توك پۇلىنى يان تېلېفۇن ئارقىلىق تۆلەش كەسپى يولغا قويۇلدى

tuntaxvixi

	توك پۇلىنى يان تېلېفۇن ئارقىلىق تۆلەش كەسپى يولغا قويۇلدى يېقىندا، دۆلەت ئېلېكتر تورى ئۈرۈمچى توك بىلەن تەمىنلەش شىركىتى بىلەن جۇڭگو تېلېگرافى شىنجاڭ شىركىتى بىرلىشىپ، توك پۇلىنى يان تېلېفۇن ئارقىلىق تۆلەش كەسپىنى يولغا قويدى. بۇنىڭدىن كېيىن، ئۈرۈمچى شەھىرىدىكى دۆلەت ئېلېكتر تورى ئەقلىي ئىقتىدارلىق IC كارتىسىدىن پايدىلىنىدىغان توك ئىشلەتكۈچىلەر يان تېلېفۇنى ئارقىلىق ھەر ۋاقىت توك پۇلىنى تاپشۇرالايدۇ. تونۇشتۇرۇلۇشچە، جۇڭگو تېلېگرافىنىڭ يان تېلېفۇن ئارقىلىق پۇل تاپشۇرىدىغان ئابۇنىچىلىرى يان تېلېفۇن ئارقىلىق پۇل تاپشۇرۇش تور پونكىتى ۋە يان تېلېفۇن ئابۇنىچىلار مۇلازىمەت سۇپىسىدىن ئىبارەت ئىككى خىل ئۇسۇلدا ھىسابات نومۇرىنى كىرگۈزۈش ئارقىلىق ئۆز ئۆيىنىڭ توك ئىشلىتىش ئەھۋالىنى ھەر ۋاقىت سۈرۈشتۈرەلەيدىكەن ھەمدە بانكا كارتىسى ياكى «يان تېلېفۇن ئارقىلىق پۇل تۆلەش» ھېساباتىدىكى قالدۇق پۇل سوممىسى ئارقىلىقمۇ ھەر ۋاقىت توك پۇلىنى تاپشۇرالايدىكەن. بۇ كەسپ-- ئاپتونوم رايونىمىزدىكى سۇ، توك قاتارلىق خەلق تۇرمۇشىغا زۆرۈر بولغان ساھەلەردە يان تېلېفۇن ئارقىلىق پۇل تاپشۇرۇش جەھەتتە بۆسۈش ھاسىل قىلغان. نۆۋەتتە، ئۈرۈمچى شەھىرىنىڭ بېيجىڭ يولى، غەربىي شىمال يولى، جۇڭسەن يولى قاتارلىق جايلىرىدىكى 10 تېلېگراف تىجارەت زالىدا، دۆلەت ئېلېكتر تورى كەسپىدە يان تېلېفۇن ئارقىلىق پۇل تۆلەش مۇلازىمىتىنى ئورۇنلاشتۇرۇش خىزمىتى ئورۇنداپ بولۇندى. بۇنىڭ بىلەن، ئۈرۈمچى شەھىرىدىكى دۆلەت ئېلېكتر تورى ئەقلىي ئىقتىدارلىق IC كارتىسىدىن پايدىلىنىدىغان توك ئىشلەتكۈچىلەر يان تېلېفۇن ئارقىلىق پۇل تۆلەشنىڭ قۇلايلىق مۇلازىمىتىدىن بەھرىمەن بولىدۇ. ئىگىلىنىشچە، يان تېلېفۇن ئارقىلىق پۇل تاپشۇرۇش-- جۇڭگو تېلېگراف شىركىتى يولغا قويغان بىر تۈرلۈك مۇلازىمەت بولۇپ، جۇڭگو تېلېگرافى ھەر بىر ئابۇنىچى ئۈچۈن «يان تېلېفۇن ئارقىلىق پۇل تاپشۇرۇش» ھېساباتى تەسىس قىلىدىكەن. ئابۇنىچىلار بۇ ھىساباتنى رەسمىي ئاچقاندىن كېيىن، پۇلنى مەزكۇر ھېساباتقا كىرگۈزىدىكەن. دېمەك، بۇنداق بولغاندا ئېنتىرنت تورى، يان تېلېفۇندا تورغا چىقىش، قىسقا ئۇچۇر، ھەمتۈرتكە شەكىلدىكى ئۆز ئارا سۆزلىشىش ئارقىلىق پۇل تاپشۇرۇش قاتارلىق يۈز- تۇرانە مۇلازىمەتسىزمۇ توك پۇلىنى تاپشۇرغىلى بولىدىكەن. مەنبە :شىنجاڭ رادىئو تورى

م.زۇنۇن

	ۋاي ۋاي ۋاي  ھەجەپ ياخشى بوپتۇ ... ھازىرچە  ئۈرۈمچى شەھىرىدىلا يولغا قويۇلۇپتۇدە   تېزراق بىزنىڭ يۇرتلارغىمۇ كەسە بوپتىكەنتۇق

tuntaxvixi

	م.زۇنۇن يوللىغان ۋاقتى  2014-10-10 12:10 PM ۋاي ۋاي ۋاي  ھەجەپ ياخشى بوپتۇ ... ھازىرچە  ئۈرۈمچى ش ... سىزنىڭ يۇرتىڭىزغا كەلسە بىزنىڭكىگىمۇ كەلدى دىگەن گەپ،بىلىشىمچە سىز جىڭ ناھىيىسىدىنغۇ دەيمەن

م.زۇنۇن

	tuntaxvixi يوللىغان ۋاقتى  2014-10-10 12:43 PM سىزنىڭ يۇرتىڭىزغا كەلسە بىزنىڭكىگىمۇ كەلدى دىگەن گەپ ... ھەئە ... سىزمۇ بورتالا تەۋەسىدىنكەنسىزىدە بىر يۇرتلىقكەنمىز ئەمسە

يولتۇز

	ياخشى ئىش بوپتۇ .

alhumar137

	بۇمۇ كۆپ قولاي ئىش ئۆيدە ئولتۇرۇپلا قاراڭغۇدا قالمىغىدەكمىز

بانكىر

	توك پۇلىنى خوجىلىق شىركىتى ئارقىلىق تاپشۇرىدىغانلار بۇنداق تور ھىساباتى ئارقىلىق پۇل تاپشۇرالماسلىقى مۇمكىن.

altaxna1

	خوتەندە قاچان ئۇمۇملىشار

كارۋان@

	بىزنىڭ  يۇرۇتلارغمۇ  تىزرەك  كەلسە   بوپتىكەن

bityon3

	توك   سائىتىگە  نىمىنى  سالامىز   ئەمدى ،،،،