ گەر خاتا باستىڭ بىر قەدەم، مىڭ توغرا قەدەمنى كۆرمەيدۇ كۆزى. بېشىمنى كۆتۈرمەي تېخى سېلىقتىن، ۋەلېكىن ئۆتۈپتۇ يېشىم قىرىقتىن. باقىمەن شۇندىمۇ كۈلۈپ ھاياتقا، ئۈمۈدۈم ئۈزۈلگەي  قالسام تېنىقتىن. بەزىمىز ياشايمىز ئامەتكە بېقىپ، ئامەتتىن تۇغۇلغان راھەتكە بېقىپ. مەن لېكىن تىرىشتىم ھارمىدىم زىنھار، ئامەتسىز بولساممۇ تاقەتكە بېقىپ. مېيىپقا تەڭ قىلما ئەسلا داۋاننى، تىرىشسا ئەپ كېلەر دائىم راۋاننى. كۆزىدىن ئايرىلغان ئەما گاھىدا، ھاسسىدا تىترىتەر جىمى جاھاننى. مۈشكۈل ئۇ كىشىگە تەغدىر سېنىقى، بەرداشلىق بەرمەكلىك بولسا تېنىقى. شۇڭلاشقا بەزىلەر كۈلۈپ ياشىدى، سەۋەبى ئۈمۈتۋار جاۋاب ئېنىقى. كىشىنى گاھىدا غەملەر ئات ئېتەر، خوشاللىق دائىما سېنى يات ئېتەر. ئۈمۈدكە قېتىلسا تىرىشچانلىقىڭ، ئىرادە مۈشكۈلنى ھامان مات ئېتەر. كۈزەتسەم جاننى خېلىدىن بېرى، باراۋەر بىر مۇھىت نېرىكەن-نېرى. ‹ئېگىز›لەر ‹پاكار›غا گىدەيگەن بىلەن، ئۆزىدىن ئېگىزگە ئەگرىكەن بېلى. ۋالىدا،دېھقاندا نىمىدۇر پەرق، ئوخشاشلا بىر ئېنسان قانچىلىك نەرق. ھازىرچە ‹ئېگىز-پەس›بولسىمۇ ھامان، تەڭلىشەر بولغاندا تۇپراققا غەرق. كۆنەككە يېپىشما ئاچ كۆز بال سەۋەب، گاھ كەچمە جېنىڭدىن مۈلۈك-مال سەۋەب. ناشۈكرى ئىنساننىڭ قىسقىدۇر  ئۆمرى، قارماققا ئېلىنار بىلىق گال سەۋەب. ئىنسانلار دۇنياغا بەرھەق كەپ-كېتەر، كۆپلىرى ئۆز-ئارا شۇنچە ئەپ ئۆتەر. بەزىلەر نەپ ئۈچۈن كولاپ ئورىنى ئۆزگىگە، ۋىژداننى تولۇق   يەپ كېتەر. 2014-يىلى شەھىرى بورتالا

tuntaxvixi

	مۇھاببەت كۈيلەنگەن ئەسەرلەردىن مۇشۇنداق رۇبائىلارنى ياقتۇرىمەن ، سىزمۇ بورتالالىقكەنسىزدە ،يۇرۇتتداشكەنمىز

باشتۇغ

	بەك مەزمۇنلۇق يېزىپسىز ، ئىجادىيىتىڭىزگە ئۇتۇقلار يار بولسۇن .

TAXNAI2

	چوڭقۇر مەزمۇنلۇق رۇبائىلىرىڭىزدىن زوق ئالدىم ..ياخشى يېزىپسىز ،،،قەلمىڭىزگە بەرىكەت تىلەيمەن...

ئىبنۇرى

	روبائىي  تۈزۈپسىز مەناسى تىرەن، ئاڭقاۋلار ھەقكىمۇ قىلمايدۇ ئېرەن. مۇشۇنداق ھېكمەت تىغىلىرى بىلەن، تىلىملاپ دائىما ئىز ئويغان بەلەن.

ھۆكما

	ئاللاھ رەھمەت قىلسۇن ! قەلەم تۇلپارىڭىز كۆكتە پەرۋاز قىلىپ تۇرسۇن!   تىما ئىگىسىگە رەھمەت.

WIJDAN..?

	ياقتۇردۇم...

muhtar1214

	مەن شىئىر ئۇقۇغاندەك بوپقالدىمغۇ....

qaxmazulal

	تەپەككۇرىڭىز يەنىمۇ قاناتلانسۇن،قەلەملىرىڭىزگە يەنىمۇ بەرىكەت تىلەيمەن. تىما تەھرىرلىگەندە ھەربىرى ئارلىققا بىر بەلگە بىلەن ئايرىۋېتىدىغان ئىشتىكەنتۇق ھە.

ap~qilam

	تەپەككۇرلىرىڭىز دائىم تامچىلاپ تۇرسۇن قېرىندىشىم