سالام ساڭا ناتونۇش يىگىت

malika706

	سالام ساڭا ناتونۇش يىگىت مەلىكە مۇھەممەت ھىلال قەدەملىرىم قالدى توختاپ ئىزىدا، مۈرەڭ يېنىك سوقۇلغاندا مۈرەمگە. يۈرىكىمدىن شۇئان كەلدى بىر نىدا، تىز تەبەسسۇم ئەيلە كۆيگەن يىگىتكە. ھېچبىر سۆزسىز كېتىپ قالدىڭ بىپەرۋا، سايەڭ قاچتى يۈرىكىمدىن يىراقلاپ. نەدىن كەلدى مەن غېرىپقا بۇ سەۋدا، شىرىن تاتلىق چۈشلىرىمنى ئازاپلاپ. قانداق سۆيگۈ بەردىڭ بۇنچە تىۋىشسىز، ھەر تىنىقنى ئوت ئىچىگە تاشلىدىڭ. چولپان ئىدى جۈپ كۆزلىرىم غۇبارسىز، دەريا-دەريا ھىجران سۈيى باشلىدىڭ. دىل سىرىمنى ئېيتارىمغا ئۆزۈڭ يوق، خىيالىمغا قانات قېقىپ كىرەرسەن، سۆيگۈ بېغىم مۇھەببەتسىز قۇپقۇرۇق، قاچانلاردا كېلىپ مېھىر بېرەرسەن. بىر ناتونۇش يۈرەك سىزىپ شېئىرغا، سىڭىپ كەتتىم قات-قېتىغا مۇڭلىنىپ. سالاملىرىم قالدى كېچە قوينىدا، تاپالماستىن ئىگىسىنى قىينىلىپ. ھېكايەت مەن بىلىپ تۇرۇپمۇ رەزىللىكىڭنى، كۈلكەمنى باشلىدىم جەبرى-جاپاغا. كۆرسەممۇ بىراۋغا يانداش ئىزىڭنى، سۆيگۈمنى تۇتقۇزدۇم سەن بىۋاپاغا. بىر قۇچاق ئەسلىمە قالدى يادىكار، مۇھەببەت بېغىمنى ۋەيران ئەيلىدىڭ. شىرىن ئوي-خىياللار بولدى مەدەتكار، ئاھ نېتەي بىر مېھىر سۆيگۈ بەرمىدىڭ. يۇيۇلدى يامغۇردەك كۆز ياشلىرىمدا، بىر كېچە قوينىغا تۆكۈلگەن ھەسرەت. ھەر نۆۋەت غەزەپلىك قاراشلىرىمدا، مۇھەببەت ئورنىنى ئالدى مىڭ نەپرەت. كەت يىراق قەلبىمنىڭ ئەزىز مېھمىنى، كەچكۈزدە سارغايغان ياپراق كەبى كەت. ئەلۋىدا سۆيگۈمنىڭ قاتىل مېھمىنى، سەن مەڭگۈ بىر قارا باسقان چۈش پەقەت. يامغۇر بولسام سۆيەرمىدىڭ يار قاچىسەن سۆيگۈمدىن قاچىسەن يىراق، بىر ئېغىز سۆزۈڭگە قىلىپ ئىنتىزار. مەن كېچەي دەيمەنۇ كەچمەيمەن بىراق، شۇ ئاسىي كۆزلىرىم سەندە بىقارار. باغرىڭنى كەڭ ئاچتىڭ يامغۇرغا قاراپ، چاڭقىغان يامغۇر ھەم سۆيدى مەڭزىڭگە. بىپەرۋا قەلبىڭدىن ياغدۇردۇڭ ئازاپ، چىلاندىم ئاھ يەنە ھىجران دەردىگە. مېھىرلىك باقىسەن يامغۇرغا ھامان، سەن كۈلدۈڭ بەك تاتلىق شۇنچە بىغۇبار. تامچىلاپ چۈشسەم گەر باغرىڭغا جانان، يېنىشلاپ-يېنىشلاپ سۆيەرمىدىڭ يار. [ بۇ يازمىنى پەرى تەھرىرلىگەن ۋاقتى 2014-9-29 01:20 PM ] [ بۇ يازمىنى Qabiljan تەھرىرلىگەن ۋاقتى 2014-9-30 12:09 PM ]

جاۋاھىر

	ياخشى يېزىپسىز يەنىمۇ  تىرىشىڭ!

جاۋاھىر

	ياخشى يېزىپسىز داۋاملىق تىرىشىڭ!

جاۋاھىر

	قارىغاندا دىۋاندا مەن ئولتۇرۇپتىمەن.

جاۋاھىر

	قارىغاندا دىۋاندا مەن ئولتۇرۇپتىمەن.

ghoja

	شېئىرلار چىن ھېسسىيات ۋە سەمىمىي قەلىب بىلەن يېزىلىپتۇ. مۇۋەپپىيىتىڭىزگە مۇبارەك بولسۇن!

ghoja

	شېئىرلار چىن ھېسسىيات بىلەن يېزىلىپتۇ، شۇڭا يۈرىكىمگە تەگدى. مۇۋەپپىقىيىڭىزگە مۇبارەك بولسۇن!

delawur

	ئەسسالامۇ ئەلەيكۇم قانداق ئەھۋاللىرى ؟    ئاخىرى مىسرانىمدا ئەسەرلىرىنى كورۈپتىمەن !!    ھىھىھىھى  نىم ئىشلار بىلەن  ئالدىراش  بوپ كەتلە ؟       شىئىرنى بۇرۇن كۆرگەن ئىدىم  ئارتۇقچە باھا  بەرمەي !  !!!

ili~oghli

	مۇڭ ئىچىدە مۇڭ!

ayguzal1

	‹‹ھېكايەت››بىلەن ‹‹يامغۇر بولسام سۆيەرمىدىڭ يار››دېگەن ئىككى شېئىرنىڭ شېئىرىي تىلى يېنىك چىقىپتۇ....... ياقتۇرۇپ ئوقۇدۇم.....