قۇربانىڭ بولاي سۆيگۈ يولۇڭدا (ناخشا تېكىستى)-مەرىپەت ئوغلى

maripatogli

	قۇربانىڭ بولاي سۆيگۈ يولۇڭدا (ناخشا تېكىستى) ئاپتۇرى :مەرىپەت ئوغلى تەنھا يۈرىمەن تىمتاس كېچىدە، يار سىنى ئەسلەپ ئازاپ ئىچىدە. ئۆتەر ھەر مىنۇت پىراقىڭ قىيناپ، باغرى تاشكەنسەن يارىم ئەسلىدە. قىلدىم سەن ئۈچۈن بارىمنى تەقدىم، ئەيلىدىم سىنى ھاياتىم-تەختىم. سەن بولغاچ گۈزەل بىلىنگەن ھايات، يۈز ئۆرۈپ كەتتىڭ،خار قىلىپ بەختىم. يۈرۈكۈم بولدى سەن ئۈچۈن قەسىر، ئەس خىيالىمنى قىلىپسەن ئەسىر. سۆيگۈڭدە  ماڭا كۈلۈپ باقمىدىڭ، زەپمۇ قىينىدى كاج پەلەك-تەقدىر. يار ۋاپاسىزلىق قىلساڭمۇ ماڭا، يەنىلا يۈرەك گۈلخاندۇر ساڭا. ئېنتىزار بولدۇم ئوتلۇق قولۇڭغا، قۇربانىڭ بولاي سۆيگۈ يولۇڭدا. 2014-يىلى6-ئاينىڭ16-كۈنى. شىنجاڭ مائارىپ ئېنىستىتۇتىدا يىزىلدى.

maripatogli

	قـايـان كـەتـتـىـڭ پـەرىـشـتـەم ئاپتۇرى:مەرىپەت ئوغلى قايان كەتتىڭ پەرىشتەم يۈرۈكۈمدىن ئايرىلىپ، كەتتى ھىجران ئوتۇڭدا سۆيگۈ گۈلۈم قايرىلىپ. يىشىم بىلەن سۇ سەپتىم يار يولۇڭغا تەلمۈرۈپ. سېغىنىشتا كۈل يۈرەك ،داۋا بولغىن بىر كۆرۈپ. جامالىڭنى سېغىنىپ كەتتىم كۈتۈپ زارلىنىپ، قايان كەتتىڭ پەرىشتەم يۈرۈكۈمدىن ئايرىلىپ. چېچەكلەيدۇ ھاياتىم گۈل بېغىڭغا قۇيۇلسام. يۈرۈكىڭگە سۆيگۈدە ئىللىق شامال تۇيۇلسام. ئاشىق يۈرەك جار سالار،ۋولقان كەبى ئوت بولسام. يۈرۈكىڭگە ۋولقاندىن تامغا بولۇپ ئويۇلسام. گۈلگە ئاشىق بۇلبۇلدەك قالدى يۈرەك باغلىنىپ، قايان كەتتىڭ پەرىشتەم يۈرۈكۈمدىن ئايرىلىپ. سىنى كۈنلەپ ئىزدىسەم تاپالمىدىم يىنىمدىن، يار ئازابىڭ نەشتەردەك ئۆتۈپ كەتتى جېنىمدىن. سەنسىز ئوڭۇم زەپىران،غېزا ئۆتمەس گىلىمدىن، يۈرسەڭمۇ سەن پەرۋاسىز كۆيۈپ قالدىم دىلىمدىن. يوللۇرۇڭغا تەشنامەن ،بىر قاراپ قوي قايرىلىپ، كەتمەي ئىشقى پىراقتا مەن جېنىمدىن ئايرىلىپ. 2014-يىلى 10-ئىيۇل شەھىرى خوتەندە يىزىلدى

maripatogli

	ئـەسـلـەمـدىـغـانـسـەن ئاپتۇرى : مەرىپەت ئوغلى گىتتار چالىمەن مۇڭلۇنۇپ تەنھا، ئەسلەپ مۇڭداشقان ئايدىڭ ئاخشامنى. يىللار ئۆتسىمۇ چىقمىدىڭ ئەستىن، ساڭىلا ئاتاپ ئىيتاي ناخشامنى. ھەر كۈنى ئاخشام يالغۇز قالغاندا، ئازاپتا يىغلاپ باستى ئېغىر مۇڭ. سۆيگۈ يولىدا،بەخىت بېغىدا، يۈرەلمىدىم مەن تۇتۇپ يار قولۇڭ. مەن سىنى ئەسلەپ سېغىنغان چاغدا، سەنمۇ يار مىنى ئەسلەمدىغانسەن. نەدە سەن ئۆزۈڭ،خۇشالمۇ كۈنۈڭ، ئۆزگىدىن سۆيگۈ ئىزدەمدىغانسەن. بەختىمنى ئىلىپ،ئوتلارغا سىلىپ، ئازاپتا مىنى قىينامدىغانسەن. 2014-يىلى 6-ئاينىڭ 15-كۈنى شىنجاڭ مائارىپ ئېنىستىتۇتىدا يىزىلدى

maripatogli

	بـەخـتـىــم ســەن ئـۆزۈڭ (ناخشا تېكىستى) ئاپتۇرى : مەرىپەت ئوغلى مۇھەببەت بېغىغا ئۆزۈڭ باشلىغان، سۆيگۈڭدە باھاردەك قەلبىم ياشنىغان. بىرلىكتە بەخىتكە قەدەم تاشلىغان، يارىم سەن بىر ئۆزۈڭ،بەختىم سەن ئۆزۈڭ. تۇنجى رەت سۆيگۈدە گۈل سۇنغان ئۆزۈڭ، جىنىمغا جان قوشار مېھىرلىك سۆزۈڭ، مەنسىز ھىچ كۈلەلمەس شەھلا كۆز-يۈزۈڭ، ھاياتتا بارلىقىم ،بەختىم سەن ئۆزۈڭ. مۇھەببەت يولىدا تەڭ داۋان ئاشقان، بەخىتتىن قەلبىمدە گۈل-چېچەك ئاچقان، سەن بولغاچ مىنىڭدىن دەرت-ئازاپ قاچقان، مەڭگۈلۈك سۆيگۈنۈم،بەختىم سەن ئۆزۈڭ. ئەقىدە-ئىخلاسىم،كۆيگۈنۈم ئۆزۈڭ، ھاياتتا چىن دىلدىن سۆيگۈنۈم ئۆزۈڭ، سېغىنىش-ئازاپتا قىينىغان ئۆزۈڭ، ئاھ گۈلۈم نەدە سەن؟ بەختىم سەن ئۆزۈڭ. 2014-يىلى 6-ئاي. ئۈرۈمچى

maripatogli

	ســەنـسـىـــز (ناخشا تېكىستى) ئاپتۇرى : مەرىپەت ئوغلى مۇھەببەتنىڭ سۆيگۈ بېغىدا، يۈرەلمەيمەن جانانىم سەنسىز، بۇ ھاياتنىڭ گۈلشەن بېغىدا، كۈلەلمەيمەن باھارىم سەنسىز. چىن سۆيگۈنىڭ ۋىساللىرىغا، يىتەلمەيمەن ئارمانىم سەنسىز. سۆيگۈ سىناق مەيدانلىرىدىن، ئۆتەلمەيمەن نىگارىم سەنسىز. تەشنالىقتا كۈتىمەن سىنى، كۈتكىنىمگە ئۆكۈنمەي سەنسىز. ئۆتتى كۈنۈم ھىجران ئازاپتا، بەخىتسىزمەن پەرىشتەم سەنسىز. سۆيگۈنىڭ ئوت-پىراقلىرىغا، چىدالمىدىم سۆيگۈنۈم سەنسىز. 2014-يىلى6-ئاي . ئۈرۈمچى

axek13999649893

	پۇلللۇقمۇ يا ھەقسىز مۇ  ئىۋۇ  سەنسىز دىگەن  شىئرنى نى  شاكىرجان ئوقۇدىغۇ

bahwanbiz

	تەكلىۋىم، ئۇيغۇر ناخشا ئىجادىيەت ساھەسىدە ئۆز رولڭىنى جارى قىلدۇرىشىڭنى ئۈمۈد قىلىمەن .قەلىمىڭ ياخشى ئىكەن ، كۆپەرەك ئىجاد قىلغىن ، ساڭا ئامەت يار بولسۇن

yollar

	بەزى مىسرالاردىكى دېيىلمىلەر بىر-بىرىنى رەھىمسىزلىك بىلەن رەت قىلىپ تۇرۇپتۇ!

maripatogli

	axek13999649893 يوللىغان ۋاقتى  2014-10-2 10:11 PM پۇلللۇقمۇ يا ھەقسىز مۇ  ئىۋۇ  سەنسىز دىگەن  شىئرنى نى  ش ... مەن بۇ ناخشا تېكىسىتلىرىنى ئۆز كەسپىمنىڭ تۈرىتكىسىدە  ئۆز قەلىمىم ئارقىلىق يىزىپ چىققان ، بۇ ناخشا تېكىستى ھەرگىزمۇ بىرەر ناخشىچىنىڭ ئىيىتقان ناخشا تېكىستى ئەمەس، قەلەم تەۋرەتكۈچىنىڭ ئەجىرىگە قارىغۇلاچە گەپ قىلماسلىقىڭىزنى تەۋسىيە قىلىمەن.

Janbar

	سەنسىز دېگەن تىكىست بىلەن شاكىرنىڭ ناخشىسىنىڭ تىكىسىنىڭ بېشى ئانچە مۇنچە ئوخشاپ قالىدىكەن. شۇڭا ئۈستىدىكى قېرىندىشىمىزمۇ شۇنداق دېگەن چېغى. چېچىلمىغايسىز مەرىپەت ئوغلى! ئۇتۇق تىلەيمەن!