تۇز: كەمتەرلىكنىڭ ئەڭ ياخشى ئوزۇقى __ مېھىر

.tuz.

	ئەسىىلامۇ ئەلەيكۇم قەدىرلىك مۇنبەرداشلار ھەممىڭلارنىڭ قۇربان ھېيتى ۋە دۆلەت بايرىمىغا مۇبارەك بولسۇن ! قوش بايرامدىكى قۇتۇق كۈنلىرىڭلار شاتلىققا چۆمسۇن ! بىر ھەمشىرە سىڭلىم تېلېفۇن قىلىپ  : « كەمتەرلىك پەزىلەتمۇ ؟ شۇ ھەقتە بىرەر ماقالا يازمامسىز ؟» دەپ سۇئال قويدى . جاۋابقا شۇنداق تەمشىلىۋىدىم ، بىتاقەتلىك بىلەن گەپ باشلاپ ، كەمتەرلىك قىلىۋەرسىڭىز ، ئاياغ ئاستىدا دەسسىلىپ كېتىشمۇ ھېچ گەپ ئەمەس خۇسۇسىدا سۆزلەپلا كەتتى ........ خوش ، كەمتەرلىك دېگەن زادى نېمە ؟  ئاۋۋال بۇنى ئۇنى مۇنداق مالاللىق بىلەن تىلغا ئالمىغىن ! ئۇنى ياراتقۇچى مېھرىبان ئاللاھ ھەركىملەرگە ئەمەس ، ئۆزى تاللىغانغىلا بېرىدۇ ...... ھوسۇلى ھەددىدىن زىيادە ئوخشىغان مېۋىلىك دەرەخنى كۆرگەنمۇسەن ؟ ۋەياكى ئېغىر يۈك كۆتۈرگەن كىشىنى بىر قېتىم ئېسىڭگە ئال ! كەمتەر ئادەممۇ ئەنە شۇنداق _ زېمىنغا ئېگىلگەن بولىدۇ ! كەمتەرلىكنىڭ ئانىسى __ ئىلىم ! ئۇ مۇرەككەپلىكتىن ئاددىيلىققا يېتىپ كەلگەن بۈيۈكلۈكتۇر! ئىنساننىڭ ئىلمى ئاشقانسېرى ، ياراتقۇچۇنىڭ مۆجىزىلىرىنى تونۇپ ھەيرىتى زىيادە بولۇپ بېرىۋىردۇ . ھاياتقا ، ئىنسانلارغا مۇھەببەت باغلايدۇ . چۈنكى ئەتراپتا ۋە ھەربىر ئىنساندا تالاي نېمەتنىڭ جەم ئىكەنلىكىنى ، ھەر نۇقتىدا مىڭبىر مۇرەككەپ جەريانلارنىڭ كېچىۋاتقانلىقىنى ھېس قىلغانسىرى ئۇلارغا ئىخلاسى ئاشىدۇ . ئىنسان بىلىمى ئاشقانسىرى ئۆزىنى بىلىمسىز ساناشقا باشلايدۇ ، قانچە بىلگەنسىرى ، بىلدىغانلىرىنىڭ شۇنچە ئاز ئىكەنلىكىنى ھېس قىلىپ يېتىدۇ . كىچىكلەپ ئۆزىنىڭ بۇ «ئوشۇق» چوڭ تۇتۇشىدىن ئۇيۇلۇشقا چۈشىدۇ . شۇنىڭ بىلەن كۆرۈگەنلا چوڭ_كىچىككە مۆجىزىگە يولۇققاندەك ئېھتىرام بىلدۇرۇپ سالام بىلەن كۈلۈمسىرەپ تەببەسسۇم قىلىپ كىچىك كۆڭۈل بولۇپ قالىدۇ . مانا شۇ كۆرنۈشتىكى ئادەم پاكلانغان ئادەمدۇر ، چۈنكى ئۇنىڭدىن « مەن دانامەن » « مەن بىلەرمەن » دېگەن تەكەببۇرلۇق كەتتى ، باشقىلارغا نىسبەتەن « سەن كىم ئىدىڭ » دەيدىغان كىبىر كەتتى. كىبىر ، تەكەببۇرلۇق ، مەنمەنچىلىك ئەتراپقا ھەم باشقىلارغا ئازاردۇر . بەندىلەرنى رەنجىتىش بولسا ئېغىر گۇناھى قىلمىشتۇر. بىز ئېسىل مەنىدىكى كەمتەرلىك ھەققىدە گەپ قىلۋاتىمىز . ئۇنى ئايرىم زەئىپلىكلەر بىلەن ئارلاشتۇرۋەتمەسلىك كېرەك . مەسىلەن : بىر كىچىك مىسال ئالساق ، ئىش ئورنۇڭدىكى خىزمەتدىشىڭ ناقولاي بىئەپرەك جايدا ئولتۇرۇپتۇ ، قارىساڭ ئىشىك ئوچۇق قاپتۇ ، ئۇنى سوغاق ئۇرمۇسۇن دەپ ئورنۇڭدىن قوپۇپ ئىشىكنى يېپىۋىتىپ قايتىپ كەلدىڭ : ئىككىنجى ، ئۈچۈنچى قېتىممۇ شۇ ئادەمگەرچىلىكنى تەكرارلىدىڭ . ئەممە خىزمەتدىشىڭ يەنە سەندىن ئۈمۈدۋار بولۇپ ، ئكزى جايىدىن مىدىرلىماي سەندىن شۇ ئىشنى يەنى تەكرار قىلىشىڭنى تاما قىلىدى ، سەن بۇنى قىلىۋەرسەڭ ، بۇ كەمتەرلىك ئەمەس ، سېنىڭ ئار- نومۇسۇڭنىڭ تۆۋەنلىكى بولىدۇ ! ئەسلىدە سەن كۆرسەتكەن ھۆرمەت ، خىزمەتدىشىڭ ئۈچۈن مۇكاپات ئىدى ، ئۇنىڭ ساڭا بەرگەن جاۋابى بولسا يۈزسىزلىك بولدى ! مەنسىتمەسلىك ،ياراتماسلىق بولدى ! بۇنداق ئادەم داۋاملىق ئىززەتكە مۇناسىپ ئەمەس ، شۇ يەردە ئۇنىڭدىن ئۆزۈڭنى تارتقىنىڭ ياخشى ! بولۇپمۇ بايلىقى ، مەنسىپى سەندىن يۇقۇرراق بولغانلار بىلەن ھۇششار مۇئامىلە قىل . ھەركەتلىرىڭ خوشامەتتىن نىرى بولسۇن ، سېنىڭ قىلىۋاتقان ياخشى كۆڭۈللىرىگە ئىتىبار قىلۋاتامدۇ يوق ، دىققەت قىل . ھەدەپ گەپ قىلۋاتساڭ گىپىڭنى تىڭشاپ ساڭا قىزغىنمۇ ؟ ئۇنىڭغا شۇنچە يىقىنلىشىپ بارساڭ ، ئۇ خۇشال بولۋاتامدۇ ياكى بىئاراممۇ ؟ ...... ۋاھاكازا . سەنمۇ ئاشنىڭغا ئوخشاش قەدىرلىك ! قەدرىڭىنى يوقىتىپ قويما ، ئەزىز قېرىندىشىم . چۈنكى سەندىكى سەن سېنىڭكى ئەمە ، ئاللاھنىڭ ئامانىتىدۇر ، ئۇنى ئىسراپ قىلىپ قەدىرسىز قىلىشقا ھېچقانداق ھەققىڭ يوق ! بىر ئالىم ئادەمنىڭ تېلېۋىزوردا چىققىننى كۆرۈپ ، ئەپسۇسلىنىشتىن كۆڭلۈم غەش بولدى ! مەن ئۇنىڭ غايەت مېھنەتكەشلىكىنى بىلەتتىم . شۇڭا ئۇنىڭغا ھۆرمىتىم ۋە ئىخلاسىم بار ئىدى . ئەممە ئۇ كىشىنى غەپلەت باستى : پالانى كىتابىنىڭ پالانى چاغدا شۇ ساھە بويىچە ئەڭ كاتتا ۋە ئەڭ مەشھۇر كىتاب بولغىننى ۋە ئاجايىپ شاۋ - شۇۋلار بىلەن تەقدىرلەنگىنى ھەققىدە كېرىلىش بىلەن ماختىنىپ سۆزلەيتتى. كىشى كەمتەرلىكتىن چىقتىمۇ ، دېمەك ، ئۇنىڭ مېغىزىنىڭ پۇچەكلەشكىنى ، ئىلمىنىڭ پاخاللاشقىنى شۇ . ئىنسانلار «ئىلىم» دەپ ، «ياخشىلىق» دەپ ناملىغان ئەمەللەرنى شۆھرەت تاپماق ئۈچۈن ئەمەس ، ئاۋۋال خەلقىنى ، ئاۋامنى رازى قىلىش ئۈچۈن ئادا ئېتىشلىرى كېرەك . سەل كېبىرلەندىڭمۇ ، تامام ، ساۋاپتىن ئايرىلدىڭ ! نەپس يولىغا كىردىڭ دېمەكتۇر ! سىڭلىم ، كەمتەر ئىنسانلارنى دەسسەپ ئۆتىدىغانلارنى ئۇچۇقداپ قويۇش كېرەك ، دەيسەن . قوي ، بۇ پىكرىڭدىن يان ، بىزنى كەمسىتىۋاتقان كىشىدىن كەم ئەمەسلىكىمىزنى بىلدۈرۈش ئۈچۈن مۇنازىرىگە كىرىشىپ ، پەزىلەت ئەمەللىرىمىزنى بىر - بىرلەپ سانىشىمىز كېرەكمۇ ئەمدى ؟ بۇ كىبىرغۇ ئاخىر ! بۇ باغرى تاشلىققۇ! ئاللاھ كۆرۈپ ، بىلىپ تۇرغان ، ئۆزىمىزنىڭ قانچىلىغان گۇناھلىرىمىز بار ! قانداق قىلىپ «مەن دېگەن ياخشى » دېيەلەيمىز ! ياراتقاندىن ئۇيالمايمىزمۇ ؟ خۇش ئاۋاز قىلدى ، ئەقلىڭنى زىيادە قىلدى _ئالىم بولدۇڭ ، دىلىڭنى نۇرلاندۇرۇپ ، تىلىڭغا بۇلبۇل قوندۇردى __ۋائىزلىق مۇقامىدا سەن . ئەمما بۇنىڭ بىلەن بۇرۇن تىكلەپ ماختنىپ ماختىنالمايسەن . چۈنكى ، بۇ نېمەتلەرنىڭ ئۆزى ساڭا ئىجارىگە ئامانەت قويۇلغان ، قايسىدۇر ۋاقىتتا قايتۇرۋېىلىشمۇ ئۇنىڭ قولىدا ۋە بۇ قايتۇرۋىلىش ھەر دەقىقىدە سادىر بولىشى مۈمكىن . سىڭلىم ، كەمتەرلىك مەقەمىدىن چىقما ، ئەگەر قوللىرى بىلەن يەلكەڭدىن بىسىپ ، سېنى پەسەيتىپ ، ئۆزلىرى ئاسمانغا ئۆرلەيدىغان لارغا ئۇچراپ قالساڭ ، سەۋر بىلەن بىرئاز سۈكۈت قىل . يەنى بىرئاز ئۇچۇرۇپ كۆرگىن ، ئۇلار شاردەك پاڭ - پۇڭ يېرلىدۇ . ئۇلارنىڭ قىسمىتى شۇنداق ، چۈنكى ئىچى بوش ئەمەسمۇ ؟ ................. مەنبە : مېھىر قالۇر مۇنبەرگە يوللىغۇچى ؛ تۇز 2014- يىلى 10- ئاينىڭ 2- كۈنى ئەزىزانە شەھرى قەشقەر

mercury

	كەمتەرلىك ھەققىدە خىلى ئەتراپلىق ياخشى پىكىرلەرنى ئوتتۇرىغا قويۇپلا ،  لىكىن بۇ ماقالىدە  كەمتەرلىك بىلەن مىھېر ئوتتۇرىسىدا بىرەر ئۆزگىچە موناسىۋەتلەرنى يورۇتىدىغان ئوخشايدۇ دەپ ئويلىغان ،  مەن ھىس قىلالمىدىمغۇ ؟  يا  ئۆزلىرى دەۋاتقان مىھېر  باشقا مەنىدە ئىپادە قىلىنغانمۇ ؟

kugul

	ئەسسالامۇ-ئەلەيكۇم!تۇز قانداق ئەھۋاللىرى؟ئۇزۇن بوپتىكەن مۇنبەردە كۆرمىگىلى مەنمۇ ھەم كۆپ چىقالمىدىم.ئامان-ئىسەن تۇرلىمۇ؟ بۇ تىما ياخشى يىزىلىپتۇ، ئۆزلىرى قەلەم تەۋرەتكەن تىما ئەمەسمۇ؟ مەنبەسىگە مېھىر قالۇر دەپلا .

kugul

	ھۆكۈمراننىڭ ئىنكاسى يوق؟ تۇرىدىيا

.tuz.

	kugul يوللىغان ۋاقتى  2014-10-2 07:53 PM ئەسسالامۇ-ئەلەيكۇم!تۇز قانداق ئەھۋاللىرى؟ئۇزۇن بوپتى ... ۋەئەلەيكۇم ئەسسىلام ! ئەسسىلامۇ ئەلەيكۇم ، يېتىپ كىلىش ئالدىدىكى قۇربان ھېيىڭىزغا مۇبارەك بولسۇن ! سىزنى ھەم مېنى شۇنداقلا مۇنبىرمىزدىكى بارلىق ئەزىز قېرىنداشلىرىمنى سالامەت قىلغان رەببىم ئاللاھقا سان - ساناقسىز ھەمدۇ- سانالار بولسۇن ، تەكرار- تەكرار شۈكۈرلەر بولسۇن . ئاللاھغا چەكسىز شۈكرى كۈڭۈل خانقىز ، كۈڭۈل بۆلۈپ ئەۋال سورغىنىڭىزدىن سۆيۈندۈم . مالاييىشانىڭ ئايرىپىلانىدەكلە يوقاپ كەتتىڭىزغۇ ؟ ھى ھى ھى ھى تېمىغا كەلسەك مېھىر قالۇر دېگەن كىتابنى ئوقۇپ ياخشى ئەسەردىن ئورتاق بەھرىلىنەيلى دەپ مۇنبەرگە يوللۇدۇم . قەلمىم تەۋرىمىگەن بولسىمۇ ئەممە قەلبىم راستىنلا تەۋرىدى . ھى ھى ھى ھى

kugul

	.tuz. يوللىغان ۋاقتى  2014-10-3 11:42 AM ۋەئەلەيكۇم ئەسسىلام ! ئەسسىلامۇ ئەلەيكۇم ، يېتىپ كىل ... ئاللاھقا شۈكرىلەر بولسۇن،مەنمۇ ئاللاھنىڭ ئىلتىپاتى بىلەن ئامان-ئىسەن تۇردۇم.شۇ ئايرۇپىلاندەك يۇقاپ كەتكىلى تاس قالغان ئىدىم،ئەمما ئاللاھنىڭ شەپقىتى بىلەن يۇقاپ كەتمىدىم.مانا مۇنبەردە يۈز كۆرۈشۈپتۇق.ئەمدى ئەسىرالىشىپ تۇرامىز،تىما ئارقىلىق قەلبىڭىزنىڭ تەۋرىگەنلىكىنى ھېس قىلغاندەك بولدۇمياخشى تىمىكەن