كېچىدىكى ۋەھىمە

شاكىرە320

	كېچىدىكى ۋەھىمە                                ئەنۋەر ئابدۇرۇسۇل تەرجىمىسى يېڭى دېھلىدىكى تاغامنىڭ ئۆيىگە بېرىپ بىر قانچە كۈن تۇرۇپ قالدىم .شۇ كۈنلەرنىڭ بىرىدە ئالىي مەكتەپتىكى ساۋاقدىشىم بىلەن بىللە يېڭى قۇيۇلۇۋاتقان كىنونى كۆرگىلى بېرىپ كەچ قالدۇق . ساۋاقدىشىمنى يولغا سېلىپ قويدۇم ، ئەمدىكى يولنى ئۆزۈم بېسىشىمغا توغرا كېلەتتى ، ھېچنىمىنى كۆرگىلى بولمايدىغان قاپقاراڭغۇ كېچىدە مېنى ھە دېگەندىلا سۈر باسقىلى تۇردى . شۇ ئەسنادا غەلىتە ياسىنىۋېلىپ كىتاب سېتىۋاتقان بىر بوۋايغا يۇلۇقۇپ قالدىم . غەلىتە ئىشقۇ بۇ ، شۇنچە كەچتىمۇ كىتاب ساتىمەن دەپ يۈرەمدىكىنە ، دېگەنلەرنى ئويلدىم . مەن يېقىن بېرىپ ئۇ بوۋايغا قارىدىم ، تاتىراڭغۇ چىراي بۇ بوۋاي ماڭا غەلىتە نەزەردە تىكىلىپ تۇراتتى . - بالام ، بىرەر پارچە كىتاب ئېلىپ قويمامسەن ؟- دېدى بوۋاي ئېغىز ئېچىپ . ئارقىدىنلا مەن ئۆزۈمنى پۇشايمانغا قالدۇرىدىغان ئىشتىن بىرنى قىلدىم . مەن بۇلارنىڭ  جىن - شەيتانلار توغرىسىدىكى غارايىپ ۋە خۇراپىي كىتابلار ئىكەنلىكىنى بايقاپ قالدىم ، شۇنداقتىمۇ ئارىسىدىن قىزىقارلىق كىتابتىن بىرنى تاللىۋالدىم . - بۇ قانچە پۇل ؟ - سورىدىم مەن . - بەك ياخشى كىتاب بۇ ، مەيلى ، 250 رۇپىيە بەر ،- دېدى بوۋاي . مەن ئەندىكىپ كەتتىم : - بۇ باھا بەك ئۆرە بۇلۇپ كەتتىمۇ قانداق ؟ بوۋاي ئۈندىمەستىن خۇنۈك كۆزلىرىنى ماڭا تىكتى . بوۋاينىڭ سۈرلۈك قاراشلىرىدىن قورقۇپ كېتىپ ، شۇئان يانچۇقلىرىمنى تەتۈر ئۆرۈۋەتتىم : مانا 200 رۇپىيە ، يېنىمدا ئاران مۇشۇنچىلىكلا باركەن . - بوپتۇ ، ئال ،- دېدى بوۋاي ،- لېكىن شۇ ئىش يادىڭدا بولسۇن ، ھەر قانداق ئىش بولشىدىن قەتئىينەزەر كىتابنىڭ ئەڭ ئاخىرقى بېتىنى ئاچقۇچى بولما! بولمىسا ، پۇشايماننى ئالىدىغان قاچا تاپالماي قالىسەن . مەن قورققىنىمدىن ، ۋاي ئانامەي ، دەۋەتتىم ئىچىمدە ، كىتابنى ئېلىپلا ئۆيگە ئۇچقاندەك چاپتىم . ئۆيگە قايتىپ كېلىپلا تاغامدىن بۇ ئەتراپتا كىتاب ساتىدىغان يايمىنىڭ بار - يوقلىقىنى سورىدىم . - نەدە ئۇنداق جاي بولسۇن ، بۇ ئەتراپتا ئەزەلدىن بىرەرى كىتاب يايمىسى ئېچىپ باقمىغان ، بۇنى سوراپ قالدىڭغۇ؟ - دېدى تاغام . بۇ گەپنى ئاڭلاپ جان- پېنىم چىقىپلا كەتتى : - ھېچنىمە ، مۇنداقلا سوراپ قويدۇم ،- دېيەلىدىم ئاران . مەن كارىۋاتقا چىققاندىن كېيىنمۇ خېلى بىر ۋاقىتلارغىچە كۆزۈمگە ئۇيقۇ كەلمىدى . ھېلى بوۋاينىڭ گەپلىرىنى ئويلىسام ، ھېلى كىتابنى ۋاراقلاپ باقاتتىم . سەھەر سائەت ئۈچلەر بولغاندا ، دېرىزىدىن سالقىن شامال كىرىۋىدى ، تېنىم جۇغۇلداپ كەتتى . شۇ ئەسنادا كىتابنىڭ ئەڭ ئاخىرقى بېتى ئېچىلىپ قالدى . مەن قىزىقىشىمنى باسالماي تىترەپ تۇرغان قوللىرىم بىلەن كىتابنى قۇلۇمغا ئېلىپ ، ئەڭ ئاخىرقى بەتكە كۆز يۈگۈرۈتتۈم . ئاھ خۇدا ! مەن راستىنلا پۇشايماننى ئالىدىغان قاچا تاپالماي قالدىم ! كىتابنىڭ ئەڭ ئاخىرقى بېتىگە :< ئەسلىي باھاسى 250 رۇپىيە ، سېتىشنى تېزلىتىش ئۈچۈن 10 رۇپىيەگە چۈشۈرۈلدى > دېگەن خەتلەر تۇراتتى.                                         مەنبە : تەرمىلەر ژۇرنىلى (چۈشىنىشلىك بۇلۇشى ئۈچۈن ئۈچىنچى شەخىس بايان شەكلىدىن  بىرىنچى شەخىس بايان شەكلىگە ئۆزگەرتىپ يوللاندى )

bagbax009

	بىردەمدىلا 240رۇپىيە زىيان بۇلۇپتۇ ئەمەسمۇ .مەن ئاخىرقى بېتىدە بىرەر ۋەھىمىلىك خەتلەر ياكى شۇنىڭغا ئوخشاش ھىكايىلەر بار ئوخشايدۇ دەپ ئويلاپتىكەنمەن.بوۋايمۇ يامانكەن ھە .

yehya

	يامان بوۋايكىنا ئاۋۇ

zulnuri

	bagbax009 يوللىغان ۋاقتى  2014-9-28 01:50 PM بىردەمدىلا 240رۇپىيە زىيان بۇلۇپتۇ ئەمەسمۇ .مەن ئاخىرقى ... 190 روپىيە دەڭە

bagbax009

	zulnuri يوللىغان ۋاقتى  2014-9-28 03:58 PM 190 روپىيە دەڭە ھە  شۇنداقكەن.راس 50رۇپىيە كاملاپ قالغانتى.

rabbey

	دەششەت ۋەھىمىلىك ئەسەر ئوقۇيدىغان بولدۇم دەپ كىرسەم مەن...

ayguzal1

	كېچىدىكى ۋەھىمىدىن بىر تىترەك ئولىشىدىغان بولدى دەپ كىرگەن ئىدى بۇ تېمىغا.... ئەپسۇس ئارزۇيۇمغا يېتەلمىدىم... ئا بالىمۇ تازا ئەخمەقكەن،كېچىدە كىتاب ساتقان بوۋايدىن قورقماي كىتاب سېتىۋالغاندىكىن...

mahatjan

	ئۇ بالىمۇ تازا ئەخمەقكەن،كېچىدە كىتاب ساتقان بوۋايدىن قورقماي كىتاب سېتىۋالغاندىكىن...

sanjay

	مىنىڭ ھىندىستاندىكى ئىشلىرىم بىردەمدە ژۇرنالغا چىقىپ بوپتۇدە

WIJDAN..?

	لاۋزا بىر ھىكايىمۇ بۇ...