ئەسسالامۇ ئەلەيكۇم !!! ھۆرمەتلىك ئاتا ئانىلار ، كەمىنە سىرداش تېۋىپ تۆۋەندە سىزلەرنىڭ يۈرەك پارەڭلار بولغان ئاشۇ سەبىي بالىلىرىڭلارنى تەبىئي ئۇسۇلدا داۋالىتىشىڭلارنىڭ ئۇلارنىڭ ئەقلى ئىقتىدارى، بەدەن ساپاسىغا بولغان ئىجابىي تەسىرى ۋە كېلىپ چىقىش سەۋەبى ئېنىق بولمىغان، سۈنئىي بىرىكتۈرۈلگەن ساغلاملىق مەھسۇلاتلىرىنىڭ بالىلارنىڭ ئەقلى ئىقتىدارى ۋە بەدەن ساپاسىغا بولغان سەلبىي تەسىرى توغرىسىدا سىزلەرگە بىر -ئىككى ئېغىز سەمىمىي تەكلىپىمنى ئوتتۇرغا قۇيۇپ ئۆتمەكچىمەن !!!
كىشىلەرنىڭ ئىستىمال سەۋىيسىنىڭ ئېشىشىغا ئەگىشىپ سەبىي بالىلىرىمىزغا تاللايدىغان ساغلاملىق بۇيۇملىرىنى قانداق تاللاش كۆپ قىسىم ئاتا ئانىلار دىققەت قىلىدىغان مۇھىم نۇقتىغا ئايلاندى. بالىلار جەمىيەتنىڭ كىلەچىكى، مىللەتنىڭ ئۈمىدى ، ئۇلارغا ياخشى بولغان ئۇزۇقلىنىش ۋە ساغلام بولغان داۋالىنىش مۇھىتى ھازىرلاش ھەر بىر ئاتا ئانىنىڭ باش تارتىپ بولمايدىغان مەجبۇرىيىتى ھەم مەسئۇلىيتى .
كونىلاردا<< ساغلام تەندە ساپ ئەقىل >>، <<تەن ساقلىق زور بايلىق>> دەيدىغان ماقال-تەمسىل بار ! ئاشۇ ساغلام بولغان تەن ۋە ساپ بولغان ئەقىلگە ئىگە بۇلۇش ئۈچۈن ساغلام بولغان ئۇزۇقلۇق ۋە تەبىئي بولغان دۇرىلارنى ئىستىمال قىلىشنىڭ مۇھىملىقىنى تۇنۇپ يىتىش ئىنتايىن مۇھىم !
مىللىتىمىزنىڭ ئانا تېبابىتى بولغان ئۇيغۇر تېبابىتىمىزنىڭ بالىلاردا كۆپ ئۇچرايدىغان زۇكام، يۆتەل ، كالىتسىي كەملىككە قارىتا بىرىلىدىغان مۇنداق بىر نەچچە خىل دۇرىسىنى گەپلىرىم سەل تاققا تۇققا چىقىپ قالسىمۇ بىر تۇنۇشتۇرغۇم كېلىپ قالدى ، بۇ خىل كىسەللىكلەرگە بىرىلىدىغان دۇرىلار تۆۋەندىكىچە :
بالىلاردىكى زۇكامغا قارىتا ئىشلىتىدىغان ئۇيغۇر تېبابەت دۇرىلىرىدىن:
كاشكاپ جەۋھىرى، زۇكام جەۋھىرى قاتارلىق دۇرىلار بۇلۇپ بۇ دۇرىلارنىڭ بالىلاردىكى زۇكامغا بولغان تەسىرى غەرىپ تېبابىتىنىڭ خېلى مەن مەن دىگەن دۇرىلىرىدىن قېلىشمايدۇ !!!
بالىلاردىكى يۆتەلگە ئىشلىتىلىدىغان ئۇيغۇر تېبابەت دۇرىلىرىدىن :
زۇفا جەۋھىرى ، زۇفا شەربىتى ، سەرپىستان جەۋھىرى ، بادام جەۋھىرى ، لوئوقى بادام ، چىلخوزا جەۋھىرى ، لوئوقى چىلخوزا قاتارلىق دۇرىلار بۇلۇپ بۇ دۇرىلارنى يۈتەلنىڭ ھەرخىل خارەكتىرىگە قارىتا مۇۋاپىق، توغرا ئۇسۇلدا ئىشلىتەلىگەندە بالىلاردىكى ئۆپكە ياللۇغى ، سۇزۇلما خارەكتىرلىك كاناي ياللۇغى قاتارلىق كىسەللەرگە قارىتا ئاجايىپ ياخشى تەسىر قىلىدىغان بۇلۇپ ، بۇ دۇرىلارنى ئىشلىتىپ بالىلىرىنىڭ كىسەللىك ئازابىدىن قۇتۇلىشىغا بىرەر قېتىم سەۋەپ قىلىپ باققان ئاتا -ئانا ئامال بار باشقا تېبابەت دۇرىلىرىنى بالىلىرىغا ئىشلەتمەيدىغان دەرىجىدە ئۇنىڭغا ئاشىق بۇلۇپ قالغۇسى ھەمدە شۇنداق بۇلۇپ كەلمەكتە !
بالىلاردىكى كالىتسىي كەملىككە قارىتا ئىشلىتىلىدىغان ئۇيغۇر تېبابەت دۇرىلىرىدىن :
نارفىننە ئىچىملىكى، كالىتسىي تۇللۇقلاش ئىچىملىكى، نارفىننە جەۋھىرى ، ئامىلە نۆشدارى قاتارلىق دۇرىلار بار بۇلۇپ يۇقارقى دۇرىلار ۋە ئىچىملىكلەرنىڭ كالىتسىي تۇللۇقلاشتىكى رۇلى سىز بازارلاردا سېتىۋالىدىغان ، كۆزىڭىزنى ئالا چەكمەن قىلىۋېتىدىغان ،ئىسىل قاپقا ئورالغان ساغلاملىق مەھسۇلاتلىرىدىن كۆپ ياخشى ئىكەنلىكىنى بىلسىڭىز ئىدى ، بۇنداق كارخانىلارمۇ كۆپىيىپ كەتمەستىن بەلكى تەبىيلىكنى قوغلىشىدىغان ھالەت شەكىللىنىپ سىزنىڭ قايسى مەھسۇلات تەبىيدۇ دەيدىغان ئەنسىرىشىڭىزگە خاتىمە بىرەر ئىدى .
ئۇنىڭ ئۈستىگە يۇقارقى سۆزلەپ ئۆتكەن ئۈچ خىلدىكى كىسەلگە ئىشلىتىدىغان دۇرىلار تەبىئىي بۇلۇپلا قالماستىن خۇددى بىر چالمىدا ئىككى پاختەكنى سوققاندەكلا پەرزەنتىڭىزنىڭ ئەقلىنى ئاشۇرۇش ، تەپەككۇرىنى ئۇرغۇتۇش، ئاشقازان خىزمىتىنى ياخشىلاش رۇلىغىمۇ ئىگە .
يەنى يۇقارقى دۇرىلار تەركىبىدىكى بادام ، چىلخوزا،سەرپىستان قاتارلىقلارنىڭ بەلغەم بۇشىتىش ، نەپەس راۋانلاشتۇرۇش رۇلى بۇلۇپلا قالماستىن يەنە مىڭە خىزمىتىنى ياخشىلاش ، چاچ ئۆستۈرۈش، ئۇزۇقلۇق تۇللۇقلاش، ئەستە تۇتۇش قابىليىتىنى ئاشۇرۇش قاتارلىق خۇسۇسىيىتى بار .
شۇنداقلا يەنە كالىتسىي تۇللۇقلايدىغان دۇرا تەركىبىدىكى پىننە، ئامىلە، ئانار شەربىتى ، بېھى شەربىتى قاتارلىق دۇرىلارنىڭ كالىتسىي تۇللۇقلاشتىن سىرت يەنە ھەزىم ياخشىلاش ، بوي ئۆستۈرۈش، قۇرۇق ھۆنى پەسەيتىش، ئاشقازاننى قۇۋۋەتلەش، جىگەرنى ياشارتىش ، قان تۇللۇقلاش رۇلىمۇ بار بۇلۇپ ، سىز شۇ كىلىش مەنبەسى ئېنىق بولمىغان شۇ ئۇزۇقلۇقلارغا خەجلىگەن پۇللىرىڭىزنى بۇنداق تەبىئىي نەرسىلەرگە چىقىم قىلسىڭىز قوشلاپ ئۈنۈمگە ئىگە بۇلۇپ ، پەرزەنتىڭىزنىڭ ئۈسۈپ يىتىلىشىگە تېخىمۇ ياخشى مۇھىت ھازىرلاپ بىرەلەيسىز .
شۇنىڭ ئۈچۈن كەڭ خەلىق ئاممىسىنىڭ سەبىي بالىلارنىڭ داۋالىنىش ، ئۇزۇقلىنىش مەسىللىرىگە قارىتا يۇقارقىدەك چۈشەنچىلەرنىمۇ بىلىپ قويغاننىڭ زىينى بولماسلىقى مۈمكىن دىگەن نىيەتتە يۇقارقىلارنى سەمىمىي ئەسكەرتىپ ئۆتتۈم . يېزىقچىلىق ماھارىتىمنىڭ يىتەرسىزلىكى تۈپەيلى بەزى سۆزلەر جايىدا بولماي قالغان بولسا ئەپۇ قىلىۋېتىشىڭلارنى چىن كۆڭلۈمدىن ئۈمۈت قىلىمەن .
مەنبە : ئەلداۋا ئۇيغۇر تېبابەت مۇنبىرى سىرداش تېۋىپ www.aldawa.cn
يوللىغان ۋاقتى 2014-9-30 10:01:34 PM
