مەخەت ئابدۇرېھىم:مايمۇن مىجەز مەخلۇقلار(سۆز ئويونى)

mahatjan

	مايمۇن مىجەز مەخلۇقلار سۆز ئويونى مەخەت ئابدۇرېھىم مەمىلىكىتىمىزنىڭ مۇشۇ مەزگىلدىكى مائارىپى؛- مائارىپ مۇناسىۋەتلىرىنى ماھىيەتلىك ماسلاشتۇرۇپ،مەدەنىيەت مەنبىئەلىرىنى مۇستەھكەملەپ،مەرىپەت مۇنبىرىدىكى ماددى،مەنىۋىي مەدەنىيەت مۇساپىسىدە ماھارەتلىك مېڭىۋاتقاندا،مائارىپ مۇنبەرلىرىدە مەلۇم مىقداردىكى مايمۇن مىجەز مەخلۇقلار مەجبۇرىيەت مائارىپىنىڭ مۇقەددەس مۇناسىۋەتلىرىگە ماسلاشماي،مەجبۇرىيەت مائارىپىمىزنىڭ مەزمۇنلىرىنى ماتىلايدىغان مۇرەككەپ مەسىلىلەرنى مۇقۇملاشتۇرۋالدى. مەسىلەن،مەيلى مۇئەللىملەر،مەيلى مۇدىرلار،مەيلى مالىيە مۇلازىمەتچىللىرى مائارىپ مەيدانلىرىغا مەجبۇرلىمىسا ماڭمايدىغان،مائارىپ مۇساپىسىدىكى مەسئۇلىيەت-مەجبۇرىيەتلىرىنى مۇستەھكەملىمەيدىغان،مائارىپ مەزمۇنلىرىنى ماسلاشتۇرمايدىغان،مەرىپەت مىۋىللىرىگە مۇھتاج مەسۇملارنى مەڭسىتمەيدىغان،مائارىپنىڭ مەخسەت- مۇددىئاسىنى،مەرىپەتپەرۋەر مەيدانىنى مۇقۇملاشتۇرالمايدىغان <مىنوس>ماركىنى مىڭىسىگە مىخلىۋالدى . مەمىلىكىتىمىزنىڭ مائارىپ مىنىستىرلىكى مەجبۇرىيەت مائارىپىنىڭ موھىم مىزانلىرىنى مەمىلىكەت مىقياسىدىكى مەجبۇرىيەت مەسئۇللىغىدىكى مەكتەپ -مەكتەپلەرگە،مەھەللە-مەھەلىلەرگە مۇنتىزىم ماڭدۇرىۋاتقان موھىم مەزگىلدە،مەلۇم مىقداردىكى مايمۇن مىجەز مەخلۇقلار مەجبۇرىيەت مائارىپىمىزغا ماسلىشىپ ماڭمىدى. مايمۇن مىجەز مەخلۇقلارنىڭ مەجبۇرىيەت مائارىپىمىزغا ماسلىشالماسلىقتىكى مەخسىدى؛مەجبۇرىيەت مائارىپىنىڭ مۇساپىسىدىكى مەنزىلگە مۇستەقىل ماڭماسلىق،مۇددىئاسى مەنپىئەتنى مۇقۇملاشتۇرۇش ،مېھرى-مۇھەببىتى ماددى مۇكاپاتنى ماختاش،ماڭىدىغىنى مۇئاش ماركىلىق ماشىنا، مايمۇن مىجەز مەخلۇقلار مائارىپ مۇساپىسىنىڭ مۇناسىۋەتلىرىدە ماددى مەنپىئەتنى ماختاپ،مۇئاشنى مەدىھلەپ،مەرىپەت مەزمۇنلىرىدا موزايدەك مۆرەپ،مۈشۈكتەك مىياڭلاپ،مايمۇندەك مارىلاپ،ماغزاپتەك مەينەت ماڭقىسىدا مەيدىسىنى مايلاپ،مۇئاش ماركىلىق ماشىنىغا مىنمىسە ماڭالمايدۇ. مايمۇن مىجەز مەخلۇقلارنىڭ مەنىۋى مىڭىسى مەرەز مىكروپتەك مەينەت،ماددى مىڭىسى موميادەك مۇزلىغان.مەيدىسىدىكى مىخانىزىملىق موسكۇللار مال-مۈلۈك مىخىدا مىخلانغان. مائارىپ مۇنبىرىدىكى مەرىپەتپەرۋەر مىھرىبان مائارىپچىلار،ماھارەتلىك مۇئەللىملەر، مايمۇن مىجەز مەخلۇقلارنىڭ مەينەت مىڭىسىنى مەنىۋى مەدەنىيەت موھتىدىكى مەرىپەت مېيىدا مايلاپ،مەجبۇرىيەت مائارىپىنىڭ مەرۋايىتتەك مەنزىلىگە مەشئەلدەك ماڭدۇرايلى.مەدەنىيەت مىراسلەرىمىزدىن مەلۇمكى؛ماشىنا موتورسىز،موتور مايسىز ماڭالمىغاندەك ،مائارىپمۇ ماھارەتلىك مائارىپچىلار ماسلاشمىسا مەخسەتلىك مەنزىلگە مۇكەممەل ماڭالمايدۇ. مەخەت مۇئەللىمنىڭ مەخسەتلىك ماڭدۇرغان مىكرو ماقالىسى.

جاۋاھىر

	ئېسىل يازمىلىرىڭىز ئۈزۈلمىسۇن مەخەتجىنكا!

mehriya

	مىكرو ماقالىڭىز مېنىمۇ قايىل قىلدى . مۇشۇ مەزگىلدە پەقەت ئاشۇ مائاش ئۈچۈنلا كۈن ئۆتكۈزۋاتقانلار ئاز ئەمەس !

باشتۇغ

	مەخەت مۇئەللىمنىڭ مايمۇن مىجەز مەخلۇقلارىغا مۇبارەك .

korlaayxamsadir

	مەخەتچان مۇئەللىم  ئەھمىيەتلىك سۆز ئۇيۇنى يوللاپلا! رەخمەت، يەنە شۇنداق قىزىقارلىق تېما بولسا  يوللاپ بەرسىلە ، ئامان بۇلۇڭ!

bulaksu2

	مايمۇن مىجەز مەخلۇقلارنى مايماقشىتىپ ماڭدۇرۇپ، مايمۇنلار ماكانىغا ماڭدۇرىۋىتەيلى...

مەھمەت94

	مەخەەتچان مۇئەللىممۇ مەخسۇس مائارىپچىلار مەيدانىدىكى مۇلھۇسۇللۇق مۇئەللىم، مەخەتچان مۇئەللىم مائارىپىمىزدىكى مەيدانسىز مايمۇن مىجەز مەخلۇقلارنى مۇۋاپىق مەسخىرلەپتۇ.

Umidim

	ئىشقىلىپ ئىش تاپالمىسا دادىسىنىڭ يىغىپ قويغان ئانچە مۇنچە  پۇلى بىلەن مۇئەللىم بولۇپ قىلىۋاتقان مال دوختۇرى،سىستىرا ، ئادوكاتلار ، مۇئەللىملىكتە ئوقىغان تۇرۇپ يانچۇق سىنىقىدىن ئۆتەلمەي بىكار يۈرىۋاتقان مۇئەللىمچاقلار ...

b1a2g

	مۇئەللىمنىڭ تىل بايلىقى مولكەن. بۇ بىر تىل سەنئىتىگە كىرىدىغان سۆز ئويۇنى بولۇپلا قالماي خېلى مەزمۇنلۇق مىكرو ماقالە بولۇپتۇ. ئىلھاملىرىڭىز ئۈزلۈپ قالمىغاي مۇئەللىم .

TAXNAI2

	مۇبارەك....مەخەت مۇئەللىمنى مۇكاپاتلايلىمۇ  مۇنبەرداشلار؟