راك كېسىلىنىڭ 10 چوڭ ئالامىتى

ئاچارى

	راك كېسىلىنىڭ 10 چوڭ ئالامىتى                                       ئابدۇغېنى ساۋۇت ئاچارى 1. بەدەننىڭ ھەرقانداق يېرىگە مونەك پەيدا بولغان ۋە بارا- بارا يوغىنىغان بولسا؛ 2. بەدەننىڭ ھەرقانداق يېرىگە يارا پەيدا بولسا ۋە بو يارا ئۇزۇن مۇددەت داۋالىسىمۇ پۈتمىسە؛ 3. ئوتتۇرا ۋە چوڭ ياشلىق ئاياللارنىڭ جىنسىي يولى رېتىمسىز قانىسا ياكى ئاق خۇن كۆپ بولسا؛ 4. تاماق يېگەندە تۆش سۆڭىكىنىڭ ئارقا قىسمى ئېسىلىپ كۆيۈپ ئاغرىسا، مەيدىسىگە بىر بەرسە تۇرۇپ قالغاندەك سېزىلسە ياكى يۇتۇش قىيىنلاشسا ۋە قىيىنلىق بارغانسىرى ئېغىرلاشسا؛ 5. قۇرۇق يۆتەل ئۇزۇن مۇددەت داۋالىسىمۇ ساقايمىسا ياكى بەلغەم ئارىلاش قان كەلسە؛ 6. ھەزىم قىلىش ناچار بولسا، بۇ ناچارلىشىش بارغانسىرى ئېغىرلىشىپ ئۇرۇقلىسا ۋە بۇنىڭ سەۋەبى ئېنىق بولمىسا؛ 7. چوڭ تەرەت قىلىش تەرتىپى-ئادىتى ئۆزگەرسە، چوڭ تەرەت قارامتۇل ياكى قان ئارىلاش كەلسە؛ 8. بۇرۇن پۈتۈپ بۇرۇندىن قان كەلسە، باشنىڭ يېرىمى ئاغرىسا ياكى شۇنىڭ بىلەن بىللە بىر نەرسە ئىككى كۆرۈنسە؛ 9. قارا سۈگەل تۇيۇقسىز يوغىنىسا ياكى قارا سۈگەلنىڭ ئۇچى بۇزۇلۇپ يارىلىنىپ ئاسان قانىسا؛ 10. ئاغرىقسىز قان سىيسە. يۇقىرقى ئالامەتلەر ھەر خىل راك كېسەللىكىنىڭ سىگناللىرى ھېساپلىنىدۇ.                                        -‹‹جاھىل خاراكتىرلىك كېسەللەرنى داۋالاش›› ناملىق كىتاپتىن

篮球美女

	مۇشۇ ئېغىر كېسەل بولۇپ قىلىشتىن ئاللاھ ئىگەم ساقلىغاي ~

م.زۇنۇن

	بەدبۇي كىسەللەردىن خۇدايىم ئۆزى ساقلىسۇن ...

sawapkar

	بەدەن فىزىئولوگىيىلىك قانۇنىيەت بويىچە سىرتتىن ئوزۇقلۇقنى قوبۇل قىلىپ، قۇۋۋەتكە ئايلانغاندىن كېيىن ئۇنى زاپاس ساقلايدۇ ھەمدە   كونا ھۇجەيرىلەر ئۆلگەندىن كېيىن   سۇرۇپ چىقىرىۋېتىپ،   زاپاس قۇۋۋەتتىن پايدىلىنىپ   يەنە يېڭى   ھۇجەيرىلەرنى   يېتىشتۈرۈپ تولۇقلاپ تۇرىدۇ، ئەگەر ھەر خىل   سەۋەپتىن سىرتتىن   يېتەرلىك   ئوزۇقلۇق قۇبۇل قىلالماي، زاپاس ئېنىرگىيە كەملەپ كەتسە ، ساغلام ھۈجەيرىلەرنى تولۇقلاش سۈرئىتى ئاستىلاپ كېتىدۇ، نەتىجىدە   ھاسىل بولۇپ تۇرىدىغان ساغلام ھۇجەيرىلەرنىڭ سانىدىن ئۆلۈپ تۇرىۋاتقان ھۈجەيرىلەرنىڭ سانى ئېشىپ كېتىپ، ئادەم قېرىشقا باشلايدۇ. ئەگەر   بەدەننىڭ مەلۇم قىسمىدىكى ھۇجەيرىلەرنىڭ ئۆلۈش سۈرئىتى قايتا يېتىشتۈرۈپ تۇلۇقلاش سۈرئىتىدىن   ئېشىپ كەتسە  شۇ ئورۇندا كېسەل پەيدا بولىدۇ،ئەسلى قانۇنىيەت بويىچە   مېڭىدىن كەلگەن بۇيرۇق   بويىچە   كونا ھۈجەيرىلەر ئۆلمەي زەھەرلەنگەن   ئۇزۇقلۇقنى خاتا قوبۇل قىلىۋېلىپ   ئېزىپ كېتىپ داۋاملىق كۆپەيسە   راكقا ئايلىنىپ كېتىدۇ . مانا بۇلار كېسەل بولۇش قانۇنىيىتى .

bulaksu2

	بۇ كېسەلنىڭ ئىسمىنى ئاڭلىسام، قويقا چاچلىرىم تىك تۇرۇپ كېتىدۇ. بالىلىرىمنىڭ ئانىسى مۇشۇ كېسەل بىلەن 3.5 يىل يېتىپ، ئىككى قېتىم چوڭ ئوپراتسىيە قىلىنىپ، 512 مىڭ يۈەن (دوختۇرخانا خودەن يازغان پۇل. ئاتچوت قىلمىغانلىرى ۋە باشقا چىقىملار بۇنىڭ سىرتتىدا) پۇلنى خەجلەپ 37 يېشىدا ياغاچ ئاتقا مېنىدى (2007- يىلى 5- ئاينىڭ 22- كۈنى). بالىلارنى دەپ ھازىرغىچە دەرد تارتىۋاتىمەن. ئاللاھقا شۈكرىكىم، ئۇنىڭ تارتقان ئازابلىرىنى ھەر قېتىم ئويلىسام، بەدەنلىرىن تىكەنلىشىپ كېتىدۇ. ئىگىمىز ھېچقانداق بەندىسىگە بۇ كېسەلنى سالمىغاي...!

izqel

	ۋاي خۇدا،ئۇنىڭغا قارىسام بۇ يازمىدىكى ئالامەتلەر باردەكلا تۇرىدۇيا.تامىقى بەكلا ئاز،ئۆيدە ھەممە نەرسە تەييار بولمىسا.لىكىن تامىقى ئاز،ئورۇق،تىنى ئاجىز،ماغدۇر كام...قانداق قىلىدىغان ئىشكىن.تەكشۈرۈتسە يۈرەكتە مەسىلە بار دەيدۇ.يا بۇ ئۆزىنى كۈتەي دىمەيدۇ.تەكشۈرتسە باشقا چاتىقى يوق.30 ياشتىن ئاشقان بىر ئايال ئاران 40 كىلو كىلىدۇ.بۇمۇ نۇرمال ئەمەس.ئىككى كۈندە بىر قىززىيدۇ.ئاسما بىلەن ساقىيدۇ.يا كۈندىلا ئىسسىق كىلىدىغان تاماقنى جىق يىمەيمىز بولمىسا.ئۆتكەندە قەشقەردىن بىر قانچە ئايال دوختۇر كىسەل كۆرگەن،تەكشۈرتسەك ئۇنىڭ بەدىنىنى كىسلاتا ماددىلىق بەدەن دىدىمۇ يا كىسلاتالىق بەدەن دىدىمۇ ئىشقىلىپ...دورىسى كۆپ.ھەي خۇدايىم ساقلىغاي،سادىغاڭ كىتەي قىزلار.ساغلام بولۇڭلار جۇمۇ.

bagdowlat

	مىنىڭ 33ياشلىق خىزمەتدىشىم بۇ يىل 3-ئايدا راك دەپ داالانغان. 10-ئاينىڭڭ 2-كۈنى ئالەمدىن ئۆتتى.

padiqi1400

	ئاللاھ ھەممىمىزنى  بۇكېسەلدىن ساقلىسۇن

behishbagh

	bagdowlat يوللىغان ۋاقتى  2014-10-9 08:47 PM مىنىڭ 33ياشلىق خىزمەتدىشىم بۇ يىل 3-ئايدا راك دەپ داالان ... ئاللاھىم   ئاخىرەتلىكىنى   ياخشى  قىلغاي ، سابابىلار قاتارىدىن ئورۇن بەرگەي...