ئەڭ ئېسىل بايلىق نەدە؟

تارىم

	ئەڭ ئېسىل بايلىق نەدە؟ ئابدۇغەنى توختى توغرۇل بىر زىيالىدىن: ئەڭ ئېسىل بايلىقىمىز نەدە؟ دەپ سورىدىم. كىتابخانىدا دىدى زىيالىي. بىر تېۋىپتىن سورىدىم: ئەڭ ئېسىل بايلىقىمىز نەدە؟ تەن ساقلىقتا دىدى تېۋىپ. بىر ئارخېولوگدىن سورىدىم: ئەڭ ئېسىل بايلىقىمىز نەدە؟ يەر شارىدا، بولۇپمۇ ئىنسانىيەت ئاياغ باسمىغان تاغ– ئېدىر. چۆل–جەزىرىلەردە – دېدى ئارخېولوگ. بىر جاھانكەزدىدىن سورىدىم: ئەڭ ئېسىل بايلىقىمىز نەدە؟ پادىشانىڭ خەزىنىسى بىلەن باي – غوجاملارنىڭ ئامبارلىرىدا – دېدى جاھانكەزدى. بىر ئوقۇغۇچىدىن سورىدىم: ئەڭ ئېسىل بايلىقىمىز نەدە؟ ۋەتەن– مىللەتنى سۆيىدىغان قابىل ئوقۇتقۇچىلاردا – دېدى ئوقۇغۇچى. بىر ئۆلىمادىن سورىدىم: ئەڭ ئېسىل بايلىقىمىز نەدە؟ تىلىمىزدا، دىلىمىزدا، ئېتىقادىمىزدا، دېدى ئۆلىما. دۇنيادىكى نوپۇزلۇق تىل– يېزىقتىن قانچىنى بىلىدىغان، ھەمىشە ئانا تىل يېزىقتىكى كىتاب – ژورناللاردىن سىرت باشقا تىل يېزىقتىكى كىتاب – ژورناللارنىمۇ قويماي كۆرىدىغان بىر دوكتۇر ساۋاغدىشىمدىن: ئەڭ ئېسىل بايلىقىمىز نەدە؟ دەپ سورىدىم. خەلىقچىل مۇھەررىرلىرىمىز ۋە ئۇلارنىڭ قان – تەر بەدىلىگە روياپقا چىققان ۋە چىقىۋاتقان كىتاب– ژورناللاردۇر– دېدى دوكتۇر ساۋاغدىشىم. ئاخىرىدا، خەلقنىڭ يۈكسەك ھۆرمىتىگە مۇيەتسەر بولغان خەلقپەرۋەر بىر مۇھەررىردىن: ئەڭ ئېسىل بايلىقىمىز نەدە؟ دەپ سورىدىم. ئەقلىمىزدە – دېدى مۇھەررىر كېسىپلا. مەن بۇ جاۋابنى ئاڭلاپ بۇ سوئال ھەققىدە ئەمدى يەنە باشقىلار بىلەن مۇنازىرلىشىشنىڭ قىلچە ئورنى قالمىغانلىقىنى تولۇق چۈشەنگەندەك بولدۇم. مەنبە: شىنجاڭ مەدەنىيىتى

دىلسىرى

	ساقلاپ قۇيدۇم . [s:2]

turukjan

	ئادەم ئەقىل بىلەن ئۈلچېنىدۇ ئەقىلسىز ئادەمنىڭ ھايۋان بىلەن نېمەپەرقى اللاھ قۇلېڭىزغادەرت بەرمىگەي   ئويلېنىشقاتېگىشلىك      رەھمەت.....  [s:10]

SULGANGUL613

	راسلا ئويلىنىشقا تىگىشلىك ئىكەن .

ALDIRAX

	ھەركاللىدا ھەرخىيال....مەنچە بولسا تەن ساقلىق،ئەڭ چوڭ بايلىقىمىز دەپ ئويلايمەن.

تارىم

	ھەركىمنىڭ جاۋابى ئوخشىمايدۇ.