كۈتۈش(ئاينۇرى)

aynuri888

	كۈتۈش تۇرنىسا رەھىم ئاينۇرى ئاچقاندا كالىندار يېڭى- يېڭى بەت، ئۇلغۇيۇپ بارماقتا قەلبىمدە ھەسرەت. تۈنلەرنى كۈنلەرگە ئۇلايمەن، لېكىن تاپار دەپ سۆيگۈمىز تاڭلاردىن نۇسرەت. مۇڭلانغان تۇيغۇمدا خىياللار چىگىش، ئاقىدۇ يۈرەككە ئوتلۇق سېغىنىش. ۋىسالغا تەلپۈنگەن قاراقلىرىمدا، لەيلەيدۇ تۈتۈندەك ئاچچىق خۇرسىنىش. تولۇن ئاي كۆرمىدى پىغانلىرىمنى، يۇلتۇزغا بەرمىدىم پىنھان سىرىمنى. جۇدالىق دەردىدە قۇترىغان ھىجران، سارغايتتى غازاڭدەك مەزمۇت تېنىمنى. روجەككە تەلمۈرۈپ قارايمەن دائىم، پەلەككە يەتمىدى ئاھۇ- پىغانىم. سەرسانلار چۆلىدە قويغۇچە يالغۇز، ئالساڭچۇ بۇ جاننى ئۇلۇغ خۇدايىم سۆيگۈمدىن پايانداز سېلىپ يولۇڭغا، ئەقىدە گۈلىدىن  تىزىپ قولۇمغا. كۈتۈمەن سەۋىردىن ھالۋا پۈتكۈچە، ساداقەت زۇننارى ئېسىپ بوينۇمغا.

qaxmazulal

	مۇزلاپ كەتتى كۈتۈشلىرىممۇ، بېرەلمەيسەن ئاددىي يېپىنچا، سېغىنىشنى مەھكەم قۇچاقلاپ، قالىمەن ھەم بىر ئۆزۈم تەنھا.. بۇ كۈتۈشلەر تۈگىگەن ئەمەس،بىز كۈتۈشتىن ھەم كەچكەن ئەمەس.

5:20AM

	qaxmazulal يوللىغان ۋاقتى  2014-10-9 07:01 PM مۇزلاپ كەتتى كۈتۈشلىرىممۇ، بېرەلمەيسەن ئاددىي يېپىنچ ... بۇ كۈتۈشلەر تۈگىگەن ئەمەس،بىز كۈتۈشتىن ھەم كەچكەن ئەمەس. بۇ   خېتىڭىزنى ئىمزا قىلىپ قويىۋالدىم ئەيىپكە  بۇيرىماسسىز ھە؟

ap~qilam

	ساداقەت زۇننارى ئېسىپ بوينۇمغا، كۈتكىنىم نەلەردە قالغاندۇ ئەمدى، نەدامەت ئىچىدە چىكىمەن ھەسرەت، نە زۇننار ئاسقىنىم دار ئىكەن ئەسلى .

ئېزھار

	قولۇڭغا دەستە تىزىپ،  يۇلتۇزلاردىن   يوشۇرۇپ،  ئايغا  سېغىنىپ، كالىندار ۋاراقلىرىنى سەبىر بىلەن  يىرتىپ ،  كۈن - تۈندىكى   ئاشۇ كۈتۈشلىرىڭ   سىرى  ھامان    سىنى    كەلگۈسىڭدىكى  ئىنتىلگەن مەناغا ئېگە قىلىدۇ.روجەكلىرىڭدىن ئاي نۇرى چۈشكەندە-دوستۇڭ ئىزھارنىڭ سىرلىرىڭنى تېپىۋالغانلىقىنى بىلىپ قال.

aynuri888

	ئېزھار يوللىغان ۋاقتى  2014-10-9 09:04 PM قولۇڭغا دەستە تىزىپ،  يۇلتۇزلاردىن   يوشۇرۇپ،  ئايغا  س ... رەخمەت.

aynuri888

	تورداشلارنىڭ يازمامنى ياقتۇرغانلىقىغا رەخمەت.

ئېزھار

	يىرتىۋەتتىڭ چۈشۈڭدىكى نۇرغۇن ۋاراقنى، بىلمەيسەن سەن ئەتە نىمە يېزىشنى، سوغاق كوچا،سوغاق چىراق كىمنى يورۇتتى، يامغۇرۇڭ ھۆل قىلدى پۈتۈن كېچىنى. بىلىمەن مېھرىڭنى ئايغا بەرمەكچى، سەن ئاينى تاپمىساڭ جاندىن كەچمەكچى، كۈتىسەن،سەن كۈتكىن روجەك تۈۋىدە، سەن سۆيگۈ مېھىرنى تونۇپ يەتمەكچى.

kakkuk11

	مەيلى مارىس يەرشارىدا بول ، سۆيدى پەقەت كۈتۈشنى يۈرەك . كۈتۈشلەرنى سۆيگەن يۈرەككە ، بولدى مەڭگۈ سۆيۈلۈش تىلەك

musilina

	كۈتۈشلەردە ئۆتتى كۈن -تۈنلەر، دىدارىنى كۆرسەتمەس نىگار. يۈرەكلەرنى قىينايدۇ ھەسرەت، بۇ كۆزلەرىم ئۇيقۇدىن بىدار،