NASA: بىر يېڭى ئالەم ئۇچقۇرى مارسنىڭ ئوربىتىسىغا كىردى

bilimxumar

	NASA: بىر يېڭى ئالەم ئۇچقۇرى مارسنىڭ ئوربىتىسىغا كىردى بىلىمخۇمار 2014-يىلى 9-ئاينىڭ 25-كۈنى ناسا نىڭ ئىنگلىزچە «MAVEN»  دەپ ئاتىلىدىغان بىر ئالەم ئۇچقۇرى 2014-يىلى 21-سىنتەبىر (يەكشەنبە) كۈنى مۇۋەپپەقىيەتلىك ھالدا مارسنىڭ ئوربىتىسىغا كىرىپ، مارسنى ئوربىتلاشنى باشلىدى.  بۇ ئالەم ئۇچقۇرى 2013-يىلى 18-نويابىر كۈنى ئالەم بوشلۇقىغا چىقىرىلغان بولۇپ، ئۇنىڭ مارسقا يېتىپ بېرىشىغا جەمئى 10 ئاي ۋاقىت كەتتى.   يەر شارىدىن مارسقا بارىدىغان ئالەم ئۇچقۇرى سائىتىگە 20 مىڭ كىلومېتىردىن يۇقىرى تېزلىك بىلەن ماڭىدىغان بولۇپ، ئادەتتە بۇ سەپەر ئۈچۈن 150 كۈندىن 300 كۈنگىچە ۋاقىت كېتىدۇ. 1-رەسىم 1-رەسىم: يەر شارىدىن يولغا چىققان بىر ئالەم ئۇچقۇرى كۈننى يېرىم چەمبىرەك ئايلىنىپ، كۈننىڭ يەنە بىر تەرىپىدە مارس بىلەن ئۇچرىشىدۇ.  شۇڭلاشقا بۇ سەپەرگە سائىتىگە 20 مىڭ كىلومېتىردىن يۇقىرى تېزلىك بىلەن ماڭىدىغان ئالەم ئۇچقۇرى ئۈچۈن 150 – 300 كۈن ۋاقىت كېتىدۇ.   «MAVEN»  دېگەن سۆز ئىنگلىزچە «مارسنىڭ ئاتموسفېراسى ۋە ئۇنىڭ تۇراقسىز تەدرىجى ئۆزگىرىشى» (Mars Atmosphere andVolatile EvolutioN) دېگەن سۆزلەرنىڭ باش ھەرىپىدىن تۈزۈلگەن. «MAVEN»  نىڭ ۋەزىپىسى مارسنىڭ ئاتموسفېراسىنىڭ ئەڭ ئېگىزدىكى قاتلىمىنى تەكشۈرۈشتىن ئىبارەت.  بۇ قېتىملىق تەكشۈرۈش ئارقىلىق ئىنسانلارنىڭ مارسنىڭ ئاتموسفېراسىنىڭ تارىخىغا بولغان چۈشەنچىسى تېخىمۇ چوڭقۇرلىشىدۇ.  شۇنداقلا ئىنسانلارنىڭ مارسنىڭ ھاۋا-كىلىماتى ۋاقىتلارنىڭ ئۆتۈشى بىلەن قانداق ئۆزگىرىش ھاسىل قىلغانلىقى، ئاشۇ ئۆزگىرىشلەر مارسنىڭ يۈزىدە پەيدا بولغان ئۆزگىرىشلەرگە قانداق تەسىرلەرنى كۆرسەتكەنلىكى، ھەمدە مارستا ئىنسانلارنىڭ ياشاش ئىمكانىيىتى بار-يوقلىقى ھەققىدىكى بىلىملىرىمۇ تېخىمۇ تولۇقلىنىدۇ.   2-رەسىم 2-رەسىم: كۈن ئولتۇرۇش ۋاقتىدىكى «MAVEN»  نىڭ مارس ئوربىتىسىدىكى بىر كۆرۈنىشى.  بۇ رەسىمنى ناسا نىڭ «Goddard» ئالەمگە ئۇچۇش مەركىزىدىكىلەر سىزغان. «MAVEN»  توغرىسىدا مەن بۇرۇن بىر تېما يوللىغان بولۇپ، بۇ ھەققىدە تېخىمۇ كۆپرەك بىلىمگە ئىگە بولۇشنى ئىستەيدىغان قېرىنداشلارغا ئاشۇ تېمىنى تەۋسىيە قىلىمەن.   ئۇ تېمىنىڭ تور ئادرېسى: ناسا: بۈگۈن يەنە بىر ئالەم ئۇچقۇرى مارسقا ماڭدى http://bbs.izdinix.com/thread-55891-1-1.html بۇ ماقالىنى ھېچكىمدىن سورىماي، مەنبەسىنى بەرگەن ئاساستا باشقا ھەر قانداق تورغا چىقارسىڭىز، ياكى ئېلكىتابقا ئوخشاش باشقا ھەر قانداق شەكىلدە ئىشلەتسىڭىز بولۇۋېرىدۇ. بۇ ماقالە بارلىق ئۇيغۇرلارغا مەنسۇپ. پايدىلىنىش ماتېرىياللىرى: [1] NASA's MAVEN Spacecraft Successfully Entered Into Martian Orbit http://www.forbes.com/sites/alexknapp/2014/09/23/nasas-maven-spacecraft-successfully-entered-into-martian-orbit/ [2] How long does it take to get to Mars? <http://www.universetoday.com/148 ... to-get-to-mars/>

ئىپارە

	ۋاھ يەنە بىر يىڭى تېما! خىزمىتىڭلارغا ئۇتۇق تىلەيمەن! مارىسنى چۈشىنىشىمىزگىمۇ ئاز قالدى دىگەن  گەپ  بولدى دە ھە؟ ئاللاھ خالىسا. مەن مۇشۇ بارلىق بىلىملەرگە قىزىقىمەن.دادام مىنى كىچىگىمدە يىپتىن يىڭنىسىگىۋە سورايدىغان بالا بولدى بۇ ئادەمدىن تولا گەپ سوراپ ئادەمنى زىرىكتۈرۋىتىدۇ دەيتتى. مىنىڭ كۈزۈتۈش ئىقتىدارىم يوقۇرىمۇ   ئۇ نىمىشقا؟ بۇ نىمىشقا؟ ئاينىڭ ئىچىدە نىمە بار؟كۈننىڭ ئىچىدىچۇ؟ دەوپ ئۇكارغا بەك قارايتتىم.

ئىپارە

	تەھرىرلىسەم يوقاپ كىتىپ تەھرىرلىيەلمىدىم.كەچۈرۈڭلار . توغرلاپ ئوقۇغايسىلەر.

musapir01

	ھىندىستانمۇ مارىس تەكشۈرۈش ئەسۋابنى ئوربىتىغا كىرگۈزۇپتۇ. ئەمدى ئىنسانلانىڭ مارسقا بولغان چۈشەنچىسى تىخمۇ ئاشىدىغان بولدى.

WIJDAN..?

	ئىپارە يوللىغان ۋاقتى  2014-9-25 02:20 PM ۋاھ يەنە بىر يىڭى تېما! خىزمىتىڭلارغا ئۇتۇق تىلەيمەن! م ... زوركەنسىز جۇما... ھېلىقى يىشونىڭكىدىكى نىمىشقا ئۇكاشتەك

ئىپارە

	WIJDAN..? يوللىغان ۋاقتى  2014-9-25 03:56 PM زوركەنسىز جۇما... ھېلىقى يىشونىڭكىدىكى نىمىشقا ئۇكاشت ... گىپىڭىزنى چۈشىنەلمىدىم......

isiyan

	مۇشۇنداق ماڭسا ئالەمدە سىر قالمامدۇ نىمە ؟

WIJDAN..?

	ئىپارە يوللىغان ۋاقتى  2014-9-25 05:09 PM گىپىڭىزنى چۈشىنەلمىدىم...... تەكرار ئوقۇپ ئويلۇنۇڭ...

hekmat110

	باشقىلار چىقتى ئاي ۋە يۇلتۇزغا.....دەپ بىر ناخشا بولىدىغان

ئىپارە

	WIJDAN..? يوللىغان ۋاقتى  2014-9-25 05:44 PM تەكرار ئوقۇپ ئويلۇنۇڭ... ماقۇل  ماقۇل .زوركەنسىز دىگەن نىمە گەپ؟