چوڭ رازمىرلىق جاۋاب

پەرۋەر

	چوڭ رازمىرلىق جاۋاب                                (ھىكايە) ‏ ‏شەھىرىمىزدىكى «ياخشى ئىش ئۈلگىلىرىنىڭ تەسىرلىك ئىش-ئىزلىرىنى تاللاپ چىقىش ۋە ئۇلارنى كەڭ خەلىق ئاممىسىغا بولىشىغا تەشۋىق قىلىش» پائالىيتىنىڭ تۈرىتكىسىدە ئىدارىمىزغا يىڭىدىن يۆتكىلىپ كەلگەن بىرقانچە مۇخپىرلار ناھايىتى ئالىراش بولۇپلا كەتتى. ‏يىڭى خىزمەتكە چۈشۈپ تۇنجى قىتىم سىرىتلاردىن خەۋەر توپلاۋاتقىچقىمىكىن، ئۇلار شۇنداق ئەستايىدىل بولۇشۇپ كىتىشكەندى. ‏بىرنەچچە كۈنلۈك ئەستايىدىل ئىز قوغلاپ تەكشۈرۈشدىن كىيىن ئۇلار بىر ياخشى پورتىرتىپدىن بىرنى بايقاشتى. ‏بۇ كىشىنىڭ ئىسمى كەمتەرباي خىجىلچانوف، بۇ يىل 45ياش. بويى ئىگىزمۇ ئەمەس، پاكارمۇ ئەمەس ئادەتتىكىدەك بىرخىللا. چوڭ دۈپدۈگىلەك يۈزىگە تولىمۇ كىچىك كۆرنىدىغان كۆزلىرىدىن، كۆينەكنىڭ ئەڭ يۇقردىكى بىرتال تۈگمىسىنىمۇ قالدۇرماي ئىتىپ، باريوقى نەچچە تال چاچلىرىنى يانغا چاپلاپ تاراپ يۈرىدىغان يۈرۈش-تۇرشىدىن بۇ كىشىنىڭ جەمئىيەتتە، ئاممىۋى سورۇنلارندا ناھايتى قائىدىلىك، ئىھتىياتچان كىشى ئىكەنلىكىنى بىلىۋىلىش بىزنىڭ يىڭى مۇخبىرچاقلارغا ئۇنچە ئاسان ئىش ئەمەس، ئەلۋەتتە... كەمتەرباي خىجىلچانوفنىڭ مۇخبىرلىرىمىزنى ئەڭ تەسىرلەندۈرگەن ئىشى بولسا ھەرگىزمۇ 70-يىللارنىڭ زىيالىلىردەك تۇرقى ئەمەس ئەلۋەتتە. مۇخبىرلىرىمىزغا ئەڭ تەسىر قىلغىنى بولسا خىجىلچانوفنىڭ  مەيلى كۈندۈز مەيلى كىچە بولسۇن، ئۆزىنىڭ كىچىگلىكىگە باقماي سۈۋەرەكتەك ماڭىدىغان توكسىكىلىتى بىلەن قاتناش قائىدىسىگە ئاڭلىق رىئايە قىلىپ، مەيلى ياز مەيلى قىش، قاتناش ساقچىسى بولسۇن-بولمىسۇن قاتناش قائىدىسىگە رىئايە قىلىپ، قىزىل چىراقدا تۇرغان دەرىجىدىن تاشقىرىسىمان ئاڭلىق تەلەتى ئىدى. مۇخبىرلىرىمىزنىڭ نەچچە ھەپتىلىك ئىز قوغلاپ تەكشۈرشىدىمۇ كەمتەرباي خىجىلچانوفنىڭ  بىرەر قىتىممۇ قائىدىگە خىلاپلىق قىلغىنىنى بايقىيالمىدى. ھازىرقىدەك قاتناش قائدىسى دىگەنلەر بىر تىيىنغا ئەرزىمەس بولۇپ كىتىۋاتقان، پىيادىلىكلەر موتسىكىلىتلاردىن، توكسىكلىتلار يۈك توشۇيدىغان كونتىيۇر ماشىنىلاردىن يول تالىشىپ ماڭىدىغان قائىدىسىز زامانلاردا بۇنداق قائىدىلىك بىرەسىنى ئۇچۇرتۇش، مىسالى ‹‹دىڭىزدىن يىڭنە ئىزدىگەندەك، كۆمۈر كاندىن ئالماس  ئۇچراپ قالغاندەك›› كىشىنى خوش قىلىشى تەبئىيلا بىر ئىشدە. شۇ تۈپەيلىدىن باشلانغان ‏ئايىغى ئۈزۈلمىگەن زىيارەتلەر، مەتبۇئات-تاراتقۇلارنىڭ «پوقنى ھالۋا كۆرسىتىدىغان»، مەدھىيە-ماختاشلارغا تولۇپ كەتكەن سەرلەۋھەلىك ماقالە- ئوبزورلىرىنىڭ ئايىغى بىرىپ، ۋىلايەت بويىچە چاقىرىلغان (ياخشى ئىش، ئۈلگىلىك شەخىسلەرنىڭ ئىش ئىزلىرىدىن دوكلات بىرىش) يىغىنى بىلەن تىخىمۇ ئەۋىجىگە چىقىدىغاندەك قىلاتتى. دىدارىنى تىلىۋىزۇرلاردىن، ‏نام-شەرىپىنى پەقەت ، گىىزىت-ژورناللاردىن ئاڭلاشقىلا مۇيەسسەر بولىدىغان ئاكابىر-تاكابىرلارنىڭ ھەممىسى يىغىلغان ۋىلايەتلىك يىغىن زالى ئىچى،پۈتۈن شەھەر بويىچە قىلىدىغان ئىشىنى شۇپىتى تاشلاپلا يىغىلغان ئىدارە-ئورگان، مەھەللە-كويلارنىڭ ئاكتىپلىرى بىلەن تولۇپ ئاجايىپ قاينام تاشقىن مەنزىرىنى ھاسىل قىلغان ئىدى. خىلى بۆلەك، تۈرى باشقا-باشقا تاراتقۇلارنىڭ ئىختىيارى مۇخبىرلىرى بۇيرۇق بويىچە ئالدىن  ئورۇنلاشتۇرۇلغان بولۇپ،  زىيارەت ئوبىكتى بولغان ئاكابىرلارغا ئىللىق تەبەسسۇمدا، ئالدىن تەييارلانغان زىيارەت ئورگىناللىرىنى سۇنۇش بىلەن پايپىتەك بولۇپ ۋاقىتنى ئۇتىۋاتقىنىغا قارىماي، ھىلىقى «ئىستىبادلىق» تاكابىرلارنىڭ بار-يوقى شۇنچىلىك،نەچچە قۇر كەلمەيدىغان تەييار ئورگىنالنى يادلاش ئەمەس، ئىملاسى بىلەن توغرا ئوقۇيالمايمۇ كۈننىڭ ۋاقتى پىشىنگە ئۇلاشتى. گىرىمى بىلەن كەيگەن كىيىمى مەخسۇس ئورۇندىن ئىجارىگە قىلدۇرۇلغان، تەلەتىنى كۆرگەن كىشىنى ئىختىيارسىز « پاخماباش ئانا»نى ئەسلىتىدىغان ‏يىغىن رىياسەتچىسىنىڭ ئىلان قىلغان يىغىن كۈنتەرتىبىدىن، بۈگۈنكى بۇ يىغىننىڭ كۈنچىقىشدىن تاكى  كۈن پاتارغىچە ئىلىپ بىرىلىدىغانلىقىنى پەرەز قىلىش تەسكە توختىمىدى. بىرىنجى قولنىڭ ئىككىنجىسى، مۇئاۋىننىڭ مۇئاۋىنى، «شورپىنىڭ شورپىسى، ئاغىنەمىنىڭ ئاغىنىسى»....... دىگەندەكلەر ھەربىرى ئايرىم-ئايرىم، ناھايتى قىزغىن ھالەتتە سۆزگە تەكلىپ قىلىنىپ، ئەل ياتقۇ باشلىنىپ تەرەپ-تەرەپدىن ئەسنەك-خورەكلەر باشلانغاندا، ئاران دىگەندە، سۆزلەش نۆۋىتى بۈگۈنكى يىغىننىڭ باش قەھرىمانى بولغان كەمتەرباي خىجىلچانوفقا كەلگەن بولدى. ‏ئۆمىرىدە ھەممە نەرسىدىن ئىھتىيات قىلىپ ،ھەتتاكى ئۆگزىگە قويغان شوتىنىڭ ئىككىنجى ۋاخىنىسىغا چىقىپ باقمىغان ئۈشبۇ زاتقا بۇنداق چوڭ يىغىندا، پۈتۈن قەۋمى-جامائەتنىڭ ئالدىدا، رەئىس سەھنىسىدە تۇرۇپ تۆت ئىغىز سۆزلىمەكنىڭ ۋەزنىنى بىر ئۆزى بىلمىسە..... كەسىپتە پىشقان ‏رىياسەتچى ساپمۇ-ساق 20مىنۇتلۇق ماختاش، مەدھىيە سۆزى بىلەن كەمتەرباي خىجىلچانوفنى سۆز تەكلىپ قىلىپ يىغىن ئەھلىنى شۇنداق قىزغىن  چاۋاك چالدۇرۋەتتىكى ، ئەييۇھەنناس،،،،،بۇ چاۋاكنى ئاڭلىغان ساراڭنىڭ ئوڭشىلىپ كىتىشىدە گەپ يوق. ‏-رىياسەتچى ‏ھۆرمەتلىك كەمتەرباي خىجىلچانوف، سىز ئىزچىل ھالدا قاتناش قائىدىلىرىگە ھۆرمەت قىلىپ، كەڭ جەمىيەتنىڭ ئورتاق قايىللىقىنى قوزغاپ، كەڭ خەلىق ئاممىسىنىڭ بىخەتەرلىكى ئۈچۈن جەمىئيەتكە ئۆزىڭىزنىڭ بىركىشىلىك ھەسسىڭىزنى قوشۇش جەريانىدىكى ئىش-ئىزلىرڭىزنى، جۈملىدىن يۈرەك سۆزلىرىڭىزنى قىسقا، ئاددى، تەسىرلىك قىلىپ يىغىن ئىشتىراكچىلىرىغا ئىيىتىپ بەرگەن بولسىڭىز. قەھرىمانىمىز كەمتەرباي خىجىلچانوف‏ رىياسەتچىنىڭ قىلغان سۆزلىرىنى راس دەپ ئويلاپ تەسىرلىنىپ كەتتىمۇ ياكى دەيدىغىنى بۇرۇندىن شۇ بولغىيمىتى ئۇنىسى بىزگە نامەلۇم، ‏كەمتەرباي خىجىلچانوفنىڭ ئورنىدىن تۇرۇپ كۆزىنى يۇمۇپ تۇرۇپ قىسقا، ئىخچام قىلىپلا- ‏«بۇ گەپنى قانچە قىتىم دىدىم. مىنىڭ ھەرۋاقىت قىزىل چىراقدا توختاپ، يىشىل چىراقدا مىڭىشىم پۈتۈنلەي ئۆزۈمنىڭ بىخەتەرلىكى ئۈچۈن، بىرەكىم ياكى جەمىئەت دىگەنلەر بىلەن راسلا ئالاقىسى يوق،،، يىغىن مەيدانىدىكى شۇنچىكى جىمجىتچىلقنى ،بىشىدىن بۇنداق ئوسال بولۇشلارنى تالاي ئۆتكۈزۈپ قاغدالما بولۇپ كەتكەن، پەقەت ئاۋازىلا ئوماق رىياسەتچىنىڭ  ماھىرلىق بىلەن سۆزنى ئالمان-تالمان ئوڭشاپلىۋىتىشىدىن ئەسلىگە كەلگەنمۇ بولدى. ‏ مۇخبىرلارنىڭ تەييارلاپ قويغان سۇئاللىرى، قەھرىمان بىلەن رەسىمگە چۈشۈشلەر،،تەقدىرنامە تارقىتىش،،،گۈل سۇنۇش،،، ئاشقان يىرىگە ۋىلايەتلىك ناخشا-ئۇسۇل ئۆمىكىنىڭ بىر ئايدىن بىرى دۈم يىتىپ،دۈم قوپۇپ تەييارلىغان چوڭ تىپتىكى ناخشا-ئۇسۇللۇق تىياتىرى،،،،،يىغىننىڭ ئاخىرلىشىش مۇراسىمى،،،،،قوشنا ۋىلايەتلەردىن تەكلىپ قىلىنغانلارنىڭ شەنىگە بىرىلىدىغان كەچلىك زىياپەتلەردىن ماۋۇ جاۋاپنىڭ رازمىرى سەل چوڭ بولۇپ كەتكەندەكلا. ئۆزى ئۈچۈنلا ياشاپ كەلگەن، جەمئەتكە نە زىيىنى، نە پايدىسى تەگمەيدىغان ئۇ كىشىنى بىرمۇنچە ئىشىدىن قويۇپ، شۇنچە ھەشەملەرنى قىلىشنىڭ نىمە پايدىسى بولغىنىنى رادىئو-تىلىۋىزىيە ئىدارىسىدىكى جاپاكەش، شۇنچە يىل ئىشلەپمۇ خىزمىتى مۇقۇم ئەمەس كوررىكتور، دىكتور يولداشلار « ھەپتىلىك مۇھىم خەۋەرلەر» قىلىپ ئىشلەپ تارقىتالىشىدا قىلچىلىك گۇمان يوق. ‏ئىشقىلىپ نىمە بولسۇن يىغىن تامام.   قاراڭ ئەنە، ھەممە ئۆزىنىڭ ئىشىدا. ئۇنتۇلغان قەھرىمانىمىز كەمتەرباي بولسا يەنە شۇ قىزىل چىراقدا. ‏ ‏          پەرۋەر 2014-يىلى 30-سەپەر ‏          ‏ ‏ ‏

ئۆچمەس

	لېكىنزە يىغىن دېگەننى كىچىگىدە ئەللەيگە قانمىغان ئادەم ئاڭلايدىغانلا نەرسىمىكى دەيمە، باشلىقلارنىڭ قولىدىكى قەغەزدىن ئۈزمەي تۇرۇپ بەزىدە ھىجىلەپ، بەزىدە شالىنى چاچرىتىپ تۇرۇپ ئېيىتقان نۇتۇقلېرى خۇددى ئانام ئېيىتقان ئەللەيگە ئوخشاش ئۇيقامنى كەلتۈرىدۇ،

akbarjan2015

	مۇنداق بىر ماقالە بارغۇ:ھەركىم ئۆز غىمىدە،مەدداھ پۇل غىمىدە

kamiljantohti

	بەزى جايلىرى بۇلۇمسىز ئالىمجاننى ئەسلەتتى. مۇكاپاتقا ئېرىشىشىڭىزگە تىلەكداشمەن!

tohmah

	مۇشۇ يىغىن دېگەننىزە. مەن تولۇق ئوتتۇرىدا ئوقۇۋاتقاندا بىر قېتىملىق ئاتا-ئانىلار يىغىنى شۇنچىلىك ئۇزۇن ئېچىلدىكى ،ئورۇندۇقتا ئولتۇرۇۋېرىپ سۆڭگىچىم ئاغرىپ كەتكەن.شۇندىن بۇيان ئورۇندۇقتا ئۇزۇنراق ئولتۇرۇپ قالسام سۆڭگۈچىم ئاغرىيدۇ دەيمەن .كۈلمەڭلارھەم مازاق قىلماڭلار .گېپىم راس .

izqel

	يامان قىززىق چىقىپتۇ بۇ ھىكايە...تىلغا بايكەنسىز.

TAXNAI2

	قەلمىڭىزمۇ خېلى پىششىق ئىكەن...ياخشى نەتىجە يار بولسۇن..

dillani

	نىمانداق كىيىچى كىشىسىز ،سىزھازىرقى بارلىق كىشىلىرىمىشنى بۇلىشىچە تىللاپ چىقىپسىز .شۇنداق مىنىڭ قىزىلچاراقتا تۇرقشقم پەقەت ئۆچۈم ئۈچۈنلا ،يەنە بۇمۇنبەردەتۇرىشىممۇ ئۆزۈم ئۈچۈن .     ھۆرمەتلىك باشقۇغۇچى مەن بەلكىم 10نەچچەكۈن توردا يوق بولىشىم مۇمكىن .ھەممەيلەننڭ قۇربان ھېيتىنى ئالدىن ئالقشلايمەن .

muhtar1214

	ئەمەلدار سورۇننى يامان ئەمەس ئېچىپ بىرىپ سىز، تىخىمۇ ياخشى ئەسەر يېزىشڭىزغا تىلەكداشمەن.

mahatjan

	قەلمىڭىزگە.ياخشى نەتىجە يار بولسۇن..